1 Samuel 16:11 - Qullan Arunaca

Ucat Isaí jakerojj jisct'äna: —¿Janit juc'ampi yokanacamajj utjcjje? —sasa. —Sinti sullcäqui ucaw utjasqui, jupasti oveja awatiriwa —sasaw Isaí chachajj saraquïna. —Irptayanim. Jupan puriniñapcamajja janiw cunatejj lurañasäqui ucjja lurcañäniti —sasaw Samuelojj saraquïna.

Aymar Bibliia 1986

Ucat Isaí jakerojj jisct'äna: —¿Janit juc'ampi yokanacamajj utjcjje? —sasa. —Sinti sullcäqui ucaw utjasqui, jupasti oveja awatiriwa —sasaw Isaí chachajj saraquïna. —Irptayanim. Jupan puriniñapcamajja janiw cunatejj lurañasäqui ucjja lurcañäniti —sasaw Samuelojj saraquïna.

Qullan Arunaka DC

Ukatsti Samuelux jiskt'askakïnwa: —¿Janit juk'ampi yaqha yuqanakamax utjkxi? —sasa. Jesé chachasti sarakïnwa: —Sinti sullkäki ukaw utjaski, jupasti ovejanak awatiski —sasa. Samuelux sarakiwa: —Irptayanim, jupan puriniñapkamasti janiw kunatix lurañasäki uk lurkañäniti —sasa.

1 Samuel 16:11 Jak'a apnaqawi uñst'ayäwi

2 Samuel 13:3

Ucampisa uca Amnón jakejj mä amigonïnwa, ucasti sinti sallka jakeraquïnwa; uca amigopasti Jonadab satänwa, Simea jaken yokaparaquïnwa, uca Simeasti Davidan jilaparaqui.

2 Samuel 7:8

Uca laycu, David sirvirejjarojja sascaquim, naya take ch'amani Tatitun arsutajja: ‘Nayaw jumarojj awatquirit irpsunsma, uqhamaraqui tama khepäjja sarañsa apakaracsma, uqhamat Israel marcajjan jilïripäñamataqui.

1 Crónicas 17:7

Ucatsti jumajj David sirvirejjaru aqham sanim, naya take ch'aman Tatitojja sistwa: ‘Nayaw tamata apssma, uqhamaraqui taman khepapa sarañatsa apakaracsma, jumajj marcajjana jilïrïñamataqui.

Éxodo 3:1

Moisesasti Jetro sat awcch'ipan ovejanacapwa awatïna, uca awcch'ipasti Madián sat chekanjja sacerdotënwa. Ucampis mä urojja ovejanacwa wali jayaru wasaranjama anaquïna, Horeb sat Diosan kolluparu puriñcama.

1 Samuel 16:10

Isaí chachajj pakallko yokanacapwa Samuelorojj uñstayäna, ucampisa Samuelojj yatiyjjänwa, Tatitojj uca pakallkonitjja jan maynirus ajllitapa.

1 Samuel 17:28

Ucampisa Eliab sata Davidan jilïri jilapajj, uqham jakenacampi parlasquiri ist'asinjja wali colerasïna, ucat saraquïna: —¿Cunarus acar jutta? ¿Qhitirus uca mä kawkha ovejanaca wasaran jaytaniwayta? Nayajj jumarojj uñt'smawa jach'achasiñ munirïtama, uqhamarac jan wali amtatanacamsa, jumasti soldadonacar nuwasisquiri uñjiriquiw juttajja —sasa.