1 Samuel 1:23 - Qullan Arunaca

Elcana chachapajj saraquïnwa: —Cunatejj jumataquejj walïqui ucanac lurascaquim. Uqhamajj kheparamay wawaru ñuñu t'akañcama. Tatitusti arsutapjja phokharacpan —sasa. Uqhamaw jupajj kheparjjäna, wawa uywasa, ñuñut t'akañapcama.

Aymar Bibliia 1986

Elcana chachapajj saraquïnwa: —Cunatejj jumataquejj walïqui ucanac lurascaquim. Uqhamajj kheparamay wawaru ñuñu t'akañcama. Tatitusti arsutapjja phokharacpan —sasa. Uqhamaw jupajj kheparjjäna, wawa uywasa, ñuñut t'akañapcama.

Qullan Arunaka DC

Elcaná chachapasti sänwa: —Kunjämatix jumatak wakiski ukhamay luram, wawan ñuñu t'aqañapkam qhiparam, Tatitusti arsutaparux phuqharakpan —sasa. Ukhamaw Anax qhiparäna, wawa uywasa, ñuñut t'aqañapkama.

1 Samuel 1:23 Jak'a apnaqawi uñst'ayäwi

2 Samuel 7:25

“Uqhamasti, Dios Tatitu, arsutanacamjja phokhapunimaya aca sirvirimataqui uqhamaraqui wawanacapataquisa, cuntejj arscta ucasti phokhasipunpanaya.

1 Reyes 3:21

Wali alwatasti wawajjar ñunt'ayasï sista ucqhajja, wawajj jiwataquëjjänwa. Ucatsti uru khanan uñjasinjja, amuyasïyätwa uca wawajj nayajj jan wawachascta uca wawätapa.

Salmos 22:9

Jumaw taycajjan puracapat yuriyista; ñuñupar samart'ayasaw uywasista;

Isaías 44:26

Ucampisa qhitinacatejj nayan sirvirejjäqui ucanacan arunacapsti phokhayapuntwa, uqhamaraqui qhitatanacajjan amtatanacapsa suma mistuyaractjja. Nayaw Jerusalenan wasitat jakenëjjañapataqui arstjja, uqhamaraqui Judá orakenquir marcanacasa wasitat sayt'ayatäjjañapataqui: Aynacht'atanacapatsti nayaw jupanacarojj sartayä.

Números 30:12

Ucampisa chachapatejj yatisinjja ina pampar tucuyani, ucapachajj janiw phokhañapäcjjaniti, chachapan ina pampar tucuyatap laycu. Tatitojj janiraquiw phokhañapataquejj wayt'caniti.

Mateo 24:19

¡Cunja llaccañänisa warminacataquejja, ucürunacantejj usur uñjasipjjan ucajja, jan ucajj ñuñusquir jisc'a wawanïcanis ucanacataquisa!

Lucas 11:27

Jesusajj acanac sisquipanwa, jakenac taypit mä warmejj jach'at art'äna: —¡Cusisiñaniwa jumar wawachasin uywctam uca warmejja! —sasa.

1 Samuel 1:17

—Uqhamajj jichhajj sumaquiy sarjjam, Israelan Diosaparaquiy jumarojj cuntejj maycta ucjja churpan —sasaw Elí sacerdotejj säna.

1 Samuel 14:36

Ucatsti Saúl reyejj saraquïnwa: —Jichhajj aca aruman filisteonacar arctiri sarakapjjañäni, ucatsti khanjtaniñapcama saqueyjapjjaraquiñäni, janiraquiw maynirus uqhamaqui jaytancañäniti, jan ucasti takeniruw jiwarayaniñäni —sasa. Ucatsti takeniw arsupjjaraquïna: —Cunatejj amuyatamatjja walïqui ucanacjja lurascaquim. Ucampisa sacerdotejj saraquïnwa: —Janïr cunäquipana Diosaru jisct'añäni —sasa.

1 Samuel 14:40

Ucatwa Saúl reyejj take israelitanacarojj saraquïna: —Jumanacajj acsaru sayt'asipjjam, maysatsti Jonatán yokajjampi nayampiraquiw sayt'anipjjä —sasa. —Cunatejj amuyumanjja walïqui ucanac lurascaquim —sasaw soldadonacajj sapjjaraquïna.