2 Corintios 6:9 - Qullan Arunaca

Horasasti jan uñt'at jakenacarjamaraquiw uñjapjjetu, ucampis wali uñt'atäpjjtwa; horasajj jiwañar purirjamaraquiw uñjasipjjtjja, ucampis jacasipcaractwa; mutuyataw uñjasipjjta, ucampis janiw jiwayatäpcti.

Aymar Bibliia 1986

Horasasti jan uñt'at jakenacarjamaraquiw uñjapjjetu, ucampis wali uñt'atäpjjtwa; horasajj jiwañar purirjamaraquiw uñjasipjjtjja, ucampis jacasipcaractwa; mutuyataw uñjasipjjta, ucampis janiw jiwayatäpcti.

Qullan Arunaka DC

Jan uñt'at jaqinakarjamaw uñjapxitu, wali uñt'atäpkta ukasa. Nanakax niy jiwirpachjamäpxtwa, ukampis jakasipkaktwa; jawq'japxituwa, ukampis janiw jiwayapkituti.

2 Corintios 6:9 Jak'a apnaqawi uñst'ayäwi

Hechos 17:18

Epicúreo sat yatichirinacampita, estoico sat yatichirinacampitjja, mä kawkhaninacaw Pablompi wal jisct'asipjjäna. Yakhepanacajj sapjjänwa: —¿Cun sañs munpachïstu aca ancha parlir jakejja? —sasa. Yakhepanacasti sapjjaraquïnwa: —Yakha jan uñt'at diosanacat parlir jakjamaquiwa —sasa. Ucsti sapjjänwa Pablojj Jesusampit, jactäwipampit parlatap laycu.

Hechos 19:26

Jichhasti jumanacajj uñjapjjtawa, ist'apjjaractawa cunjämtï aca Pablo jakejj sarnakasqui: ‘Jaken lurat diosanacajj janiw cheka Diosäquiti’ sasa ucjja. Uqham sasaw jupajj walja jakenacarojj mayjt'ayäna, uca pachpa Éfeso marcansa, uqhamarac niya takpach Asia tokenquirinacarusa.

Hechos 25:19

Jan ucasti jupanacan Diosar iyawsañap toketacwa juchañchapjjäna, uqhamarac mä jiwat Jesús sat chachjjata. Pablosti uca Jesús chachatjja, ‘Jacasquiwa’ saraquïnwa.

Hechos 25:26

Aca jakjjata emperador jilïrejjar kellkañataquejja, janiw cunjäma sañajjas utjquituti. Ucatpï jumanacan nayrakatanacamarojj irpsuyantjja. Taket sipansa rey Agripa, juman jisct'añamwa munta, uqhamat emperadorar cunjäma kellkañajjas utjañapataqui jupa toketa.

Romanos 15:19

Cunaymani milagronacampi jach'a luräwinacampiw Kollan Ajayun ch'amap toke nayajj Diosan arupa parlañjja phokta, Cristonaqui khespiyasiñajj utjatap yatiyasina, Jerusalenat kalltasina Iliria ucqhacama.

Romanos 8:36

Kellkatanjja saraquiwa: “Juma laycuw sapürusa nanacajj jiwañataqui yakhachatäpjjta. Qhariñ ovejanacarjamaraquiw uñjapjjetu” sasa.

1 Corintios 11:32

Ucampis cunapachatejj Tatitojj juchañchquistu ucqhajja, mutuyistuwa, jan jiwasajj acapachanquir jakenacampi chica juchañchatäñasataqui.

1 Corintios 15:31

Sapüruw nayajj niya jiwañanacan jicjjatasta, ucasti chekapunïsquiw jilatanaca, nayasti chuymajjanjja cusistwa jumanacajj Cristoncapjjatamatjja.

1 Corintios 4:9

Amuyatatjja, Diosas nanaca apostolonacarojj mä thiyarjamaquiw apanucjjapjjetu. Jiwayañatac uscut jakenacjamäpjjtwa, uqhamarac angelanacansa, take jakenacansa uñch'uquitäñataquiraquiw tucupjjtjja.

2 Corintios 11:6

Parlatajjajj inas jan sumäcchiti ucampis yatitanacajjajj janiw uqhamäquiti. Acsti jumanacarojj uñacht'ayapjjsmawa, take cuntejj lurapcta ucanacana.

2 Corintios 4:2

Cunatejj jamasan lurasqui, uqhamarac cunatejj p'enkäqui ucanacjja apanucupjjtwa. Janiw jan wali amtañanacampi sarnakapcti janiraquiw Diosan arunacapsa maysar k'ewipcti. Cunatejj chekäqui ucacwa parlapjjtjja, uqhamataracwa takenimpis waliquiw sayasipjjaractjja Dios nayrakatanjja.

2 Corintios 5:11

Ucatpï, nanacajj Tatitur ajjsartirinacjamajja, jakenacarojj amuyt'ayañ munapjjtjja. Ucampis Diosajj yatjjewa cunäpctï nanacajj ucjja, uqhamaraqui jumanacas yatipjjaraquismaw cunäpctejj nanacajj ucjja.