2 Reyes 13:5 - Qullan Arunaca Ucat Tatitojj mä khespiyirwa churäna, uqhamatwa israelitanacajj khespiyasipjjäna Siria marcanquir reyita, ucatsti samarataquiw utanacapana jacjjapjjäna, cunjämtejj nayrajj jacapjjerïcäna uqhama. Aymar Bibliia 1986 Ucat Tatitojj mä khespiyirwa churäna, uqhamatwa israelitanacajj khespiyasipjjäna Siria marcanquir reyita, ucatsti samarataquiw utanacapana jacjjapjjäna, cunjämtejj nayrajj jacapjjerïcäna uqhama. Qullan Arunaka DC Tatitux Israel markatak mä qhispiyir khithanïna, ukhamat israelitanakax Siria reyin amparapat qhispipxäna, ukatsti nayra urunakanjam samaratakiw wasitat utanakapan jakxapxäna. |
Ucatsti Joacaz reyin Joás yokapaw cutirayjjäna Ben-adad uca reyin amparapata, cawquïr marcanactejj jupajj guerran aparcäna Joacaz awquipata ucanaca. Ucatsti Joás reyejj Ben-adad reyirojj quimsa cutiwa atipjäna, ucatjja cutirayasjjänwa Israelan marcanacapa.
Jeroboam reyisti Israel marcan korpanacapjj sumwa lurayäna, Hamat sat chekaru mantañawjata kalltasina, Arabá sat kotacama, cunjämtï Israelan Tatitupajj yatiycäna Jonás sirvirip toke; jupasti Amitai chachan yokapänwa, uqhamarac Gat-hefer sat chekanquir profetaraquïnwa.
Tatitusti Joás chachan Jeroboam yokap tokewa Israel marcar khespiyäna, Tatitusti janiw muncänti Israelan sutipa aca oraketa chhaktatäñapjja.
chekpachansa Saúl chachajj nanacan reyejjacchïna ucasa, jumawa Israelan nuwasiñanacapanjja sarayäyätajja. Uqhamarusa, Tatit Diosam pachparaquiw jumarojj arsuraquïyätam jumana Israel marcaparu sarayasina apnakañamataqui” sasa.
Ucatwa jumajj uñisirinacapan amparanacaparojj catuytajja jupanacar t'akhesiyapjjañapataqui. Ucatsti jupanacajj uqham t'akhesiyatäsinwa jumarojj yanapa mayipjjtamjja, ucampis jumajja jach'a qhuyapayasiñama laykojja, alajjpachatpachwa ist'tajja; ucatjja churtawa jakenaca t'akhesiyiripan amparapat khespiyapjjañapataqui.
Jichhasti jumatejj amuct'asïta, janitejj cunsa camscäta ucajja judionacan khespiyasiñapajja yakha toketwa jutani. Ucampis jumasa, uqhamarac awquiman familianacapasa jiwarayatäsipcaquïtawa. ¡Inasa jumajja reinaru puriscsta jiwasanacaru aqham llaquisiña horasana yanapt'añataqui!” sasa.
Moisesajj Tatiturojj sänwa: —¡Ay Tata! Nayajj janiw suma parlirïcti, ni nayrasa, ni jichha naya sirvirimampi parlcta ucqhasa. Cunapachatejj parlcta ucqhajja qhact'irïtwa janiw arunacsa suma arsurïcti —sasa.
Uca kalasti Egipto marcanquir jakenacajj take ch'amani Tatitut amtasipjjañapataqui uscutäniwa. Cunapachatejj jupanacajj Tatitut yanapa mayisipjjani jupanacar nuwirinacat arjjatañapataqui, ucapachasti Tatitojj jupanacataquejj mä khespiyiri qhitanini, jupanacar arjjatañapataqui, uqhamaraqui khespiyañapataqui.
Atipjañampiwa Sión kollurojj maqhatapjjani, qhitinacatï Esaun kollunacapan utjapquis ucanac contra arsuñataqui, ucansti Tatituraquiw apnakaraquini.
Jichhürojj jumanacataqui mä Khespiyiriw naci, Davidan marcapana, ucasti CRISTO Tatituwa.
Cawquïritejj jake masiparu jiwaychi ucajj puedjjew uca marcar jaltjjañjja uqhamat jacañap khespiyasiñataqui, jan muncasina mä desgracian uqham lurchi ucqhajja jan jupanac pura uñisisiñajj utjcchïnti ucapacha.
“Uca laycuw Tatitojj qhitanïna, Jerobaal, Barac, Jefté, uqhamarac Samuel ucanacaru, jumanacar uñisirinacamat khespiyañapataqui, uqhamat jumanacajj sumaqui jacasipjjañamataqui.
Uqhamasti Jonatanajj Davidar jawsasinjja, take uca parljäwitwa yatiyäna. Ucatsti Saúl reyin ucaruw irpjjaraquïna; Davidasti cunjämtejj nayra sirvcäna uqhamaracwa reyirojj sirviscaquïna.