2 Reyes 16:3 - Qullan Arunaca jan ucasti arcänwa Israelana reyinacapana luräwinacaparu, jupasti wawaparusa sacrificionjja naqhantayänwa, cunjämatejj marcanacajj k'añu lurañanaca yatipcäna uqhama, Tatitusti uca marcanacarojj israelitanacan nayrakatanacapatjja apanucutaynawa. Aymar Bibliia 1986 jan ucasti arcänwa Israelana reyinacapana luräwinacaparu, jupasti wawaparusa sacrificionjja naqhantayänwa, cunjämatejj marcanacajj k'añu lurañanaca yatipcäna uqhama, Tatitusti uca marcanacarojj israelitanacan nayrakatanacapatjja apanucutaynawa. Qullan Arunaka DC jupax Israelan maynïr reyinakapan thakhip arkäna, jupasti wawaparusa wilañcha luqtasin nakhantayäna, kunjämtix markanakax jan walinak lurapxirïkän ukhama, Tatitusti uka markanakarux israelitanakan nayraqatapat jaqunukutaynawa. |
Uqhamaraquiw uca orakenquir chachanacajja chacha masinacapampi jan wali lurañ yatipjjäna diosanacapataqui ascsa lurapcaspa uqhama, ucanacasti jucharar marcanacana jan wali luräwinacapänwa, cawquïr marcanacarutejj Tatitojj jakonuccäna israelitanacana nayrakatapata ucanaca.
Tatit Diosapan camachi arunacapa apanucusasti, bronceta pä vaca kallu lurasipjjäna, mayasti Asera sat diosan lantipänwa, ucarusti yupaychapjjaraquïnwa, uqhamarac alajjpacha take warawaranacarusa, Baal diosarus yupaychapjjaraquïnwa.
Uqhamaraquiw yokall, imill wawanacaparusa naqhantayapjjäna, ucatsti jupanacajj yatirinacaru, laykanacaruw jisct'asipjjäna, ucatjja Tatitun nayrakatapanjja jan wali lurañanacaruwa catuyasipjjäna, uqhamata jupar colerayasina.
Ucampis Judá tribusa janiraquiquiwa Tatit Diosapana camachi arunacapjja phokcaraquiquïnti, jan ucasti israelitanacajj uñstayapcäna uca luräwinacaparuwa arcapjjaraquiquïna.
Uqhamaraquiw lurapjjaraquïna cawquïr marcanacarutejj Tatitojj jakonuccäna jupanacan nayrakatapata ucanacan luräwinacapa, cunjämarutejj Israel reyinacan utt'ayatäcäna uqhamaruraquiw sarnakapjjaraquïna.
“Manasés reyin jan wali k'añu luräwinacapata, ñankha luräwinacapajj juc'amp jilätapata, jupat sipana nayra jacapcäna uca amorreonacata sipana juc'ampi, uqhamarac Judá marcarusa yakha diosanacapampi jucha lurayatapatjja:
Ucampis jupan luratanacapajj jan walinacänwa Tatitun nayrakatapana, jupasti luränwa Tatitojj cawquïr marcanacarutejj israelitanacan nayrakatapata jakonuccäna ucanacan pachpa k'añu luräwinacapa.
Ucjjarusti wawanacaparuwa naqhantayäna sacrificion loktasina. Ucatsti yatïnwa ajayunacaru jawsaña, uqhamarac yatirinaca apnakañsa, ucatjja utt'ayänwa ajayunacampi parlaña, uqhamarac laykasiñanaca. Tatitun nayrakatapansti luratanacapajj sinti jan walinacänwa, uqhamatwa Tatitur wali colerayäna.
Ucampis jupanacajj janiw ist'asipcänti, jan ucasti Manasés reyejj juc'ampiwa ñankha lurañanacaru irpäna, cawquïr marcanacarutejj Tatitojj israelitanacan nayrakatapana tucjcäna ucanacat sipansa.
Josías reyisti taquichasiraquïnwa Ben-Hinom sat vallenquiri naqhayañäqui uca, jan qhitis yokalla imilla wawaparusa Moloc diosataqui sacrificion loktapjjañapataqui.
Ucampis jupajj sarnakänwa cunjämtï Israelan reyinacapajj sarnakapcäna uqhamaraqui, ucatsti Acab reyita sarakapqui ucanacan sarnakatapjamaraqui, warmipajj Acab castätap laycu, uqhamasti luratanacapajj jan walinacänwa Tatitun nayrakatapana.
