1 Timoteo 1:16 - Qullan Arunaca Ucatwa Diosajj nayatjja qhuyapayasitänjja, Jesucristojj nayjjaru take munasiñapa uñacht'ayañapataqui. Uqhamatwa nayajj nayrakat iyawstjja, nayar uñtasina mayninacajj jupar iyawsapjjañapataqui, uqhamat wiñay jacañanïpjjañapataqui. Aymar Bibliia 1986 Ucatwa Diosajj nayatjja qhuyapayasitänjja, Jesucristojj nayjjaru take munasiñapa uñacht'ayañapataqui. Uqhamatwa nayajj nayrakat iyawstjja, nayar uñtasina mayninacajj jupar iyawsapjjañapataqui, uqhamat wiñay jacañanïpjjañapataqui. Qullan Arunaka DC Ukat Diosax nayat khuyapayasitäna, Jesucriston naya tuqi munasiñap uñacht'ayañapataki. Ukhamat nayax nayraqat iyawsta, nayar uñtas mayninakan jupar iyawsasin wiñay jakañanïpxañapataki. |
Jupan oración luratapasa, uqhamarac catokatapasa, jucha luratanacapatsa, jan sum saratanacapatsa, cawqhanacarutejj yakha diosanacataqui santuario utanaca luraycäna ucanacatsa, Asera diosanaca uchayatapatsa, uqhamarac diosanac uchayatapatsa janïra Diosapatac jisc'ar tuct'cäna ucqha, profetanacapan sarnakäwipar kellkatawa.
Tatay, juchanacajjajj waljapuniwa, sutiman jach'ätap laycuy takpach juchanacajjat pampachita.
Ucat Moisesajj mäquiw quillt'asisa p'eke parapsa orakeru alnokasin Tatituru yupaychäna:
Tatitojj siwa: “Jutapjjam, uca jan wali luratanacamat parlapjjañäni. Juchanacamajj wila colorar uñtatäcchinisa, nayajj qhunjam jank'ow tucuyäjja; ch'iyar wila isir uñtatäcchinisa, nayajj jank'o t'arwaru uñtata tucuyäjja.
“Ucampis nayajja, Diosamätajj laycojj, jake jiwayatanacamjja pichsmawa, juchanacamatsti janiw mayampsa amtascjjäti.
Khoru jakejj sarnakäwipjja apanucpan, ñankha amtañan jakesti amtañanacapjja apanucpan; Tatitun ucar cuttanjjapjjam, jupasti jumanacatjja qhuyapayasipjjätamwa; Diosasar maqhatjjapjjam, jupasti perdonañataquejj janc'aquiwa.
Ucjjarusti Balaamajj Balac reyirojj sänwa: —Sacrificionac loktat thiyaru kheparam, ucañcamasti nayajj saräw inas Tatitu Diosajj nayampi jiquisir jutascchi uc uñjiri. Ucampis nayajj yatiyaraquïmaw cuntejj jupajj nayar yatiyquitani ucjja —sasa. Ucapachasti Balaamajj mä wasara kolluruw sarawayjjäna,
Sapjjsmawa, uqhamaraquipï cusisiñajj Diosan angelanacap taypinjj utjejja mä juchararan arrepientisitapatjja.”
Jesusajj juparojj saraquïnwa: —Chekpachawa sisma, jichhürpachaw jumajj nayampi chica paraisoncjjäta —sasa.
Ucatwa sismajja, walja juchanacapat perdonatäsinwa, walja munasiñapajj uñacht'ayasejja. Ucampis qhititejj juc'aqui perdonatäqui ucajj juc'a munasiñaniquiraquiwa.
Ucampis acanacajj kellkatawa Jesusajj Cristötap iyawsapjjañamataqui uqhamarac Diosan Yokapätapsa, ucatsti iyawsasinjja jacañanïpjjañamataqui.
Qhititejj Yokar iyawsqui ucajja wiñay jacañaniwa, ucampis qhititejj jan Yokaru iyawsqui ucajja janiw wiñay jacañanïcaniti, jan ucasti Diosan ajjsarcañ mutuyäwipwa catokani.”
