1 Samuel 12:4 - Qullan Arunaca Ucat jakenacajj sapjjaraquïnwa: —Janipuniw cunapachas nanacarojj t'akhesiyapquistati, janiraquiw kollksa chilltayascaractati nanacar cheka uñjañataquejja —sasa. Aymar Bibliia 1986 Ucat jakenacajj sapjjaraquïnwa: —Janipuniw cunapachas nanacarojj t'akhesiyapquistati, janiraquiw kollksa chilltayascaractati nanacar cheka uñjañataquejja —sasa. Qullan Arunaka DC Jupanakasti sapxarakïnwa: —Janipuniw kunapachas nanakarux t'aqhisiyapkistati, ñanqhachapkistasa, janirakiw qullqimpis chiqapar uñjatäñatakix chilltayasktati —sasa. |
Ucatsti uca uñjirinacajja uqhamaraqui marca apnakerinacasa, cunaymanit Daniel chacharojj aynacht'ayañ thakapjjäna, janiw suma apnakerïquiti sasa aynacht'ayañataqui, ucampisa cunjämatejj Daniel jupajj chekapa jakënjja, janiw cunjämatsa juparojj aynacht'ayañ puedipcänti.
Iyawsäwi laycuw yakha marcanacarus jupanacajj atipapjjäna, suma apnakapjjaraquïna, uqhamarac Diosajj arscatayna uca yanapt'apsa catokapjjaraquïnwa. Leonanacan lacanacapsa jist'antapjjaraquïnwa,
Takeniw Demetriotjja sum parlapjje, ucasti chekapunïsquiwa. Jiwasanacas yatiractanwa ucjja, jumanacas yatipjjaractawa cuntï chekac sasipcsma ucjja.
Jichhasti acajjay acancasctwa. Nayatejj qhitin vacapsa, asnopsa catuntassta, jan ucajj qhitirus t'akhesiystjja, jan ucajj cheka uñjañataquis kollke chilltayasstjja ucapachajj arsupjjam Tatitu nayräjjana, uqhamarac cawquïr reytejj jupajj ajllqui uca nayrakatansa, ucat nayajj take manut phoqhawayjjäwa —sasa.
—Uqhamajj Tatitusa, jupan ajllita reyisa ist'asquiwa, jumanacajj janiw cuna juchsa nayarojj apsupquistati —sasaraquiw Samuelojj khanañchasïna. —Uqhamäscapuniwa —sasaw jupanacajj sapjjaraquïna.