Ocoziasasti Acab reyin, uqhamarac jupa casta reyinacapan sarnakäwinacapanaracwa sarnakaraquïna, taycapajj jan wali ewjja arunaca churirïtap laycu, uqhamarac familiapana Acab familiapampi suma parlasïwincatap laycuraqui, jupan luräwinacapasti jan walinacänwa Tatitun nayrakatapana. Awquipana jiwjjatapatjja jupanacawa Ocoziasan amuyt'a churirinacapäpjjäna, ucatsti tucusiñaruwa sarayapjjäna.
Ucampis jupan luräwinacapajja jan walïnwa Tatitun nayrakatapana, jupasti luränwa Tatitojj israelitanacan nayrakatapata ajjtcaña luräwinacani marcanacaru jakenuccäna, uca pachpa luräwinaca.
Ucjjarusti wawanacaparuwa sacrificiot loktasina naqhantayäna Ben-hinom valle sat chekana, ajayunacaru jisct'asisin yupaychäna, ucatsti utt'ayänwa ch'amacaninaca, ajayunacampi parlañanaca, uqhamarac laykasiñanaca. Tatitun nayrakatapanjja luräwinacapajja sinti jan walinacänwa, Tatitun colerasiñapa sartayañcama.
roble kokanaca jac'ana, take ch'ojjña kokanac c'uchunwa k'añu lurañanacaru catuyasipjjtajja, jawira thiyanacana, karka p'iya mankhanacan jisc'a wawanacsa sacrificiot loktapjjtajja.
Ben-hinom sisqui uca vallensti Baal diosataquejj altaranacsa lurasipjjaraquiwa, Moloc diosaru imill wawanacapsa, yokall wawanacapsa sacrificiot loktañataqui, uqhamat Judá marcaru juchar puriyasa, uca ajjtascaña lurañanacsti janiw nayajj jupanacarojj ‘Lurapjjam’ siscti ni acch'as amuyojjarojj ucanacajj jutcaraquïnti.
Jumasti, jupanacjamaw luraractajja, cuna k'añu luräwinactejj jupanacajj lurapcän ucanacwa luraractajja. Ucanacampi jan sisthapisasa, juman sarnakäwinacamajj jupanacan sarnakäwinacapat sipansa juc'ampi jan walïnwa.
Jupanacarusti yakha diosanacapampi k'añuchasipjjañanacapataquiw apanucuracta, jilïri yokall wawanacapsa uca yakha diosanacar sacrificiot loktapjjañanacapataquiw apanucuracta. Jupanacan ajjsartapjjañanacapataquiw luraracta, ucat nayan Tatitütajja yatipjjañapataqui.’
Jumanacan wawanacama sacrificiot loktasa ninampi naqhantayasinjja, uqhamarac ofrendanac churasinsa jumanacajj uca yakha diosanacampejj k'añuchasisipcactawa. ¿Jichhasti israelitanaca, uqhamäcasinti nayar jisct'asiri jutapjjaracta? Naya Tatituw jacañajj laycu juramentompi arsta, janipuniw jumanacampejj jisct'ayascäti.
“Janipuni wawanacamjja Moloc sat diosarojj sacrificiot loktamti. Janiraqui uqham lurasajj Diosan sutipsa ñankhachamti. Nayaquïtwa Tatitojja.
“Israelita jakenacarusti aqham saraquim: Cawquïri israelita jaketejja jan ucajj jumanac taypina jaquiri yakha marcat jutiri jakenacasa, wawanacapa Moloc sat diosaru sacrificiot loktani ucasti kalampi c'upjasina jiwayatäñapawa, take jakenacaw juparojj c'upjapjjañapa.
¿Tatitusti cusisiraquispati jupar waranka ovejanaca, jan ucajj tunca waranca aceite jawiranaca churirista ucajja? ¿Jan ucajj jilïr yokall wawajjcha loktirista, Dios contra sayt'asitajjata, uqhamarac juchajjatsa?
Jan jumanacajj uqham Tatitu Diosamarojj lurapjjamti. Diosajj jan uñjañ munqui ucanacwa uca marcanacasti diosaparu wakaychañataquejj lurapjje, uqhamaraquiwa quipca wawanacapsa ninampi phichhantapjje sacrificiot loktasa.
Jan jumanacat cawquïris sacrificiot ninar nakhantayasa loktapjjamti wawanacamaru, janiraqui yatiri jakes tucupjjamti, janiraqui jutcan uca urunacat yatjjatañanacarusa uchasipjjamti, janiraqui laykanacasa tucupjjamti.