1 Samuel 22:10 - Qullan Arunaca

Ahimelec sacerdotesti Tatituruw Davidjjatjja jisct'asiraquïna. Ucatsti churaraquiwa mank'añanaca uqhamaraqui Goliat filisteo jaken espadapsa churaraqui —sasa.

Aymar Bibliia 1986

Ahimelec sacerdotesti Tatituruw Davidjjatjja jisct'asiraquïna. Ucatsti churaraquiwa mank'añanaca uqhamaraqui Goliat filisteo jaken espadapsa churaraqui —sasa.

Qullan Arunaka DC

Ahimélec sacerdotesti Tatiturux Davidxat jiskt'äna, ukatsti juparux manq'añanaka, ukhamarak Goliat filisteon espadap churarakïna —sasa.

1 Samuel 22:10 Jak'a apnaqawi uñst'ayäwi

Números 27:21

Ucampisa Josué chachajj Eleazar sacerdoter uñstañapawa. Ucatsti Eleazar sacerdotew sutipampi jisct'ani, Urim sat toke. Josué chachaw israelitanacarojj apnakani take cuna lurañanacapansa.

1 Samuel 10:22

Ucatwa wasitat Tatituru jisct'apjjäna, Saúl waynajj ucanti jicjjatasi janicha uc yatiñataqui. Tatitusti Saúl waynan ucancascatapjja yatiyänwa, k'epinaca mankhan imantasiscatapa uñacht'ayaraquïna.

1 Samuel 21:10

Uca urusti Davidajj Saúl reyitjja jaltjjasa imantasiscaquïnwa. Ucatsti Gat marcan Aquis sat reyiru uñjiriw saräna.

1 Samuel 22:11

Uqhamasti reyejj Ahimelec sacerdoteru, Nob marcan utjiri take sacerdotenacapampiruw jawsayani, qhitinacatejj uca Ahimelec sacerdoten familianacapäcänjja ucanacamppacharu. Cunapachatejj reyin nayrakataparu takeni purinipjjän ucqhasti,

1 Samuel 22:13

Saúl reyejj jisct'araquïnwa: —¿Cunatsa jumampi, Isaí jaken yokapampejj naya contra jan wal amtapjjta? Jumasti t'ant'ampi, mä espadampwa churatätajja, uqhamarac Diosarusa jisct'atätajja David toketjja, naya contra sayt'añapataqui, ucatsti nayaru muyuntasa catjañataqui, cunjämtejj jichhajj lurqui uqhama.

1 Samuel 22:15

¿Jichhaquiti nayajj Diosaru Davidjjatsti jisct'aststi? Janiw cunas uca toketjja utjquiti. Uca laycu jach'a munañan reyejja jan cunsa aca sirvirip contrajj lurpati, ni familianacapa contrasa, sirvirimajj janiw cunsa aca tokenacatjja ni juc'sa, ni waljsa yatquiti uca laycu.

1 Samuel 23:12

Ucat Davidajj jisct'ascaquïnwa: —¿Keila marcan utjir jakenacasti, nayarusa, uqhamarac jakenacajjarusa, Saúl reyin amparaparojj catuyapjjetaniti? —sasa. Tatitusti saraquïnwa: —Jïsa, catuyapjjätamwa —sasa.

1 Samuel 23:2

jupajj sarasin Tatituruw uca toket jisct'asïna, aqham sasa: —Tata, ¿munasmati nayan filisteonac contra nuwasiri sarañajj-jja? Tatitusti saraquïnwa: —Jïsa, sarascaquim, Keila marcarusti khespiyaraquim —sasa.

1 Samuel 23:4

Uqhamasti Davidajj wasitatwa Tatiturojj jisct'asiscaquïna, Tatitusti saraquïnwa: —Jumajj sarascaquim Keila marcaru, nayaw amparamaru filisteonacjja catuyascäma —sasa.

1 Samuel 30:8

Davidasti Tatituruw jisct'asiraquïna: —¿Uca lunthata jakenacarojj arctañajjati? ¿Jupanacarojj jicjjatiristti? —sasa. Tatitusti saraquïnwa: —Arctascaquim, jicjjatätawa, ucatsti preso apata jakenacsa aparanjjaraquïtawa —sasa.