1 Reyes 8:6 - Qullan Arunaca

Ucjjarusti sacerdotenacajj Tatitun arcapjja templo mankhëjjaruwa apapjjäna Kollana Chekacama, angelanacana chhekhap mankhëjjaru.

Aymar Bibliia 1986

Ucjjarusti sacerdotenacajj Tatitun arcapjja templo mankhëjjaruwa apapjjäna Kollana Chekacama, angelanacana chhekhap mankhëjjaru.

Qullan Arunaka DC

Ukxarusti sacerdotenakax Tatitun utap manqhiruw arust'äwi arca apapxäna Qullanansa Qullanapa chiqawjkama, querubines sat chhiqhap manqhïxaru,

1 Reyes 8:6 Jak'a apnaqawi uñst'ayäwi

2 Samuel 6:17

Tatitun arcapasti apatäjjänwa, uchäwiparu uscutäjjaraquïnwa, mä carpa mankharu cuna carptejj Davidajj arca uscuñataquipuni lurcatayna uca mankharu. Ucatsti Davidajj janc'aquiw sacrificionaca, sumancthapiña loktäwinaca loktaraquïna, Tatitun nayrakatapana.

2 Samuel 6:2

Judá oraketa, Baala sisqui uca chekat take jupampi chicäpcäna uca soldadonacampi sartanisinsti, Tatitun arcapa uca chekat aptawayjjañaruw uscusi. Uca arcjjataraqui Tatitutjja mayisitajja, konuñapasti querubines sat angelanacjjancaraquiwa.

1 Reyes 6:16

Templo mantañ uñcatasirojja wact'ayänwa Kollana Lugaräñapataqui llätunca metroni, ucarusti amstata aynachcamajja cedro tablanacampiw ucharaquïna.

1 Reyes 6:19

Salomonasti Kollan templonjja waquicht'ayänwa Tatitun arcapa ucar uchañataqui.

1 Reyes 6:27

Salomonasti ucanacjja Kollana Templo mankheruw ucharaquïna. Uca angelan chhekha puntapasti mä perkaruw purïna, mayninsti maysa perkaruraqui, ucjjar paya chhekha puntanacapasti jiquisiraquïnwa chicachica Kollanawjana.

1 Reyes 8:3

Ucatsti Israel marcana chuymani awquinacaw purinipjjäna, ucatjja sacerdotenacajj arcwa apjjarupjjäna.

1 Reyes 8:4

Ucatjja apapjjänwa, Tatitumpi Jiquisiñ Carpa, uqhamarac cuna asqui yänacatejj ucan utjcäna ucanacamppacha, ucanacjja sacerdotenacampi, levitanacampiwa apapjjäna.

1 Reyes 8:7

Uca angelanacasti chhekhanacapa ayatatatäpjjänwa cawqhanccäntejj arcajj ucqharu, uqhamatwa angelanacajj arcaru imt'apjjäna uqhamarac callañ lawanacapamppacha.

1 Crónicas 22:19

Ucampisa jumanacajj take chuyma amtasipjjam Tatit Diosamar thakañataqui. Ucatsti waquichasipjjaraquim Tatit Diosan Kollan Templopa lurañataqui, uqhamata cawquïr templotejj jumanacajj lurapcäta ucaru Tatitun Sumancäwi arcapa, uqhamarac kollan yänacapa apatäjjañapataqui” sasa.

2 Crónicas 5:7

Ucatjja sacerdotenacajja Tatitun arust'äwiru mantat arcapjja apjjapjjänwa, templo mankhëjjaru, kollanansa Kollanapa Chekaru, chhekhaninaca mankharu.

Salmos 80:1

Israel marcan awatiripa, ist'apjjaquitaya, tamar uñtat Josean marcapar irpiri, jaysapjjaquitaya; angelanac taypin khapak konuñaman kont'asiri, ist'apjjaquitaya.

Salmos 80:2

Efraín, Benjamín, Manasés uywatanacamarojj qhuyapayasiñampiy uñtanim. ¡Sartasiquimaya, ch'amamamp khespiyiriy jutapjjeta!

Salmos 99:1

¡Tatitojj reyiwa! Reyi konuñapajj angelanacjjar utt'atawa. Marcanacajj qhathatipjjpan, takpach orakes onjjtaracpan.

Éxodo 37:9

Ucampis uca pä angelanacajj purapa uñthapisita arca tapa uñjjatatäpjjänwa, ucatsti chhekhanacapampejj arca taparuraquiw janjjatapjjäna.

Isaías 37:16

“Take ch'amani, Israelan Diosapa, juman tronomajj querubines sat angelanac patanquiwa, acapachanjja take reyinacjjarus juma sapaquïtawa, jumaw alajjpachsa acapachsa usctajja.

Ezequiel 10:5

Uca angelanacan chhekha jawk'asitanacapasti uta ankäjjcamaw ist'asiniraquïna, take ch'amani Diosas parlcaspa uqhama.

Ezequiel 41:4

Ucat uca mankhanquiri uta tupt'araqui, ucasti take tokerusa tunca metroncamänwa. Ucat nayarojj saraquitu: “Aca chekajj sinti kollanawa” sasa.

1 Samuel 4:4

Ucatsti israelitanacajj Silo sat uca chekarojj mä kawkha jakenacwa qhitapjjäna, ucatsti uca chekatjja aptanjjapjjänwa take ch'amani Tatitun Arust'äwi Arcapa, uca take ch'amani Diosasti querubines sat angelanacampi yupaychataraquïnwa. Ofni, Finees sat Elí sacerdoten yokanacapasti uca arca apaniñanjja ucancapjjaraquïnwa.