1 Samuel 24:13 - Qullan Arunaca Nayra tiempo mä säwisti saraquiwa: ‘Ñankha lurañajj ñankha jakenacatwa juti’ sasa. Uca laycu nayajj janipuniw jach'a reyi contrajj amparajj aytcäti. Aymar Bibliia 1986 Nayra tiempo mä säwisti saraquiwa: “Ñankha lurañajj ñankha jakenacatwa juti” sasa. Uca laycu nayajj janipuniw jach'a reyi contrajj amparajj aytcäti. Qullan Arunaka DC 13 (14) Nayra pacha mä säwix siwa: ‘Ñanqha lurañax ñanqha jaqinakat juti’ sasa. Uka layku nayax janipuniw juma reyitakix amparax aytkäti. |
Ucatsti Sarai warmejj Abramarojj sänwa: —¡Jumaw juchanïtajj Agaran nayar jisc'achañapataquejja! Naya quicpaw juparojj warmimat chursma, jichhasti wawanëjjasinsti nayatsa juc'ampïcjjaspas uqhamwa amuyasjjejja. Tatituy sispan qhitis juchanïtan ucjja, jumati jan ucajj nayacha —sasa.
Ucatsti Amasai chachajj, quimsa tunca jakenacata jilïrïcäna, qhititï Diosan ajayupansa phokt'atäcäna ucajja aqham sasaw art'äna: “¡Sumancañäpan juma Davidampi, Isaí chachan yokapa! ¡Sumancañajja jumampïpan! ¡Sumancañäpan jumataquisa, uqhamarac yanapirinacamataquisa, Diosamaw jumar yanaptam uca laycu!” sasa. Davidasti jupanacarojj catokänwa, ucatsti tamapan jilïrinacapampi chicwa uchäna.
“Take amigonacasti, qhitinacatejj säwinaca sapqui ucanacasti jumjjatwa ucanacjja sapjjani: Cunäquitejj taycajja, wawajj ucaraquiwa, sasajja.
Chuyma mankhatwa jan wali amtañanacajj juti, jake jiwayañanaca, wachoka juch lurañanacasa, lunthatasiñanaca, c'arisiñanaca, uqhamaraqui jakjjata jan wali parlañanacasa.
Ucampis nayajj janiw cuna jan wals lurcsmati, jan ucasti jumawa jan wali lurtajja nanacampi nuwasiri jutasinjja. Jichhasti Diosawa cheka uñjir juezajja, jupawa cunjämarusa cheka uñjani israelitanacampiru, amonitanacampirojja” sasa.