2 Reyes 11:8 - Qullan Arunaca

Jumanacasti reyiruwa muyuntapjjäta, sapa maynisa amparanacapana armanacasa catt'atcama, qhititejj jumanac taypi pasañ munapcani ucajja jiwaniwa. Jumanacawa reyimpi chicpacha cawcsarutejj jupajj sarcani ucsar sarapjjäta.”

Aymar Bibliia 1986

Jumanacasti reyiruwa muyuntapjjäta, sapa maynisa amparanacapana armanacasa catt'atcama, qhititejj jumanac taypi pasañ munapcani ucajja jiwaniwa. Jumanacawa reyimpi chicpacha cawcsarutejj jupajj sarcani ucsar sarapjjäta.”

Qullan Arunaka DC

Jumanakax reyiru muyuntasin sum uñjapxäta, sapa maynis nuwasiñ yänakap katt'atkama, khititix jumanak taypir mantañ munkani ukaxa, jiwaniwa. Jumanakaw reyimp chik sarapxäta, kawkharutix jupax sarkani ukkharu” sasa.

2 Reyes 11:8 Jak'a apnaqawi uñst'ayäwi

2 Reyes 11:15

Ucampis Joiada sacerdotejja ejerciton jilïrïqui uca capitananacarojj sänwa: “¡Aca templotjja apsupjjam aca warmiru, qhititejj jupar arccani ucarusti espadampi jiwayapjjam!” sasa. Ucatjja cunjämatï sacerdotejj siscatayna: —Janiw Tatitun templopana jiwayapjjätati —sasajja,

2 Reyes 11:7

Jichhasti, paypacha tamanacajja samarañ uruna guardiata mistupcäta ucanacajja, Tatitun temploparuwa guardiapjjäta reyimpi chicpacha.

2 Crónicas 23:7

Levitanacasti reyiruwa muyuntapjjani, sapa maynisa amparanacapana armanacas apt'atcama, ucatsti qhititï templor mantañpuni munani ucajja jiwaniwa. Jupanacasti uqhamaraquiw chekpacha sarapjjani, cawcqharutejj reyejj sarcani ucqhacama” sasa.

Éxodo 21:14

Ucampis qhititejj colerasisa jan wali amtañanacampi masipar jiwayqui, ucarojja altarajjarus jaltascpan, ucasti jiwayatäñapapuniwa.

Números 27:16

—Dios Tatitu, jumaw take jakerus jacañ churta, utt'ayamay mä jilïriru, marcaman nayrakatap sarañapataqui, jupasti take chekanjam irparacpan, mä tamajj jan awatirini sarnakqui jan uqham sarnakapjjañapataqui.