1 Reyes 8:2 - Qullan Arunaca

Salomón reyin nayrakatapanjja take israelitanacaw tantachasipjjäna jach'a fiestana Etanim sat phajjsina, ucasti marana pakallköri phajjsïnwa.

Aymar Bibliia 1986

Salomón reyin nayrakatapanjja take israelitanacaw tantachasipjjäna jach'a fiestana Etanim sat phajjsina, ucasti marana pakallköri phajjsïnwa.

Qullan Arunaka DC

Ukatsti, Etanim sat paqallqür phaxsina, phunchhäwi jach'a urun israelitanakax Salomón reyimpi taqpachan tantachasipxäna.

1 Reyes 8:2 Jak'a apnaqawi uñst'ayäwi

1 Reyes 12:32

Uqhamarus uñstayaraquïnwa fiesta luraña diosanacapataqui, quimsakallko phajjsïrina tunca pheskani uru sarakataru, cunjämatï Judá oraken fiestajj lurasirïqui uqhama, jupa pachparaquiw altarana sacrificionaca loktirïna. Ucsti Betel chekanwa luräna, vaca kallunaca luraycäna ucanacaru sacrificionaca loktasina. Ucjjarusti Betel chekanjja sacerdotenacwa utt'ayaraquïna, yakha diosanacataqui santuario utanaca luraycäna ucanacataqui.

1 Reyes 8:65

Uca pachpa urunacanjja Salomonajj take Israel walja jakenacampejja Enramadas sat fiestapwa luräna Tatit Diosan sutiparu, uqhamarac yakha pakallk uru fiestampiraqui, takpachasti tunca pusini uru fiestwa luräna. Uca jakenacasti jutapjjänwa Hamat chekaru mantañäquis ucqhata, Egipto jawiratpacha.

2 Crónicas 5:3

Jach'a fiesta urunsti, marata pakallko phajjsi sarakataruw Salomón reyimpi take israelitanacajja tantachasipjjäna.

Esdras 3:4

Ucjjarusti Chhujllanaca luraña fiestwa lurapjjäna, cunjämatï leyin kellkatäcäna uqhamaru, sapüruraquiw nact'at loktäwinaca loktapjjerïna, cunjämtï lurapjjirïcäna, sapürus cawkhay munaschi uqhamarjama,

Levítico 23:34

“Israelitanacarusti aqham saraquim: Uca pachpa pakallko phajjsi sarakatarusti, uca phajjsina tunca pheskani urunaca sarakatarojja, pakallko urunacaw mä fiesta lurapjjäta, ucasti chhujllanacan fiestapa sataraquïniwa, Tatitut amtasiñataqui.

Juan 7:2

Judionacan maynïri fiestapajj jac'ancjjänwa: Chhujlla utanac sat fiesta.

Juan 7:37

Fiesta tucuy urojj juc'amp jach'a urünwa. Ucürunwa Jesusajj sayt'asisina jach'at arsüna: —Qhitich umat pharjatäsqui ucajja jutpan nayaru, ucatsti umaracpan.

Deuteronomio 16:13

“Cunapachatejj trigo apthapiña tucuyjjapjjäta, uqhamaraqui uvanac ch'irwsuñsa tucuyjjapjjaraquïta ucqhajj pakallko uruw Enramada fiesta fiestachapjjäta.