1 Samuel 18:23 - Qullan Arunaca

Saúl reyin sirvirinacapasti take ucanacjja Davidarojj sapjjänwa. Ucampisa Davidajj jupanacarojj saraquïnwa: —¿Jumanacataquisti waliquiti nayan reyin tollkapäñajjataquisti? Nayajj janiw qhitïctsa, jan ucasti mä pobre jakequïtwa —sasa.

Aymar Bibliia 1986

Saúl reyin sirvirinacapasti take ucanacjja Davidarojj sapjjänwa. Ucampisa Davidajj jupanacarojj saraquïnwa: —¿Jumanacataquisti waliquiti nayan reyin tollkapäñajjataquisti? Nayajj janiw qhitïctsa, jan ucasti mä pobre jakequïtwa —sasa.

Qullan Arunaka DC

Saúl reyin yanapirinakapasti taqi ukanak Davidarux sapxäna, ukampis Davidax jupanakarux sarakïnwa: —¿Jumanakatakix walikit nayan reyin tullqapäñaxasti? Nayax janiw khitïktsa, jan ukasti mä jan kunan jaqikïtwa —sasa.

1 Samuel 18:23 Jak'a apnaqawi uñst'ayäwi

Génesis 29:20

Uqhamaw Jacobojj Raquel laycojj pakallko mara irnakäna, jupataquejja juc'a maranacjamäcchïn ucasa, sinti munatap laycu.

Génesis 34:12

Janiw cunäcanisa cunja jach'a pago jupat mayipjjetäta ucasa, cuna regalonacsa churasipcaquïmawa, ucampisa cullacamampejj casarasiquëjjaya —sasaw saraquïna.

Salmos 119:141

Jan yäkataquïtwa, jisc'achataraquïtwa, ucampis janiw arunacamat armascti.

Proverbios 14:20

Pobrenacasti jake masipansa uñisitawa, ucampis kamirejj wali munataraquiwa.

Proverbios 29:5

Qhititejj amigopar sinti jach'achqui ucajja, chekpachansa amigopan jan walt'añapataquiw sipita uchasqui.

1 Juan 3:1

Yatipjjam Dios Awquejj kawksa munasistu wawanacapat uñt'atäñasataqui, jïsa wawanacapapunïsctanwa. Ucatpï Diosar jan iyawsirinacajj jan uñt'quistutejja, Diosar jan uñt'apjjatap laycu.

1 Samuel 18:18

Ucampisa Davidajj saraquïnwa: —Janiw nayajj qhitïctsa, familianacajjas Israel marcanjja janiw cunäpcaraquisa, nayajj reyin tollkapäñajjataquejja —sasa.

1 Samuel 18:22

Uca khepatsti Saúl reyejj sirvirinacaparuw qhitäna aqham sasa: —Jichhajj jumanacajj sarapjjam, ucatsti Davidarojj jupa saparuqui parlapjjam. Sapjjaraquim naya reyejj juparu sintipuni munatajja, uqhamarac take sirvirinacajjasa juparojj wali munapjjatapa, uqhamasti jupajj nayan tollkajjapunïniwa —sasa.

1 Samuel 18:24

Saúl reyin sirvirinacapasti cuttawayasinjja cuntejj Davidajj siscäna ucanacjja reyirojj yatiyjjapjjänwa.

1 Samuel 9:21

Saúl waynasti saraquïnwa: —¡Nayajj Benjamín tribunquirïtwa, ucasti Israel marcan take tribunacat sipansa sinti jisc'aquiwa! Uqhamarus familiajjajj take Benjamín tribunquir familiat sipansa sinti jisc'a familiaquiraquiwa. ¿Cunatarac take acanac sistasti? —sasa.