1 Samuel 6:7 - Qullan Arunaca Uqhamasti mä machak carreta lurayapjjam; ucatsti pä kalluni vacanac thakhapjjaraquim, uca vacanacasti janipuniw cunapachas yugompejj yapt'atäñapäquiti, ucatsti uca carretaru yapcatapjjam, kallunacapasti janiw jupanacampi chica sarapjjañapäquiti, jan ucasti vaca uyur t'akakatäñaparaquiwa. Aymar Bibliia 1986 Uqhamasti mä machak carreta lurayapjjam; ucatsti pä kalluni vacanac thakhapjjaraquim, uca vacanacasti janipuniw cunapachas yugompejj yapt'atäñapäquiti, ucatsti uca carretaru yapcatapjjam, kallunacapasti janiw jupanacampi chica sarapjjañapäquiti, jan ucasti vaca uyur t'akakatäñaparaquiwa. Qullan Arunaka DC Ukhamasti mä machaq carreta lurayapxam; ukatsti qalluni pä vacanak ajllipxam, uka vacanakasti janiw kunapachas yukumpi yapt'atäñapäkiti, ukatsti uka carretar yapkatapxam; qallunakapasti janiw jupanak chik sarapxañapäkiti, jan ukasti vaca uyur jaytawayapxam. |
Tatitun arcapsti mä machaka carreta patjjaruw apjjatapjjaraquïna, ucatsti Abinadab sisqui uca jaken utapatjja apasjjapjjänwa, uca utasti mä jisc'a kollu patancaraquïnwa. Abinadab jaken yokanacapasti Uza, uqhamaraqui Ahío ucanacajj uca Tatitun arcapa apiri carreta irpapjjaraquïna, Ahiosti uca arca nayräjja sararaquïna.
Uca arcjja machak carretaru uchasinwa apasjjapjjäna, Abinadab chachan utapata. Uca carretjja Uza, uqhamarac Ahío uca chachanacaw apasipcäna.
“Naya Tatituw acanac arsta. Parlam israelitanacarojj mä wila vaca juman ucaru irpanipjjpan, uca vacasti janiraqui usuchjatäcpansa, ni mä cutisa cuncaparojj yugojj ayjjatatäpanti.
Ucatsti uca jac'anquir marcanacan jilïri jakenacapajj, mä vaca kallu catupjjani, cawquïri uywarutejj jan yugojj ayjjatatäqui.
Uca vaca kalljja mä uma jalasquir jawiraruw irpakawayapjjani, cawqhantejj jan cuna yapus lurasqui ni cunas satatäcaraquiti, ucawjanwa uca vaca kallun cuncap p'acjapjjani.