2 Corintios 6:6 - Qullan Arunaca

Take ucanacsti uñacht'ayapjjaractwa suma sarnakatanacajjampi, cunatejj chekäqui uc uñt'apjjatanacajjampi, llamp'u chuymanïpjjatajjampi, suma chuymanïpjjatajjampi, uqhamarac Kollan Ajayojj nanacampïtap laycu chekpach munasiñanïpjjatajj laycuraqui,

Aymar Bibliia 1986

Take ucanacsti uñacht'ayapjjaractwa suma sarnakatanacajjampi, cunatejj chekäqui uc uñt'apjjatanacajjampi, llamp'u chuymanïpjjatajjampi, suma chuymanïpjjatajjampi, uqhamarac Kollan Ajayojj nanacampïtap laycu chekpach munasiñanïpjjatajj laycuraqui,

Qullan Arunaka DC

Taqi ukanaksti q'uma jakäwinakaxampi, kunatix chiqäki uk uñt'atanakaxampiw uñacht'ayapxta, ukhamarak llamp'u chuymanïpxataxampi, khuyapayasirïtanakaxampi, chiqa kankañ uñt'atanakaxampi, Qullan Ajayux nanakampïtap layku, chiqpach munasiñanïpxatax layku,

2 Corintios 6:6 Jak'a apnaqawi uñst'ayäwi

Ezequiel 33:31

Uqhamaw marcajjajj jutasin juman nayrakataman kont'asipjje cunjämtejj lurapjjerïcäna, arunacama ist'añataqui. Ucampisa janiw uca arunacarjama sarnakapquiti. Munasiña k'ochunacäcaspasa uqhamacwa k'ochupjje, ucampisa jupanacan chuymanacapajj kollken khepapa sarañanquiwa.

Romanos 12:9

Cheka munasiñajj jumanacanjja maynit maynicam utjpan, jan wali lurañanacarusti uñisipjjaraquim, sumäquis ucrac lurapjjam.

Romanos 15:19

Cunaymani milagronacampi jach'a luräwinacampiw Kollan Ajayun ch'amap toke nayajj Diosan arupa parlañjja phokta, Cristonaqui khespiyasiñajj utjatap yatiyasina, Jerusalenat kalltasina Iliria ucqhacama.

1 Corintios 12:8

Uca Ajayu tokeraquiw yakheparu cunsa sum parlt'añapataqui yatiñ ch'ama churi, uca pachpa Ajayu tokeraquiw yakheparojj take cunas wali suma uñt'añampi parlt'aña churaraqui.

1 Corintios 13:4

Qhitintejj munasiñajj utjqui ucajj llamp'u chuymaniwa, suma jakewa, janiw envidiasirïquiti, janiw jach'a jach'a tucurïquiti.

1 Corintios 2:16

Diosan Kellkatapasti saraquiwa: “¿Qhitirac Tatitun amtäwinacapsti amuyt'aspasti? ¿Qhitirac Diosarusti yaticharaquispasti?” sasa. Ucampis jiwasajj Cristo Tatitun amtäwinacapanïpjjtanwa.

1 Corintios 2:4

Cunapachatï Diosan arunacapa jumanacar parliri jutta ucqhajja, janiw jakenacan yatiñ arunacapampi amuyt'ayañjja munapcäyäsmati, jan ucasti Kollan Ajayu tokwa amuyt'ayapjjsma, Diosan ch'amapampiraqui,

2 Corintios 1:23

Janis amtatajjarjama Corintorojj sarcsta ucasa, jumanacat qhuyapayasisaw jan jutcti ucsti Diosaw yatisqui.

2 Corintios 11:11

¿Cunatsa aqham parltjja? ¿Janich jan ucajj jumanacar munapcpachäsmajja? Diosajj yatisquiw walpun munapcsma ucjja.

2 Corintios 11:4

Jumanacajj wali sum catokapjjtajja qhitinacatejj yakha Jesusjjat parlasis purisipqui ucanacarojja, cawquïr Jesusattï nanacajj parlapcsman ucat sipansa. Uqhamaraquiw yakha ajaysa sum catokapjjtajja cuntï nanacat catokapcäyätas uca Ajayut sipansa, yakha arunacsti sum catokapjjaractajja khespiyasiñ arunac churapcsmas ucat sipansa juc'ampi.

