1 Timoteo 1:9 - Qullan Arunaca Janiw cuna leyisa asqui luririnacataquejj uscutäquiti. Leyejja Dios contra sayt'irinacataqui uscutawa, jan ist'irinacataqui, jan wali luririnacataqui, juchaninacataqui, Diosarus ni arsutanacaparus jan jaysirinacataqui, awquiparu taycaparu jiwayirinacataqui, uqhamarac jake jiwayirinacataqui, Aymar Bibliia 1986 Janiw cuna leyisa asqui luririnacataquejj uscutäquiti. Leyejja Dios contra sayt'irinacataqui uscutawa, jan ist'irinacataqui, jan wali luririnacataqui, juchaninacataqui, Diosarus ni arsutanacaparus jan jaysirinacataqui, awquiparu taycaparu jiwayirinacataqui, uqhamarac jake jiwayirinacataqui, Qullan Arunaka DC Janiw kuna kamachis aski luririnakatakix uskutäkiti. Kamachix, Diosar saykatirinakatak uskutawa, jan ist'irinakataki, jan wali luririnakataki, juchaninakataki, Diosan arsutanakapar jan jaysirinakataki, awkipar taykapar jiwayirinakataki, jaqi jiwayirinakatak uskutawa, |
Ucjjarusti Abisai jakempiru, uqhamaraqui take oficialanacapampirusti saraquïnwa: —Nayan pachpa wawajjatejj nayaru jiwayañ amtchitu ucasti, ¡juc'ampi amuyumpiw mayni Benjamín tribunquir jakejj jiwayañ munpachïtojja! ¡Jichhajj juparojj jaytapjjam, ñankhachascaquitpan, Tatituw juparojj uqhama luram sispacha!
Mä urojja cunapachatï jupajj Nisroc sat diosapan templopana yupaychascäna ucqhasti, sarapjjänwa Adramelec, Sarezer sat yokanacapa, ucatsti jupar jiwayasinjja Ararat sat chekanacaruwa jaltjjapjjäna. Ucatjja jupa lantejj Esarhadón yokapawa reyëjjäna.
Ucatsti Tatitojj mä ángel qhitanïna ucatsti tucjänwa take soldadonacaru, capitananacaru, uqhamarac asirianquiri reyin campamentopana jilïrinacaparusa. Ucatsti Senaquerib reyejj wali p'enkasiñampi phokt'atawa orakeparu cutt'awayjjäna. Ucatjja cunapachatï diosapana temploparu mantcäna ucqhawa jupan pachpa yokanacapajj jupar jiwayapjjäna.
Ucampis qhititejj colerasisa jan wali amtañanacampi masipar jiwayqui, ucarojja altarajjarus jaltascpan, ucasti jiwayatäñapapuniwa.
Qhititejj awquiparu, taycaparu ñankhachqui ucajja, wali ajjsarcaña ch'amacanwa jiwani.
Qhititejj jake jiwaycani ucajja, jiwañcamaw imantasiñatac jalnakascani. ¡Uca jakerojj jan qhitis jarc'panti!
Jake jiwayirin amigopawa awquiparu taycaparu lunthatejja; jupasti saraquiwa: “Janiw awquir taycar lunthatañajj juchäquiti” sasa.
Yakhep jakenacajj awquiparojj ñankhachapjjewa; janiraquiw taycaparus bendisipquiti.
Qhititejj awquiparu jisc'achqui, uqhamarac chuyman taycapatsa sawcasqui ucajja, waquisiwa cuervo sat jamach'impi jupan nayranacapajj apsutäñapa, janchipas siwek'aranacan mank'antatäñapa.
Tatitusti siwa: “Profetanacasa, sacerdotenacasa juchararcamaquïpjjewa, Pachpa templojjanwa jan walinac lurasipquiri jicjjataracta.
Jumarusti, Israel marcan ñankha reyipa, jake jiwayiri, jichhajj khepa mutuyäwi catokañama horasajj niyaw purinjje.
“Qhititejj awquiparu, uqhamarac taycaparusa maldicini ucasti jiwayatäñataqui juchañchatäniwa. Jupajj awquiparu, uqhamarac taycaparuwa maldicejja, uca laycu jupa quipcaw jiwatapatjja juchanïscani.
“Jakenacasti jilanacaparuw jiwayañataqui catuntayaraquini, awquinacasti wawanacaparuraquiw catuntayaraquini; wawanacasti uca quipcaraquiw awquinacaparojj jiwayañataqui catuntayaraquini.
Jake masinacapatjja jan walinac parlapjje, Diosarusti uñisipjjaraquiwa, ñankhanacaracwa arsupjje, wali wali tucurinaca, jach'achasirinaca, jan walinac uñstayirinaca, awquipar jan jaysirinaca,
Diosajj Abrahamarojj mä arust'äwi arsuwayäna jupan wawanacaparu acapacha herenciata churañataqui, ucampis uca arust'äwjja janiw arscänti jupan leyiru phokhatap laycu, jan ucasti Diosar iyawsañapaw utjäna, ucatwa Diosajj juparojj asquit catokäna.
Leyisti churatänwa juchajj juc'amp uñstañapataqui, ucampis cunapachatejj juchajj juc'ampi utjänjja juc'ampiraquiw Diosan qhuyapayasiñapajj utjaraquïna.
Juchasti janiw jumanacjjarojj ch'amanïcjjaniti, janiraquiw leyin munañapancjjapjjtati, jan ucasti Diosan qhuyapayasiñapancjjapjjtawa.
