1 Samuel 15:15 - Qullan Arunaca

—Amalec ucatwa ucanacjja apanipjjta —sasaw Saúl reyejj saraquïna. —Ucampisa jakenacajj suma ovejanacampi, suma vacanacampjja janiw jiwarayapquiti jan ucasti Tatitu Diosamaru sacrificio loktañataquiw imasipqui. Ucampisa ucat juc'ampjja k'alwa jiwarayjjapjjta —sasa.

Aymar Bibliia 1986

—Amalec ucatwa ucanacjja apanipjjta —sasaw Saúl reyejj saraquïna. —Ucampisa jakenacajj suma ovejanacampi, suma vacanacampjja janiw jiwarayapquiti jan ucasti Tatitu Diosamaru sacrificio loktañataquiw imasipqui. Ucampisa ucat juc'ampjja k'alwa jiwarayjjapjjta —sasa.

Qullan Arunaka DC

Saúl reyix sarakïnwa: —Amalec chiqat ukanak apanipxi, jaqinakasti Tatit Diosaru wilañcha luqtañatakix suma ovejanaka, suma vacanak imaqapxi. Ukat uksarusti q'al tukjanipxta —sasa.

1 Samuel 15:15 Jak'a apnaqawi uñst'ayäwi

Job 31:33

Janipuniw mayninacjama juchanacajj-jja imantasirïcäyätti, janipuniw uca juchanacjja jan arsusiña munirïcäyätti,

Proverbios 28:13

Qhititejj juchap imantascani ucajja, janiw nayrar sarcaniti, ucampis qhititejj juchap arsusisina jaytanucjjani, ucasti perdonatäjjaniwa.

Mateo 2:8

Ucatwa jupanacarojj Belenar qhitäna, saraquïnwa: —Sarapjjam, jisct'apjjaraquim cawqhantï uca wawajj nasqui uca. Jicjjatasinsti nayar yatiyapjjaraquita, ucat nayan yupaychir sarañajjataqui —sasa.

Lucas 10:29

Ucampis ley yatichirejj jisct'atapampi asquit uñt'ayasiñ munasinjja Jesusarojj sänwa: —¿Qhitirac jake masejjasti? —sasa.

1 Samuel 15:16

—¡Amuct'am, cuntejj Tatitojj juma toket wasayp'ojj sisquitu ucwa yatiyäma! —sasaw Samuelojj tokentaraquïna. —Parlascaquim —sasaw Saúl reyejj saraquïna.

1 Samuel 15:21

Ucampisa soldadonacajj cawquïritï suma ovejanacäqui uqhamarac suma vacanacäqui ucanacjja jilt'ayasipjjewa, Gilgal sisqui uca chekan Tatitu Diosamaru sacrificio loktañataqui —sasa.

1 Samuel 15:9

Ucampisa Saúl reyimpi ejercitopampisti Agag reyirojj janiw jiwayapcänti, uqhamarac cawquïrinacatejj suma ovejanacäqui ucanacsa, suma vacanacsa, suma liq'i vaca kallunacsa, suma orko ovejanacsa janiw jiwarayapcänti, wali jila alani yänacsa janiraquiw t'unjapcänti, juc'a alani yänac t'unjapcchïn ucasa.