2 Corintios 11:6

Parlatajjajj inas jan sumäcchiti ucampis yatitanacajjajj janiw uqhamäquiti. Acsti jumanacarojj uñacht'ayapjjsmawa, take cuntejj lurapcta ucanacana.

2 Corintios 12:15

Nayasti take chuymaw nayan kollkejjat take cuns alasiscäjja, naya pachpasa uqhamaraquiw merk'susiscäjja jumanacan almanacaman asquip laycu. Amuyatajjatjja, nayajj jumanacar juc'ampi munapcsma ucqhajja, jumanacajj nayarojj juc'ampiw uñisipjjaraquistajja.

2 Corintios 13:10

Aca cartjja kellkanipjjsmawa janïra jumanacar uñjir jutcasa, cunapachatï nayajj jutcä ucqhajj jan munañanïñajj cancañampi khoru tucuñajjataqui. Uca munañanïñsti Tatituw churitu jumanacar ajayu tokena jiltayañataqui, janiw t'unjañataquiti.

2 Corintios 2:10

Jichhajj jumanacajj qhitirutejj perdonjjapjjstajja, nayajj juparojj perdonjjaractwa. Cuntï nayajj perdoncta ucjja jumanacat qhuyapayasisaw perdonta Tatit nayrakatanjja cuna perdonañatï utjcchïn ucasa,

2 Corintios 2:4

Cunapachatï uca carta kellkanipcäyäsma ucqhajja, wali mayjt'ata, llact'ata, uqhamarac jacht'asisa, uqhamaw jicjjatasïyäta; ucampis janiw llaquisipjjañamataqui apayanipcsmati, jan ucasti cunja jach'äquitejj munasiñajjajj jumanacataqui uc yatipjjañamataquiw apayanipjjsma.

2 Corintios 3:3

Uca cartasti jumanacäpjjtawa pachpa Criston kellkataraqui, nanacan churataraqui. Uca cartajj janiw tintampi kellkatäquiti, jan ucasti jacquir Diosan Ajayupampi kellkatawa. Uca cartajj janiw kalar kellkatäquiti jan ucasti jakenacan chuymapar kellkatawa.

2 Corintios 4:6

Diosajj khanapjja ch'amacan khantaycäna, uca pachpa Diosaraquiw khanapjja chuymanacasan khanayi. Uca khanampisti Diosan c'ajquir cancañapajj Jesucriston ajanupan khanquis uc uñt'apjjañasataquiwa.

2 Corintios 7:2

Jumanacajj take chuyma catokapjjeta. Janiw qhitirus cuna jan walsa lurapcti, janiraquiw qhitirus jan walir apapcti ni qhitirus sallkjapcaracti.

Gálatas 3:2

Jichhajj sapjjetaya: ¿Diosan Ajayupjja Moisesan leyiparu phokhatanacam laycuti catokapjjta, jan ucajj cuntejj ist'apcta ucaru iyawsapjjatam laycucha?

Gálatas 3:5

Cunapachatejj Diosajj Ajayup churapjjtam, ucatsti jumanac taypin milagronacraqui luri ucjja, ¿cunats uqham luri? Janiw ucjja lurquiti leyirjama phokhatanacam laycu, jan ucasti ist'apcta uca arunaca iyawsatanacam laycuwa ucjja luri.

Gálatas 5:22

Ucampis Kollan Ajayun luräwipajja acanacawa: munasiña, cusisiña, samaraña, llamp'u chuymanïña, takempis sumancaña, qhuyapayasirïña, take cunansa phokherïña,

Efesios 3:4

Uca carta leesinjja, amuyapjjpachätawa cunjämtejj Criston jan amuyt'cañ imantat luräwinacapa uñt'cta ucjja.

Efesios 4:2

Llamp'u chuymanïpjjam, munasirinaca, paciencianïpjjaraquim maynit maynicama munasiñan sarnakasa.

Efesios 4:32

Sumancapjjam, maynit maynicama qhuyapt'ayasirïpjjam, perdonasirïpjjaraquim maynit maynicama, cunjämtejj Diosajj jumanacaru perdonapjjtam Cristo toke uqhama.

