1 Corintios 7:17 - Qullan Arunaca

Cunjämäscpansaya, cunjämtejj Tatitojj churqui uqhamwa maynejj jacañapa, ucatsti cunjämarutï Diosajj jupar jicjjatqui uqhamwa jacañaparaqui. Uqhamaracwa yatichtjja take iglesianacansa.

Aymar Bibliia 1986

Cunjämäscpansaya, cunjämtejj Tatitojj churqui uqhamwa maynejj jacañapa, ucatsti cunjämarutï Diosajj jupar jicjjatqui uqhamwa jacañaparaqui. Uqhamaracwa yatichtjja take iglesianacansa.

Qullan Arunaka DC

Kunjämäskpansaya, sapa mayniw Tatitun churäwinakaparjam jakañapa, kunjämtix Diosax jupar jawski ukhamarakïñapawa. Nayax aka yatichäwi taqi iglesianakar churta.

1 Corintios 7:17 Jak'a apnaqawi uñst'ayäwi

Mateo 19:12

Cunayman amuyunacaraquiw utji jaken jan casarasiñapataquejja. Yakhepanacajja jan casarasiñataquiw naci, mayninacasti jake masipan uqham jan casarasquiri tucuyataraquiwa, mayninacasti Diosan reinop laycuw jan casarasipcaraquiti. Qhititejj uqham tucurjamächi ucajj uqham tucpan —sasa.

1 Corintios 10:32

Jan qhitirus lanctayapjjamti, ni judiorusa, jan judiorusa, ni Diosan iglesiapanquirinacarusa.

1 Corintios 11:16

Ucampis maynitejj aca toket ch'ajjwañ munchejja yatiñapawa, janiwa jiwasas ni Diosan iglesianacapas yakha luräwjja uñt'ctanti.

1 Corintios 11:34

Maynitejj mank'at awtjatächi ucajja utapat mank'anpan, uqhamat jan Diosajj jumanacaru mutuyañapataqui jan wali tantachasitanacamatjja. Yakha tokenacatsti nayajj purincä ucqhaw take cunsa uñjäjja.

1 Corintios 14:33

Diosasti janiw alek ch'ajjwañ Diosäquiti, jan ucasti sumancaña Diosawa. Take iglesianacansa jilatanacarojj yatichatawa:

1 Corintios 16:1

Jilatanacataqui ofrenda apthapt'añ toketjja, cunjämtï Galacia provincianquir iglesianacaru yatichanctjja uqhamaraqui jumanacajj lurapjjam.

1 Corintios 4:17

Ucataracwa Timoteor qhitanipjjsma. Jupajj Tatit tokenjja mä suma wawajjäcaspas uqhamawa. Jupaw amtayapjjätam cunjämtejj nayajj iyawsirjamajj Cristompi sarnakcta ucjja, uqhamarac cunjämtejj take chekansa iglesianacanjj yatichcta ucsa.

1 Corintios 7:18

Diosatejj mayniru jawscän ucqhajja circuncidatächïna ucajja, uqhamaquïscpan. Maynitejj jan circuncidatäcchïna ucajj jan circuncidatäpanti.

1 Corintios 7:24

Uqhamapï jilatanaca, sapa maynisa cunjämtï Diosajj jupar jicjjatcänjja uqham sarnakañapawa.

1 Corintios 7:7

Nayajj muniristwa sapa maynis nayjamäñapa, ucampis Diosajj janiw sapa maynirus uqham uchquistuti jan ucasti sapa maynis jak jakëtanwa.

2 Corintios 11:28

Take acanacatsa uqhamarac yakhanacatsa, sapüruraquiw iglesianacatjj llaquista, uca llaquisti mä jathi k'epir uñtataraquiw nayataquejja.

2 Corintios 8:18

Titomp chicsti mayni jilataruraquiw qhitanipjjta. Uca jilatatsti take iglesianacanjja wali sumwa parlapjje, Tatitun luräwipan suma irnakatap laycu.

Gálatas 1:22

Judea ucsa tokenquiri Tatitun iglesiapanquiri jilatanacajj janïraw ucqhajj nayarojj uñt'apquitänti.

1 Tesalonicenses 2:14

Jilatanaca, cunjämatejj jumanacajj marca masinacaman t'akhesiyatäpcäyätajja, uca pachparaquiw Cristo Jesusancapqui uca Judeanquir Diosan iglesianacapajj t'akhesiyataraquïna. Jupanacasti judío marca masinacapampi t'akhesiyatäpjjänwa.

2 Tesalonicenses 1:4

Uqhamajj Diosan iglesianacapanjja nanacpachaw cusisiñampi jumanacjjata parlapjjta, llamp'u chuymanïpjjatanacamata, iyawsäwinacama take t'akhesiñ taypina uñacht'ayapjjatamata, uqhamarac llaquisisina t'akhesipjjatanacamatsa.