“Khanacwa sapjjsma, qhititejj nayan arsutajjar ist'quejja, uqhamarac qhititejj qhitanquitu ucarus iyawscaraqui ucajja wiñay jacañaniwa, janiraquiw juchañchatäcaniti, jan ucasti jiwañat jacañaruw pasawayjje.
Take qhitinactejj Awquejj churquitu ucanacajja nayaruw juti; qhititejj nayaru jutqui ucarojja janiw ankaru alisnuccti.
Qhitanquitu ucan munañapajja acanacawa: Take qhitinacatejj Diosan Yokaparu uñjquejja, uqhamarac jupar iyawsquejja ucanacajj wiñay jacañanïñapa, nayasti khepa urunjja jacatatayaraquïwa.
Qhititejj nayan janchejj mank'qui, wilajjsa umcaraqui ucajja, wiñay jacañaniwa, nayapï khepa urunjja jacatatayaraquëjja.
Ucatwa jupar iyawsirinacajj jupa toke perdón jicjjatapjje, take cunattï Moisesan kellkataparjama jan perdón jicjjatañ puedepcän ucanacata.
Take cunatejj nayratpach Kellkatan uchatäcän ucanacajj jiwasanacaruw yatichistu, llamp'u chuyma toke suyt'añasataqui, ucanracwa mä samarañsa jicjjattanjja.
Juchan wajjt'asiñapasti jiwañawa, ucampis Diosan wajjt'äwipajj wiñay jacañawa Cristo Jesús Tatitusana.
Qhitinacatejj jan casadöpqui ucanacataquejj janiw cuna sañajjas Diosatjja utjquituti, ucampis nayajj ewjja arunacajjacwa churañ munaracta Diosan wawapjama.
Uqhamasti janiw nanacajj karjasipcti, Diosasti qhuyapayasiñapanwa aca luräwjja nanacar catuyapjjaraquitu.
Ucjj luriwa jiwasanacajj Cristoru nayrakat iyawsapjjtan ucanacajj Diosatac jacañasataqui, jach'a ch'amanïtapat jupar yupaychañasataqui.
Ucatpï Diosarojj yupaychapuntanjja muspharcañ qhuyapayasiñapata, uca pachpa qhuyapayasiñapampiw bendicistu munat Yokapampi mayaquïtas laycu.
Acsti luriwa khepa pachanacan uñacht'ayañataqui, cunja jach'a munasiñapampis munistu ucata, uqhamarac qhuyapayasiñapas jiwasatac utjatapata Cristo Jesús laycu.
cunapachatejj Tatitojj qhä urunjja jutcani jupanquirinacampi jach'añchayasirejja, uqhamarac take iyawsirinacapampi jach'añchayasirejja; take aca arunac churapcsma ucarojj iyawsapjjtawa.
Nayrajj jan wali arunacampiw jupa toke parlasa jisc'achäyäta, uñisisaw arcnakaraquïyäta. Uqham lurctsa ucasa, Diosajj nayarojj qhuyapayasituwa, ucapachajj nayajj janïraw iyawsirïcäyätti, janiraquiw cuntejj lurcäyäta ucjja yatcäyätti.
Ucatwa wiñay khespiyañataqui ch'amanejja qhitinacatejj jupa toke Diosarojj jac'achasipqui ucanacarojja. Jupasti wiñay jake jupanacatac Diosat mayiñataqui.
Jupanacasti nayrajj jan ist'asiriw tucupjjäna cunapachatï Noé chachajj arca lurascän ucqhajj janiw jaysapcataynati, Diosajj jupanacar suyt'ascchïna ucasa. Uca arcansti quimsakallkoniquiraquiw uma toke khespiyasipjjäna.
Amuyasipjjaraquim, Jesucristo Tatitusti suma chuymapampi suyt'asqui ucajj jiwasan khespiyasiñasataquïtapa. Uqhamaracwa Pablo jilatasas jumanacarojj kellkt'anipjjtamjja Diosan amuyt'ayataparjama.
Tatitojj janiw armt'asquiti arunacapar phokhañjja, cunjämtï mayninacajj amuyapqui uqhama, jan ucasti jupajj suma chuymampiw suyt'asquistu; jupasti janiw munquiti qhitin chhakañapsa, jan ucasti muniwa takeninsa Diosar cutcatañapa.