Colosenses 1:27

Jupanacaruw Diosajj aca imantatjja uñacht'ayaraqui, cuna kamir cancañatejj Diosan utjqui jan judiöpquis uca jakenacaru. Imantäwisti Jesucristojj jumanacancqui ucawa, juparaquiwa cuntejj catokapcäta uca suyt'äwisa.

Colosenses 2:3

Uca Criston imantatäscaraquiwa take yatiñasa, amuyt'asiñasa.

Colosenses 3:12

Diosajj jumanacarojj munapjjtamwa, jupancapjjañamataquiw ajllisipjjtam. Uqhamajj qhuyapayasiñampi, suma jakëñampi, jisc'ar tucuñampi, llamp'u chuymanïñampi isthapitay sarnakapjjam.

1 Tesalonicenses 2:10

Jumanacaw testigöpjjta, Diosas testigoraquiwa, nanacan k'oma cancañan sarnakatanacajjatjja, jumanac iyawsirinacampis, jan qhitinsa ni cunjjatsa juchañchayasiñataquisa.

1 Timoteo 4:12

Waynätam laycojj jan jisc'achayasimti, jan ucasti, iyawsirinacampi mä suma uñtcañ sarnakam parläwimana, sum sarnakañana, munasiñana, Cristor arquirin jacañana, iyawsäwina, k'oma cancañan jacasa.

1 Timoteo 5:2

Chuymani taycanacarusti taycamarjam uñjam, tawakonacarusti cullacamarjam uñjaraquim, take k'oma chuymampi.

2 Timoteo 3:10

Ucampis jumajj sumwa arcawayta nayan yatichäwinacajjaru, sarnakatajjaru, amtäwejjaru, iyawsäwejjaru, llamp'u chuymanïtajjaru, munasiñajjarusa,

2 Timoteo 4:2

Tatitun arunacap parlam; waquisqui ucqhasa, jan waquisqui ucqhas parlapunim. Amuyt'ayam, ewjjt'araquim, ewjjanacs churaraquim, take llamp'u chuymampi yatichasa.

Tito 2:7

Juma pachparaqui mä suma uñtäwi uñacht'ayam take cunansa. Yatichañansti cheka cancañampi yaticham, phokhasaraqui,

Santiago 3:17

Ucampis qhitinacatejj Diosan yatiñanïpqui ucanacan jacañanacapajj nayrakatajj k'omawa, suma jakenacäpjjaraquiwa, munasirïpjjaraquiwa, suma amuyt'anïpjjaraquiwa, qhuyapayasirïpjjewa, asqui lurapjjaraqui, khanaraqui cuns parlapjje.

1 Pedro 1:12

Ucampis Diosajj jupanacarojj yatiyaraquïnwa, cuna tokettï yatjjatañ munapcän ucajj jan jupanacataquïtapa, jan ucasti jiwasataquïtapa. Ucatpï jichhajj jumanacarojj uca pachpa arunacaraqui yatiyatajja, qhitinacatejj parlapctam ucanac toke. Jupanacasti alajjpachat qhitanita Kollan Ajayun ch'amapampiwa parlapjjaractamjja. Ucanacsti angelanacas uñjañjja munapjjaraquïnwa.

1 Pedro 1:22

Jichhajj jumanacajja, Kollan Ajayu toke Tatitun arunacap ist'asinjja, almanacamjja k'omachasjjapjjtawa jilatanacaru chekpachan munañataqui. Uqhamajj maynit maynicamaw munasipjjañama take chuyma, uqhamarac take ch'amampi.

1 Juan 3:18

Wawanacajja, jiwasan munasiñasajj janiw lacaquïñapäquiti; jan ucasti chekpach munasiñasajj luräwinacasana uñjasiñapawa.

Jueces 16:15

Ucatsti Dalilajj sascaquïnwa: —¡C'ari! ¿Cunatraqui ‘Nayajj munsmawa’ sistasti? Acampejj quimsa cutiwa nayampejj sawcasistajja. Ucampis janiw yatiyquistati cawqhatsa ch'amamajj juti ucjja —sasa.