1 Samuel 6:12 - Qullan Arunaca

Ucatsti vacanacajj Bet-semes sisquis uca thaquinjamwa sarjjapjjäna, warart'asisa, chekacracwa sarjjapjjäna, jan cawcsarus sarakasa. Filisteo jakenacasti khepapataracwa arcapjjäna, Bet-semes sisqui uca korpacama.

Aymar Bibliia 1986

Ucatsti vacanacajj Bet-semes sisquis uca thaquinjamwa sarjjapjjäna, warart'asisa, chekacracwa sarjjapjjäna, jan cawcsarus sarakasa. Filisteo jakenacasti khepapataracwa arcapjjäna, Bet-semes sisqui uca korpacama.

Qullan Arunaka DC

Vacanakasti Bet-semes sata thakhinjam warart'asisa chiqak sarapxäna, thakhit jan kawksarus saraqasa. Filisteonakan jilïrinakapasti qhipapat arkapxäna Bet-semes uka qurpakama.

1 Samuel 6:12 Jak'a apnaqawi uñst'ayäwi

1 Reyes 4:9

Ben-Decar, jupasti Macaz, Saalbim, Bet-semes, Elón, uqhamarac Bet-hanán ucanacataraqui;

Éxodo 8:15

Ucampis faraonajj jan cuna llaquis ujtcjjatap laycusti chuymapa colerañampi kalarayasisajja janiraquiquiw ist'añjja muncjjänti cuntejj Tatitojj Moisesampiru, Aaronampiru siscäna ucjja.

Números 20:19

Israelitanacajj ucjjarojj sapjjänwa: —Reyin thaquipanjamwa sarapjjä, nanacatï, uqhamarac uywanacajjasa phuch'unacamat umt'apjjani ucqhajj pagapjjämawa, orakem cheka past'añac munapjjta —sasa.

Josué 15:10

Baala chekatsti korpajj muytanïnwa intis jalantqui ucsacama Seir sat kollur puriñcama; pasascaquïnwa Quesalón sutin chekanjama Jearim kollu amsta thiyanjam pasasina ucata Bet-semes chekar puriñcama, Timna sat cheka pasañataqui.

1 Samuel 6:11

Ucatsti Tatitun arcapjja uca carretaruw apjjatjjapjjäna, uqhamarac mä cajarusti korit lurat achacunaca, uqhamaraqui tumoranacar uñtasitanacsa uchapjjäna.

1 Samuel 6:13

Bet-semes chican jakir jaquinacasti vallencasipcaraquïnwa, trigo yawisa, uñtasinsti Tatitun arcapwa uñjapjjäna, uc uñjasinsti walpun cusisipjjäna.

1 Samuel 6:9

Ucampisa wali uñch'uquipjjaraquim, uca carretatejj Bet-semes sat orakep tokeru sarjjanejja, ucapachajj yatiñäniw Israelan Diosapajj jiwasar mutuyatapa, ucampisa janitejj orakep tokeru sarcani ucapachajj yatiraquiñäniw mutuyäwisajj jan Israelan Diosapat jutatapa, jan ucasti mä jan walt'añaqui jiwasar jutatapa.