1 Samuel 10:27 - Qullan Arunaca

Ucampisa utjaraquïnwa jan wali parliri jakenacajja, aqham sasaw sapjjaraquïna: “¿Acat khespiyistaspasti?” sasa. Ucat jisc'achapjjaraquïnwa, janiraquiw cunjämatejj mä reyir suma uñjañajj waquisqui uqhamar uñjapcänti; ucampisa Saúl waynajj jan uñjiriw tucuraquïna.

Aymar Bibliia 1986

Ucampisa utjaraquïnwa jan wali parliri jakenacajja, aqham sasaw sapjjaraquïna: “¿Acat khespiyistaspasti?” sasa. Ucat jisc'achapjjaraquïnwa, janiraquiw cunjämatejj mä reyir suma uñjañajj waquisqui uqhamar uñjapcänti; ucampisa Saúl waynajj jan uñjiriw tucuraquïna.

Qullan Arunaka DC

Ukampis jan wali parliri jaqinakax utjapunïnwa, jupanakasti sapxarakïnwa: “¿Jupat qhispiypachïstani?” sasa. Juparux wal jisk'achapxäna, janirakiw reyirjamas yäqapkänti; ukampis Saulux jan ist'iriw tuküna.

1 Samuel 10:27 Jak'a apnaqawi uñst'ayäwi

2 Samuel 20:1

Benjamín tribun mayni khoru jakew utjäna, ucasti Seba satänwa, Bicri sisqui uca jaken yokapa, jupasti Gilgal marcanwa jicjjatasiraquïna. Aca Seba jakesti jakenacaruw amtayäna rey contra sayt'asipjjañapataqui, saraquïnwa: “Jiwasajj janiw Isaí jaken David yokapampejja cuna lurañasas utjquiti. ¡Take israelita jakenaca, utanacamaru cuttjjapjjam!” sasa.

2 Samuel 8:2

Moabita jakenacarusti atipjaraquïnwa, jupanacarusti orakeruw liwirtayaraquïna, uqhamat mä ch'anqhampi tupt'asa. Qhitinacatejj pä ch'anqha taypincapcäna ucanacarusti jiwarayatäñataqui juchañchatäpjjänwa, cawquirinacatejj mä ch'anqha taypincapcäna ucanacasti perdonatäpjjaraquïnwa. Uqhamaw moabita jakenacajj Davidan apnakatäpjjäna, impuestonacsa pagapjjaraquïna.

1 Reyes 10:25

Ucatsti jupataquejj takeniwa mä wajjt'äwi sapa mara aparapipjjerïna: kollketa, korita yänaca, isinaca, armanaca, k'apquir kollanaca, caballonaca, uqhamarac mulanaca.

1 Reyes 4:21

Salomón reyiw take marcanacjjaru apnakäna Eufrates sat uca jawirata filisteonacana orakepcama, uqhamarac Egipto korpacama. Jupanacasti impuestonacwa pagapjjäna, ucatsti Salomón reyiruwa jaysapjjäna jupan jacañapcama.

1 Reyes 5:1

Tironquiri Hiram reyejj cunapachatï yatïna Salomonaru reyit utt'ayapjjatapa, David awquipa lanti ucqhajja, yatiyirinacapwa qhitäna Salomonan ucaru, Hiram reyejj Davidarojj munapunïnwa uca laycu.

2 Crónicas 13:7

Juparusti jakcattapjjänwa mä kawkha jan cuna lurir jayra jakenaca, uqhamarac jan wali jakenaca, jupanacasti atipjapjjänwa Salomonan Roboam yokaparojja, jupasti waynaquïnwa jan sayt'asiriraqui. Uqhamasti jupajj janiw ch'amanïcänti jupanac toke sayt'asiñataquejja.

2 Crónicas 17:5

Ucatwa Tatitojj sum utt'ayäna marcapa jupan apnakañapataqui. Juparusti take Judá orakenquiri jakenacawa wajjt'äwinaca churapjjäna, uqhamatsti wali kamir cancañanïnwa, uqhamarac jach'achataraquïnwa.

Salmos 38:13

Nayasti okaraw tucta, amutur uñtataw lacajj jan jist'arcti;

Salmos 72:10

Tarsis marcanquir reyinacasa, kota tokenquir reyinacasa, jupataquejj kollk apsupjjpan, Sabá orakenquiri, Seba orakenquir reyinacajj churäwinacap loktapjjpan.

Eclesiastés 7:21

Jan ist'amti take cuntejj parlapqui ucanacjja, uqhamatwa jan ist'cätati sirviriman jumjjat jan wali parlatapjja.

Isaías 36:21

Jupanacasti amuquiw kheparapjjäna, janiw mä arsa arscjjapjjänti, reyiraquiw jupanacarojj jan cunsa sapjjañapataqui arsutayna.

Mateo 2:11

Utar mantasinsti wawampiru, María taycapampiruw jicjjatapjjäna. Ucatwa quillt'asisina yupaychapjjäna. Cajanacapat apsusisinjja, kori, incienso, mirra ucanacwa juparojj churapjjäna.

Hechos 7:35

“Egiptonquir israelitanacajj Moisesarojj jan yäkapcchïnsa: ‘¿Qhitis jumarojj jilïritsa juesatsa nanacjjaru uchtam?’ sapcchïnsa, Diosajj juparuw qhiti, mä jilïrita uqhamarac khespiyirita. Ucatwa Diosajj angelap qhitanïna, mä nina akquir jisc'a kokan jupar uñstasa.

Deuteronomio 13:13

jakenacan Diosaru jan jaysapjjatapa, uqhamaraqui uca marcan jakenacaru Diosat jithektayascatapa yakha jan uñt'at diosanacaru yupaychayasa.

1 Samuel 11:12

Ucat yakhepa jakenacajja sapjjänwa: —¿Qhitinacas Saúl waynana jiwasan reyisäñapatjja pächasipjjänjja? Take uca jakenac catuyapjjeta jiwarayapjjañajjataqui —sasa.

1 Samuel 11:13

Ucampisa Saúl waynajj saraquïnwa: —Jichhürojj janiw qhitis jiwayatäcaniti, jichhüru Tatitojj Israel marcaparu khespiyatap laycu —sasa.

1 Samuel 16:20

Ucat Isaí chachajj David yokaparojj Saúl reyin ucaruw qhitanïna. Jupampi chicasti mä asno irpayaraquïna, t'ant'as qhumt'ata, mä lip'ichi wayaka vinompi, mä cabritompi cuna.

1 Samuel 2:12

Elí sacerdoten wawanacapasti jan wali jakenacäpjjänwa, janiraquiw jupanacajj Tatiturojj ajjsarapcänti,

1 Samuel 25:17

Ucampis juman chachamajj wali khorupuniwa, jan parljjayañjama, jichhajj jumay amuyt'am cunsa lursna uca toketa, jan ucasti chekpachansa mä jan walt'añawa jutani, jupataqui uqhamaraqui take familianacapataqui” sasa.