1 Pedro 4:8 - Qullan Arunaca

Ucat sipansa jumanacanjja munasiñajj utjapunpan, munasiñasti walja juchanacwa perdonaraqui.

Aymar Bibliia 1986

Ucat sipansa jumanacanjja munasiñajj utjapunpan, munasiñasti walja juchanacwa perdonaraqui.

Qullan Arunaka DC

Taqi kunat sipansa, jumanakkamax munasipxapunim, munasiñax walja juchanak pampachi.

1 Pedro 4:8 Jak'a apnaqawi uñst'ayäwi

Proverbios 10:12

Uñisiñajj ch'ajjwanacwa utjayi, ucampis munasiñajj take juchanacwa pampachi.

Proverbios 12:16

Jan amuyt'an jakejj mäquiwa cunatsa colerasi, ucampis ch'iqhi jakejja jan wali chuyma uscay arunacarojj janiw yäkquiti.

Proverbios 17:9

Qhititejj jan wali luratata perdonqui ucajja, juc'ampi suma munasiñwa utjayi; qhititejj jan wali luratata parlascaqui ucajja, jake masiparojja juc'ampiwa jithekayi.

Proverbios 18:13

Maynin arunacapa jan sum ist'casina arsuñajja, jan amuyt'anïña, mä p'enkaraquiwa.

1 Corintios 13:1

Nayatejj jakenacana angelanacana parlanacap parlirista, ucat janirac munasiñanïquiristjja, mä latar uñtataquiw tojjokerista, mä platillor uñtataquiraquiw chhollokeristjja.

1 Corintios 13:4

Qhitintejj munasiñajj utjqui ucajj llamp'u chuymaniwa, suma jakewa, janiw envidiasirïquiti, janiw jach'a jach'a tucurïquiti.

Colosenses 3:14

Ucatsipansa wali munasiñanïpjjam, munasiñasti mayaruw tucuyi, take cunsa phokharaquiwa.

1 Tesalonicenses 3:12

Tatitusti jumanacar jiltaypan, juc'ampi maynit maynicam munasiñanacamajj utjaracpan, cunjämtejj nanacajj jumanacar munasipjjsma uqhama.

2 Tesalonicenses 1:3

Jilatanaca, jumanacatjja Diosarojj yuspagarapjjapuniñajjawa, asquiwa ac lurañanacajjajja, jumanacan iyawsäwinacamajj jilascatap laycu, uqhamarac maynit maynicama munasiñanacamajj sapürutjamaw juc'ampi utjascaraqui.

1 Timoteo 1:5

Aca camachin amtäwipajj acawa: Munasipjjam k'oma chuymat jutqui uca munasiñampi suma chuymampi, uqhamarac chekpach iyawsäwimpi.

Hebreos 13:1

Maynit maynicama jilapurjama munasipjjam.

Santiago 5:12

Ucampis jilatanaca, jan alajjpach laycusa ni acapach laycusa juramentjja lurapjjamti, ni cuna casta juramentsa lurapjjamti. Cunapachatejj: “Jïsa” sapjjätajja uqhamapunïpan; cunapachatejj: “Janiw” sapjjaraquïtajja uqhamaraquïpan. Diosasti ucqhajj janiw juchañchapcätamti.

Santiago 5:20

yatipjjam jumanacajja, uca cuttayanirejj juchararan almapjja jiwañat khespiyiwa, ucatsti walja juchanacataracwa perdón jicjjatayi.

1 Pedro 1:22

Jichhajj jumanacajja, Kollan Ajayu toke Tatitun arunacap ist'asinjja, almanacamjja k'omachasjjapjjtawa jilatanacaru chekpachan munañataqui. Uqhamajj maynit maynicamaw munasipjjañama take chuyma, uqhamarac take ch'amampi.

3 Juan 1:2

Munat jilata, Diosarojj maytwa juman take cunas suman sarañapataqui, uqhamarac jan usuntañamataqui cunjämatejj ajayunjja waliquïsctajja uqhama.