Uqhamajj ¿cunataquis Moisesan leyipajj asquïspa? Khepatjja yapjjatasiwa juchanac khanañchañataqui, cawquïrtejj Diosajj arscäna “wawamarusa” sasa ucan jutañapcamaquiw Moisesan leyipajj sirvïnjja. Leyejj angelanac tokew khanañchatäna, ucasti Moisés tokew lurasiraqui.
Ucampis Ajayutejj jumanacar irpapjjstam ucqhajja, janiw leyin amparapancjjapjjtati.
envidiasiñanaca, [jake jiwayañanaca,] machañanaca, jiljas mank'añanaca, acanacaru uñtat yakha lurañanacampi. Ewjjt'apjjsmawa, niya sapjjaracsmawa, qhitinacatejj acanac lurapqui ucanacajja janiw Diosan reinopanjja catokatäpcaniti.
llamp'u chuymanïña, janchin munañapar atipjaña. Acanac contrasti janiw cuna leyis utjquiti.
‘Maldicitäpan cawquïritejj awquiparus taycaparus jan munasiñampi uñjcan ucajja.’ Ucatsti takpach marcaraquiw saraquini: ‘Uqhamäpan’ sasa.
Ucatsti qhä ñankha jakejj uñstaniniwa, Tatit Jesusasti saman phust'apampiquiw jiwayani, c'ajquir jutäwipampiw t'unjaraquini.
Ucampis jan yäkamti aca oraken lokhe arunacaparojja. Sapürus Dios chuymaqui jacam.
Timoteo, cunatejj jumaru catuyatäqui ucjja imam. Jan ist'amti ch'usa jan cunataqui asquïqui uca arunacjja, ni uca c'ari yatiñ cancañ sutinïqui ucarusa.
Amuyasim aca oraken jan cunataqui sirvir ch'usa arunacatjja. Qhitinacatejj aca arunac parlapqui ucanacajj sapürutjamaw jan walinacar jalantapjje,
Jakenacajj mich'aw tucupjjani, kollke chuymaraqui, jach'a jach'aw tucupjjani, jilamp parlirinacaraqui. Diosat jan wali parlapjjani, awquinacaparus janiw ist'cjjapjjaniti, jan yäkasirïnacäpjjaniwa, Diosar arcañarus janiraquiw jayscjjapjjaniti.
Ucampis waljaniw sayt'irinacajj utjapjje, judionacat yämasa juc'ampiwa, ucanacasti jan walinac parlapjje ucat jakenacar sallkjapjje.
Jupanacajj: Diosarojj uñt'apjjtwa sapjjewa. Ucatsti luräwinacapampejj janiw uqham uñacht'ayapquiti, jupanacajj uñisirinaca, jan yäkasiñan khoru jakenacäpjjewa, janiraquiw cuna sumsa lurirjamäpquiti.
Mä jilïri irpirejj jacañapawa jan qhitin cuns camscaya. Mä sapa warminiquïñapawa. Wawanacapajj iyawsirinacäñaparaquiwa, janiraquiw jan walitsa ni jan wali sarnakeritsa uñt'ayasipjjañapäquiti.
Jiwasajj nayrajj uqham jan amuyt'anïpjjaraquïyätanwa, Diosar jan jaysiri, chhaktata, uqhamarac cunayman jan wali munañanacan esclavopäyätanwa. Ñankha lurañanacana, envidiasiñanacana jacascaraquïyätan uñisita, uqhamaraqui jiwascam uñisisisa.
Iyawsäwi laycuraquiw Rahab sat jan wal sarnaker warmejj jan jiwayatäcänti mayni jakenacamp chica, jupan uñaka israelit jakenacar sum catokatap laycu.
Janiraqui qhitis wachoka jucha lurasa sarnakcpati, janirac jisc'achapjjamti cunatejj k'omäqui ucarusa. Esaú chachajj ucwa luränjja, mä plato mank'a laycuquiw jilïr yokall wawäñjja aljasïna.
Jumanaca, qhitinacatejj iyawsapcta ucanacataquejj uca kalajj wali jila alaniwa; ucampis jan iyawsirinacataquejj, cunatejj Diosan arupajj sisqui ucaw phokhasiscaraqui: “Uta luririnacan apanucut kalajj, mä suma esquin kalaw tucuwayjje” sasa.
Jupanacasti nayrajj jan ist'asiriw tucupjjäna cunapachatï Noé chachajj arca lurascän ucqhajj janiw jaysapcataynati, Diosajj jupanacar suyt'ascchïna ucasa. Uca arcansti quimsakallkoniquiraquiw uma toke khespiyasipjjäna.
“Asqui jakenacatejj ch'ama tucuñampi khespiyaschi ucajja, ¿cunjämaraquïni jucharar jaketaquisti?”
takenir taripañataqui, uqhamarac take jan wali luririnacarus juchañchañataqui, uqhamarac take cunatejj ñankha arunac jupataqui arsupqui uca jan wali juch luririnacarusa.”
Ucampis ajjsaririnaca, jan iyawsirinaca, uñisisirinaca, jake jiwayirinaca, wachoka juchan sarnakerinaca, laykasirinaca, c'ari diosanacar yupaychirinaca, take c'arisirinacampisti nina kotaru jakontatäpjjaniwa, cawqhantï asufrempi naqhqui ucqharu, ucasti payïri jiwawa” sasa.
Ucampis ankaruw kheparapjjani jan wali sarnakerinacasa laykasirinacasa, wachoka juchan sarnakerinacasa, jake jiwayirinacasa, yakha diosanacar yupaychirinacasa, uqhamarac take sallkjirinacasa.