1 Samuel 26:24 - Qullan Arunaca

Cunjämatejj jichhürojj jach'a reyin jacañapa asquir uñjtjja, uqhamarac Tatitojj jacañajj-jja uñjitpan, take llaquisiñatsa khespiyaraquitpan —sasa.

Aymar Bibliia 1986

Cunjämatejj jichhürojj jach'a reyin jacañapa asquir uñjtjja, uqhamarac Tatitojj jacañajj-jja uñjitpan, take llaquisiñatsa khespiyaraquitpan —sasa.

Qullan Arunaka DC

Kunjämatix nayax jichhür juma reyin jakañap askir uñjtxa, ukhamarakiy Tatitux nayan jakañaxa uñjitpan, taqi llakisiñatsa qhispiyarakitpan —sasa.

1 Samuel 26:24 Jak'a apnaqawi uñst'ayäwi

Génesis 48:16

cawquïri angelatejj take ñankhanacat imquitu, ucanacay aca wawanacarojj bendizpan. Jupanac tokeraqui sutejjas amtataraquïpan, uqhamarac Abraham, Isaac awquinacajjan sutipasa. Walja wawanacanïpjjam, aca orakensti waljaniraqui tucupjjam” sasa.

2 Samuel 4:9

Davidasti saraquïnwa: —Nayasti juramentompiw sapjjsma Tatitun sutipjjaru, jupaw nayarojj take jan walt'añat khespiyitu,

Salmos 144:2

jupaw nayan asqui lurirejjajja, imantasiñ pucarajjasa, khespiñatac waquichat uyusa, jarc'akasiñajjasa, imantasiñajjasa, juparaquiw marcanacar nayamp apnakayirisa.

Salmos 18:1

Tatay, jumaw ch'amañchirejjätajja, jumaruw take chuymamp munassma.

Salmos 18:25

Tatay, asqui jaketaquejj asquiraquïtawa, jan camscayäqui uca jaketaquis jan camscayaraquïtawa,

Salmos 18:48

jupaw timanacajjan k'apisiñapat khespiyitu, nayar kallcatir jakenacat antutayitu. Tatay, jumaw khoru jakenacat khespiyistajja.

Salmos 34:20

jupaw takpach ch'aqhanacap imasqui, janiw mä ch'aqhapas p'acjatäcaniti.

Salmos 54:7

jumaw take llaquinacat waysusta, uñisirinacajjan aynacht'atap uñjayaraquista.

Mateo 5:7

“Cusisiñanïpjjew qhitinacatejj qhuyapayasirïpqui ucanacajja, Diosasti jupanacatjja qhuyapt'ayasiraquiniwa.

Mateo 7:2

Cunjämtï jumanacajj jake masimarojj juchañchapctas uqhamaracwa Diosajj jumanacarojj juchañchapjjätam; cunjämtejj jumanacajj jakenacar lurapcäta uqhamaracwa jumanacarojj Diosajj lurapjjätam.

Hechos 14:22

Uca marcanacansti Tatitur iyawsirinacarojj ch'amañcht'apjjänwa. Sapjjaraquïnwa: “Tatitur iyawsañanacamanjja ch'aman sayt'apjjam. Diosan marcapar mantañataquejja, t'akhesiñajj waquisipuniwa” sasa.

2 Tesalonicenses 3:2

Diosat mayipjjaraquim, jan wali jakenacat khespitäpjjañajjataqui, jan takeni iyawsañanïtap laycu.

Apocalipsis 7:14

Nayasti sistwa: “Tata, jumaw yattajja” sasa. Jupasti saraquituwa: “Acanacajj wali jach'a llaquinacwa pasanipjje, isinacapsti Corderon wilapampi t'ajjsusaraquiw jank'optayanipjje.

1 Samuel 18:30

Mä toketsti, cunapachatejj jilïri filisteo jakenacajj nuwasiri mistunipcäna, ucapachajj Davidajj Saúl reyin oficialanacapat sipansa, atipjapunïnwa, Davidajj wali aytata jakew tucuraquïna.

1 Samuel 24:16

Cunapachatejj Davidajj parlañ tucuyjjän ucqhasti, Saúl reyejj jach'at art'asiraquïna: —¡Jumätawa, David, nayan wawajjajja, jumaw parlasquista! —sasa. Ucatsti jacht'asisaw,