1 Samuel 17:36 - Qullan Arunaca Uqhamapï mä leonäscpasaya, jan ucajj mä osöscpasaya, aca sirvirimajj jiwt'ayaquipunirïnwa. Aca jan Diosar uñt'iri filisteo chacharusti uca quipcaraquiquiw lurasini jacquir Diosan ejercitopar arnakatap laycu. Aymar Bibliia 1986 Uqhamapï mä leonäscpasaya, jan ucajj mä osöscpasaya, aca sirvirimajj jiwt'ayaquipunirïnwa. Aca jan Diosar uñt'iri filisteo chacharusti uca quipcaraquiquiw lurasini jacquir Diosan ejercitopar arnakatap laycu. Qullan Arunaka DC mä leonasa jan ukax mä ososa nayar katjañ munipanxa, jawq'askamaw jiwayirïta. Tatitur jan uñt'ir aka filisteo jaqirusti uka kipkwa lurä, jupan jakkir Diosan soldadonakapar arknaqatap layku. |
Senaquerib reyejj ucjjarojj cartanacwa kellkäna Israelan Tatit Diosapar jisc'achasa, ucanacansti Tatit contrajj sänwa: “Cunjämatï aca orakena yakha marcanacan diosanacapajj ch'amajjata jan khespiycänjja, uqhamaraquiw Ezequiasan Diosapajj nayan ch'amajjata jan khespiycaraquiniti” sasa.
Ucampisa, ¿hachasti, qhititejj apnakqui ucat sipan juc'ampïspati? ¿Serruchosa qhititejj apnakqui ucat sipansa juc'ampïspati? ¡Cunjämaquitejj thujrojj alek mä lawaqui, jupas jakerojj ucsaru acsaru apcaspa uqhama!
Ezequiasajj jumanacar parlañ munapjjätamjja, ‘Diosar jaysañäni, jupaw khespiyistani, jupajj janiw muncaraquiniti aca marcan Asirio reyin amparapar puriñapjja’ sasa,
Ezequiasatejj ‘Tatituw khespiyistani’ sapjjätamjja, jan jupampi c'arintayasipjjamti. ¿Yakha marcanacarusti diosanacapajj khespiyiti Asirianquir reyin amparapatjja?
Jaya marcat jutir jakenacaw jiwarayapjjätam, cunjämatejj jan Diosar uñt'irinacajj jiwarapquejj uqhama. Naya Tatituw aca arunacjja arsta. Uqham siw Tatitojja.’ ”
¿Jumasti mayninacat sipansa wali sumätati? Sarakam, ucatsti Diosar jan uñt'irinacampi chica liwisiraquim.’
Jan ucasti alajjpachanquiri Tatitutjja larustawa, uca copanaca, jarronaca, cunatejj templot apanitäcäna, ucanac apayanisajja, jawsayata jakenacamampi chicaraquiw uca copanacata, jarronacatsa vino umtajja; uqhamarusa korita, kollketa, bronceta, hierrota, lawata, kalata lurat diosanacamaruw yupaychapjjaractajja; uca diosanacasti janiw uñjapquiti, janiw ist'apcaraquisa, janiw cunsa yatipcaraquiti. Ucampisa janiw Diosarojj yupaychctati, uca Diosan amparapancaraquiw jacañamajja, take cuntejj lurcta ucasa jupatwa jutaraqui.
Qhä urunwa Jerusalenarojj mä jathi kalaru tucuyäjja take marcanacataqui. Tucjaraquiniwa cawquïritejj jupanacat sayt'aschini ucarojja. Take marcanacaraquiw Jerusalenataquejj tantacht'asipjjaraquinejja.
Take ch'amani Tatituw qhitanitu aca yatiyäwimpi yänacam aparapctamsa uca marcanac contra: “Qhititejj llamct'i marcajjarojja, ucajj nayan nayrajjaruw llamct'asqui.
Jonatanasti yanapiriparojj sänwa: —Jina, mäpit qhurcataru maqhatañäni, cawqhancquitejj uca jan Diosar uñt'ir jakenacajj ucacama. Inampis Tatitojj mä cunsa jiwasataqui lurascaspa, jupataquisti janiw cuna ch'amäquisa jiwasar atipjaña churañajja, walja jakempisa jan ucajj juc'a jakempisa —sasa.
Jichhüruw nayajj aca arunac Israel marcan ejercitoparu sista: ‘¡Qhitis nayampi nuwasirjamajja, uca jake qhitanipjjeta!’ sasa.
Ucat Davidajj jupa jac'anquir jakenacaru jisct'araquïna: —¿Qhititejj aca filisteo chacharu jiwaycaspa, uqhamarac israelitanacar jisc'achatapsa apakcaspa uca jakerusti reyejj cunsa churaspa? Uqhamasti, ¿qhitiraqui uca jan Diosar uñt'iri filisteo chachasti, jacquir Diosan ejercitopar arnakaniñapataquisti? —sasa.
nayajj khepat arctirïyäta, ucat uca oveja aparirïtjja. Ucampisa cunapachatejj uca animalajj cutiquipstanisin jaljjatañ munitän ucqhasti, nayajj lacat catusin ch'iyt'irïyäta, jiwayañcamaraquiw jawk'jirïyäta.
Tatitojj nayarojj leonan amparapatsa, uqhamarac oson amparapatsa khespiyituwa. Aca filisteo chachan amparapatsti khespiyaraquiquitaniwa. “Ucat Saúl reyejj saraquïna: —Uqhamajj saramaya, Tatitusti juma chicaraquïpan —sasa.
Mä urusti Saúl reyejj Davidarojj saraquïnwa: —Nayasti jilïri Merab sata, phuchajja warmimataqui churäma, jumasti nayataquejj guerran mä suma nuwasiri jakëñamataqui, uqhamarac Tatitun nuwasïwinacapar nuwasiñamataqui. Saúl reyisti chuymapanjja amuyaraquïnwa: “Uqhamat janiw naya quipca Davidarojj jiwaycäti, jan ucasti guerran filisteo jakenacaw jiwayascani” sasa.
Ucatwa Saúl reyejj yanapiriparojj säna: “Espadam apsusim ucatsti ucampi jiwayita, uqhamat aca Dios jan uñt'ir jakenacajj jutasin nayaru jiwayapjjañapataqui, ucatsti nayar jiwayasin cusisipjjañapataqui” sasa. Ucampisa yanapiripajj janiw lurañ muncänti, wali ajjsarañapajj utjatap laycu. Uqhamasti Saúl reyejj jupapachaw espadap catusina uca pataru liwjjattäna.