1 Corintios 9:21 - Qullan Arunaca

Mä toketsti qhitinacatejj jan Moisesan leyinacaparjam sarnakqui ucanac taypinjja jupanacjamaquiraquiw nayajj tucta, chekpachansa Diosan leyiparjama sarnakcta ucasa, Criston leyipanctwa.

Aymar Bibliia 1986

Mä toketsti qhitinacatejj jan Moisesan leyinacaparjam sarnakqui ucanac taypinjja jupanacjamaquiraquiw nayajj tucta, chekpachansa Diosan leyiparjama sarnakcta ucasa, Criston leyipanctwa.

Qullan Arunaka DC

Mä tuqitsti, khitinakatix Moisesan kamachiparjam jan sarnaqapki ukanakan Cristor iyawsapxañapatakix jupanakjamaw nayax tukta, chiqpachansa nayax Diosan kamachiparjamaw sarnaqta, Criston kamachiparjam niyak sarnaqasaxa.

1 Corintios 9:21 Jak'a apnaqawi uñst'ayäwi

Salmos 119:32

Arsutanacam phokhañataquiw jalascta, chuymajjar cusisiñamp phokt'atam laycu.

Hechos 15:28

Kollan Ajayutaquis nanacataquis waljamaquiw amuyasi take acanacjjar jan cuna lurañanacsa juc'ampi jumanacjjar apjjatañataqui.

Hechos 16:4

Take ucsa marcanac pascasinsti, cuntejj Jerusalenanquir apostolonacampi jilïrinacampejj ewjjt'apcäna ucanac phokhapjjañapataquiw jilatanacarojj yatiyapjjäna.

Hechos 21:25

Ucampis jan judiöcasin iyawsirinacaruw nanacajj carta apayapjjta: ‘Uca tokenacatjja jan llaquisipjjamti, jan ucasti yakha diosanacar loktatäquis ucanacjja jan mank'apjjamti. Janiraqui wilsa mank'apjjamti, ni cuna jaychjasin jiwayat uywanacsa. Janirac cuna wachoka jucha lurañanacansa sarnakapjjamti’ sasa.

Romanos 2:12

Moisesan leyip jan yatcasin jucha lurapquis ucanacajj janiw uca leyirjam juchañchatäpcaniti, ucampis Moisesan leyip yatcasin juch luririnacajja, uca leyirjam juchañchataraquïniwa.

Romanos 2:14

Ucampis jan judiöpquis ucanacasti janiw Moisesan leyipa yatipquiti, ucampis lurapjjewa take cunanacatejj leyin kellkatäqui ucanaca. Uqham lurañajja jupanacan leyipawa.

Romanos 7:22

Chuymajj mankhenjja Diosan leyiparu wal munta,

Romanos 7:25

Dios mayniquiw Jesucristo toke luraspajja. Chekpachansa nayajj yuspagartwa Diosaru. Nayasti amuyasisctwa Diosar take sirviñajja, ucampis jañchin munañaparjamajj esclavösctwa.

Romanos 8:4

Take acanacsti lurawayiwa jiwasanacan cuntejj leyejj sisquis ucanac lurañasataqui, jiwasanacasti janiw janchin munañaparjam jacjjtanti, jan ucasti Ajayumpi chict'ataw jacjjtanjja.

Gálatas 3:2

Jichhajj sapjjetaya: ¿Diosan Ajayupjja Moisesan leyiparu phokhatanacam laycuti catokapjjta, jan ucajj cuntejj ist'apcta ucaru iyawsapjjatam laycucha?

Gálatas 6:2

Yanapt'asipjjam maynit maynicama take cuna apañanacanjja, uqhamanwa Criston leyip phokhapjjäta.

Hebreos 8:10

Israel marcampi mä arust'äwi lurcä qhaya urunac khepata ucajja aqhamäniw, siw Tatitojja: Jupanacan p'ekeparuw camachi arunacajj uchä, chuymaparuw kellkantaraquï. Ucapachaw nayajj jupanacan Diosapäyäjja, jupanacasti nayan marcajjäpjjaraquiniwa.