1 Samuel 2:36 - Qullan Arunaca

Ucatsti kawkhanitejj familiamat jacasipcani ucanacasti, jupa nayrakataruw mä juc'a kollke jan ucajj mä jisc'a t'ant'a laycuw jisc'achatäpjjani, sacerdotenac taypin cuna lurañacsay churapjjeta mank'asipjjañanacajjataqui —sasaw achict'asipjjaraquini.’ ”

Aymar Bibliia 1986

Ucatsti kawkhanitejj familiamat jacasipcani ucanacasti, jupa nayrakataruw mä juc'a kollke jan ucajj mä jisc'a t'ant'a laycuw jisc'achatäpjjani, sacerdotenac taypin cuna lurañacsay churapjjeta mank'asipjjañanacajjataqui —sasaw achict'asipjjaraquini.”

Qullan Arunaka DC

Ukapachasti, qawqhanitix utamankirinakat jakasipkani ukanakasti, jupa nayraqataruw killisir jutapxani, mä juk'a qullqi, jan ukax mä jisk'a t'ant'a layku, ukatsti achikt'asisaw sapxarakini: sacerdotenak taypin kuna lurañaksay churapxita manq'asipxañaxataki” sasa.

1 Samuel 2:36 Jak'a apnaqawi uñst'ayäwi

1 Reyes 2:27

Uqhamatwa Salomonajj Abiatararojj apanucüna Tatitun sacerdotëñapatjja, uqhamaraqui phokhasiscaraquïna cuntejj Tatitojj Silo chekana arscäna Elí familiatjja.

2 Reyes 23:9

Ucampis yakha diosanacan santuario utapanquiri sacerdotenacajja janiw sarapcänti Jerusalenanquir Tatitun altaraparojja, jan ucasti mayni sacerdote masinacapampejja jan levaduran t'ant'anacwa mank'apjjäna.

Proverbios 14:19

Ñankha jakenacajj suma jakenacataquiwa alt'asipjjani, uqhamarac asqui jakenacan puncunacapanwa achict'asipjjani.

Malaquías 1:13

Jumanacasti sapjjtawa: ‘¡Take acanacampejj karitäjjapjjtanwa!’ sasa. Ucatsti jisc'achapjjaraquistawa. Amuyapjjaractawa nayajj cusisiñampis catokapquirisma uca lunthatat uywanaca, usuta, cojo uywanaca loktanipquista ucanacjja. Jumanacasti ¿‘Catokestaniw’ sapjjtati? Siw take ch'amani Diosajja.

Jueces 17:10

Micaiasti saraquïnwa: —Acar kheparascam, nayan sacerdotejjäñamataqui, uqhamarac nayan awquejjäcasmas uqhama. Nayasti pagämawa maranjja tunca kollke, uqhamaraqui churaraquïmawa isinaca, mank'añsa —sasa.

1 Samuel 2:35

Ucatsti nayajj mä suma sacerdote, chekapar uñjiri, uqhamarac nayan munañajj phokheri uscuraquï, ucan wawanacaparusti wiñayataquiw churaraquï, cawquïri reytejj nayajj ajllcä ucar sirviri tucuyaraquëjja.

1 Samuel 3:1

Samuel waynasti Tatiturojj sirviscaquïnwa Elí sacerdoten arsutanacap phokhasa. Uca urunacansti janiraquiw Tatitojj cuna arunacsa alekaqui yatiyirïcänti, janiraquiw qhitis alekaqui cuna uñjañsa uñjirïcänti.