1 Samuel 30:13 - Qullan Arunaca

Uqhamasti Davidajj jisct'araquïnwa: —¿Qhitis uywirimajja? ¿Cawquitsa jutta? —sasa. Egipcio jakesti saraquïnwa: —Egiptonquirïtwa, mä amalecit jaken uywatapätwa, ucampisa niya quimsa uruw uywirejjajj jaytanucjjetu, usuntatajj laycu.

Aymar Bibliia 1986

Uqhamasti Davidajj jisct'araquïnwa: —¿Qhitis uywirimajja? ¿Cawquitsa jutta? —sasa. Egipcio jakesti saraquïnwa: —Egiptonquirïtwa, mä amalecit jaken uywatapätwa, ucampisa niya quimsa uruw uywirejjajj jaytanucjjetu, usuntatajj laycu.

Qullan Arunaka DC

Ukat Davidax jiskt'äna: —¿Khitis uywirimaxa? ¿Kawkitsa jutta? —sasa. Egipcio jaqisti sänwa: —Egiptonkirïtwa, mä amalecita jaqin uywatapätwa, usuntatax laykuw uywirixax niya kimsa uru jaytanukxitu,

1 Samuel 30:13 Jak'a apnaqawi uñst'ayäwi

2 Samuel 1:13

Ucatsti Davidajj uca yatiyäwi apaniri waynarojj jisct'ascaquïnwa: —¿Jumajj cawquinquirïtasa? —sasa. —Nayajj yakha marcanquiri amalecita jakëtwa —sasaw jupajj saraquïna.

2 Samuel 1:3

Davidasti jisct'araquïnwa: —¿Cawquitsa jutta? —sasa. —Israelitanacan campamentopatwa jaltanta —sasaw uca jakejj saraquïna.

2 Samuel 1:8

Ucat nayarojj janc'aquiw jisct'araquitu: ‘¿Qhitïtasa?’ sasa. Nayasti: ‘Amalecita jakëtwa’ saractwa.

Proverbios 12:10

Asqui jakejj uywanacapatjja qhuyapayasiwa, ucampis ñankha lurir jakejja janiw qhuyapayasquiti.

Jonás 1:8

Ucatsti sapjjänwa: —Arsum cunatsa aca jan walinacajj jiwasjjar juti. ¿Cuna lurirïtasa? ¿Cawquits jutta? ¿Cawqui marcanquirïtasa? ¿Cawquïr casta jakëtasa? —sasa.

Santiago 2:13

Qhitinacatejj jan qhuyapt'ayasis mayniru uñjapjjchejja, jan qhuyapt'ayasiñampi juchañchataraquïniwa, ucampis qhuyapayasirinacajja taripäwi urunjja take cuna atipjasaw mistupjjani.

1 Samuel 30:12

Mä higo q'isampi, pä wayta waña uvampi churapjjäna. Uc mank'antasinsti egipcio jakejja cutitatjjänwa, quimsürumpi quimsa arumampiraquiw jan cunsa mank'cataynati.

1 Samuel 30:14

Cereteo jakenacan aynacha orakepa saqueyjiriw sarapjjta, ucatsti Judá, Caleb tokenquirinacar uqhamaraqui. Siclag marcarusti ninampiw phichhantapjjta.