2 Reyes 19:2 - Qullan Arunaca

Ucatsti Amoz chachan Isaías profet yokapan ucaruw qhitäna palacionquiri Eliaquim sat mayordomoro kellkeri Sebna sat chacharu, uqhamarac sacerdotenacat jilïr awquinacaru chhanqha isinacamp isthapita llaquisiña uñacht'ayañataqui,

Aymar Bibliia 1986

Ucatsti Amoz chachan Isaías profet yokapan ucaruw qhitäna palacionquiri Eliaquim sat mayordomoro kellkeri Sebna sat chacharu, uqhamarac sacerdotenacat jilïr awquinacaru chhanqha isinacamp isthapita llaquisiña uñacht'ayañataqui,

Qullan Arunaka DC

Ukatsti jupax reyi uta apnaqir Eliaquim jilïrimpiru, Sebná qillqirimpiru, sacerdotenakat jilïr awkinakampiruw khithäna, Amós chachan yuqapa Isaías profetan ukaru, chhankha isinakamp isthapita llakisiñap uñacht'ayañataki,

2 Reyes 19:2 Jak'a apnaqawi uñst'ayäwi

2 Samuel 3:31

Ucatsti Davidajj Joab jakempiru uqhamaraqui qhitinacatejj jupampi chekäpcäna ucanacarusti saraquïnwa: “Jichhajj isinacam ch'iyarasipjjam, ucatsti chhanqha isinacampi isthapisipjjaraquim, Abneran jiwatapatsti lutt'asipjjaraquim” sasa. David reyisti, Abnerar imañataqui callasipcäna uca khepäjjwa sararaquïna.

2 Reyes 12:10

Cunapachatï arcana walja kollke utjatapa uñjapjjäna ucqhajja, reyin secretariopampi, sumo sacerdotempi jutasinjja jact'apjjänwa templonjja kawkha kollkes utji uca, ucatjja imjjapjjänwa mä bolsanacaru.

2 Reyes 18:18

Ucjjarusti jawsanipjjänwa reyiru, uqhamarac Hilcías chachan Eliaquim yokaparu, jupasti reyin palaciopanjja mayordomönwa, uqhamarac Sebna kellkeriru, Asaf chachan Joa yokaparu, jupasti reyin secretariopänwa, ucatjja jupanacamp jiquisiriw mistupjjäna.

2 Reyes 19:3

rey toketa aqham sañapataqui: “Jichhürojj wali llaquisiñancapjjtwa, mutuyata jisc'achataraqui, cunjämatejj mä warmejj wawachasiñap horasajj jan ch'amanjama jicjjatasejja uqhama.

2 Crónicas 26:22

Ucat ucjjaru Uzías reyin luratanacapasti kalltata tucuycamajja, Amoz chachan yokapa Isaías profetaw kellkäna.

Isaías 1:1

Amoz chachan Isaías yokapajj Judá marcampita, Jerusalén marcampita uñacht'äwi toke catokäna; cunapachatï Uzías, Jotam, Acaz, uqhamaraqui Ezequías reyinacajj Judá marcar apnakcän uca maranacanwa jupajj uca uñjäwi uñjaraquïna:

Isaías 2:1

Aca arunacasti Isaías profetan arunacapawa, jupasti Amoz chachan yokapänwa, acsti uñjäwi toke uñjaraquïnjja, Judá marcampita, Jerusalén marcampita:

Jeremías 19:1

Tatitusti saraquituwa: “Saram, ucatsti ñek'et lurata mä wayucha alasiraquim, ucatsti marcanquiri jilïrinacaru, uqhamaraqui yakhepa jilïri sacerdotenacaru jawsaraquim.

Jeremías 36:24

Janiraquiw reyisa, ni uca jach'a jilïrinacasa, uca arunaca ist'asinjja ajjsartapcänti, janiraquiw llaquisitanacapsa uñacht'ayapcänti.

Mateo 4:14

Take acanacasti phokhasiscänwa, Isaías profetan arsutaparjama:

Lucas 3:4

Acasti lurasïnwa cunjämatejj Isaías profetajj kellkawaycatayna uqhamarjama: “Wasaran mä chekat maynin art'asitapaw ist'asi: ‘Tatitun thaquip waquichapjjam; chekäqui uca thacjja jist'arapjjaraquim.