1 Reyes 7:8 - Qullan Arunaca

Salomonajj jaccäna uca palacio khepäjjarojja mä pationïnwa, uqhamarac mä uta uca quipca lurataraqui. Faraonan phuchapajj jupan warmipäcäna ucatac palacio luraycäna ucasti, uqhama pachpa uñtasiri utaraquiw lurayataraquïna.

Aymar Bibliia 1986

Salomonajj jaccäna uca palacio khepäjjarojja mä pationïnwa, uqhamarac mä uta uca quipca lurataraqui. Faraonan phuchapajj jupan warmipäcäna ucatac palacio luraycäna ucasti, uqhama pachpa uñtasiri utaraquiw lurayataraquïna.

Qullan Arunaka DC

Salomonax jakkäna uka reyi utax, qhipäxar mä utänqanïnwa, ukawjarusti maya utjam kipka luratarakïnwa. Faraonan phuchhapataki khititix jupan warmipäkän ukataki uta luraykän ukasti, ukhama kipka uñtasita utarakïnwa.

1 Reyes 7:8 Jak'a apnaqawi uñst'ayäwi

1 Reyes 3:1

Salomonajj Egiptonquir reyimpiw familiaru tucüna, jupasti phuchapampiwa casarasïna, ucatsti Davidan marcaparuwa irpäna, cunapachatï palaciopasa, Tatitun templopasa, uqhamarac muytpacha Jerusalén perkasa luraña tucuyasiscäna ucapacha.

1 Reyes 7:9

Take aca lurayata utanacasti cimientota alaya cornis sata c'achachata tucuycama, uqhamarac fachadata jach'a patiocamajja, luratänwa jila alani kalanacata, suma c'utsuta, uqhamarac tupt'asa sierranacampi qhuchhutaraqui, uqhamarac ankäjjatsa mankhëjjatsa.

1 Reyes 9:16

Egiptonquir faraón reyisti, purisinjja Gezer sat marcwa catuntasïna, ucatsti naqhantayänwa, uqhamarac uca marcan jacapcäna uca cananeo jakenacarus jiwarayänwa. Ucatsti ucjja mä churäwitwa phuchaparu churäna, jupasti Salomonan warmipänwa.

1 Reyes 9:24

Faraonan phuchapasti Davidana marcapatjja sarjjänwa Salomonajj jupataqui palacio lurcäna ucaru. Ucatsti jupajj lurayänwa Milo sat sayt'asiñ Chekaru.

2 Reyes 20:4

Ucatjja janïra Isaiasajj palacion chicachicanquir patioparu mistcäna, ucqhawa Tatitojj Isaías profetaru yatiyäna, aqham sasa:

2 Crónicas 8:11

Salomonasti faraonan phuchaparojja Davidana marcapatjja aptayjjaraquïnwa, jupataqui palacio luraycäna ucaru, jupajj amuyänwa Israelanquir David reyin palaciopanjja, warmipan ucan jacañapajj jan asquïtapa, cawqha chekanacarutejj Tatitun arust'äwi arcapajj mantcäna ucqhanacajja kollanätap laycu.