Jehú reyisti Jezreel marcan Acab reyin familiapat jilt'irirojja jiwarayänwa, take wali aytata jakenacaparu, wali suma amigonacaparu, uqhamarac sacerdotenacaparusa. Janiw qhitirus jacquir jaytcänti.
2 Reyes 10:12 - Qullan Arunaca Ucatsti Samariaru thaquinjama, sarcasinsti awatirinacana Bet-equed sat chekaruw purïna. Aymar Bibliia 1986 Ucatsti Samariaru thaquinjama, sarcasinsti awatirinacana Bet-equed sat chekaruw purïna. Qullan Arunaka DC Ukatsti Jehú reyix Samariaruw sarxäna, sarkasinsti Bet-equed sat chiqaruw purïna, kawkhantix awatirinakax tantachasipxirïkän uka chiqaru. |
Jehú reyisti Jezreel marcan Acab reyin familiapat jilt'irirojja jiwarayänwa, take wali aytata jakenacaparu, wali suma amigonacaparu, uqhamarac sacerdotenacaparusa. Janiw qhitirus jacquir jaytcänti.
Ucansti Judá marcanquir Ocozías reyin jilanacapampiwa jiquisïna. Jehú reyisti jupanacarojj jisct'änwa: —¿Qhitinacäpjjtasa jumanacajja? —sasa. Jupanacasti sapjjänwa: —Nanacajj Ocozías reyin jilanacapäpjjtwa, reyin wawanacaparuw aruntir jutapjjta, uqhamarac reinan wawanacaparusa —sasa.
Ucatsti Jehú reyejj arquirinacaparojj sänwa: “Jacquirpacha catuntapjjam” sasa. Jehú reyin arquirinacapasti jacquirpachwa catuntapjjäna, ucatsti awatirinacan Bet-equed sat uma phuch'u jac'anwa jupanacar qharirapjjäna. Jupanacasti pusi tunca payan jakenacäpjjänwa, janiw qhitirus jacasquiri jaytapcänti.
Cunapachatï Jehú chachajj Acab reyin familiaparu chekaparu uñjascäna ucqhajja, jicjjataraquïnwa Judá marcanquir jilïrinacaparu, uqhamarac Ocoziasan familianacaparusa, jupanacasti Ocoziasaruw sirvipjjäna, ucatsti jupanacarojj jiwarayänwa.