1 Corintios 7:32 - Qullan Arunaca

Janiw cunat llact'at sarnakapjjañamsa muncti. Cunapachatejj maynejj solterösqui ucajj Tatitun yänacapatwa llaquisi uqhamaraqui jupar sum sirviñampita.

Aymar Bibliia 1986

Janiw cunat llact'at sarnakapjjañamsa muncti. Cunapachatejj maynejj solterösqui ucajj Tatitun yänacapatwa llaquisi uqhamaraqui jupar sum sirviñampita.

Qullan Arunaka DC

Nayax jumanakan llakinakam apaqañ munirista. Kunapachatix maynix sapakïski ukax Tatitun yänakapata, ukhamarak jupar kusisiyañampit llakisi;

1 Corintios 7:32 Jak'a apnaqawi uñst'ayäwi

Salmos 55:22

Diosar llaquinacam catuyam, jupasti ch'aman tucuyätam, Diosar jaysirin aynacht'añapjja, janipuniw jupajj muncaniti.

Mateo 13:22

Ch'aphi taypinacar jalantat jatha misturisti acamp sasiwa: Suma arunac ist'casinsa, sintwa llaquisipjje acapach yänacatsa, kollketsa. Take ucanacasti juparojj atipjiwa, suma arunacasti janiraquiw jupan chuymapanjja jiltcaspati.

Marcos 4:19

jupanacajj acapach yänacaruw sinti munapjje. Kamiriptañ munañaw mayjt'ayi, ucatsti cunayman munañaruw puripjje. Take ucanacaw chuymanacapar mantasinjja, Diosan arunacapjja chhaktayi aca jakenacan jan achuñapataqui.

Juan 10:13

Aca jakejj jaltawayjjewa, pago catokañ laycuquiwa awatïna janiw ovejanac laycuti.

1 Corintios 7:33

Ucampisa maynitejj casadöchi ucajj take cunatwa llaquisi uqhamarac warmiparu sum sirviñatsa.

Filipenses 4:6

Jan jumanacajj cunats llaquisipjjamti, take cunsa Diosar sapjjam oracionana, mayipjjam yuspagarapjjaraquim.

1 Timoteo 5:5

Mayni warmitejj chekpachana ijmächejja, sapaquirac kheparawayjjchi ucajja, Diosaruquiw suyt'i, jan karjtasinwa uruy aruma oracionjj luraraqui.