1 Corintios 3:15 - Qullan Arunaca

Ucampis maynin luratapatejj k'al naqhantanejja, uca jakejj k'alwa apt'asini, jupajj naqhantañat khespcani mä ninat jaltirjama ucasa.

Aymar Bibliia 1986

Ucampis maynin luratapatejj k'al naqhantanejja, uca jakejj k'alwa apt'asini, jupajj naqhantañat khespcani mä ninat jaltirjama ucasa.

Qullan Arunaka DC

ukampis luratapatix nakhantanixa, luratap q'al apt'asini, jupax ninatsa jaltkaspa ukham qhispkan ukasa.

1 Corintios 3:15 Jak'a apnaqawi uñst'ayäwi

Job 23:10

Jupaw sarnakäwejja yati; yant'atsti suma k'omachata korjamaw misturaquëjja.

Salmos 66:10

Diosay, jumaw yant'arojj puriyapjjesta, kollkerjamaw k'omachsupjjesta,

Salmos 66:12

qhitimpis taquisiyapjjaquistawa; nina cheka, uma chekaw maqhatapjjta, ucampis khepa tokeruw samart'ayapjjesta.

Amós 4:11

“Sodoma marcampiru Gomorra marcampiru tucjcäyätjja uqhamaracwa jumanacarojj tucjapjjaracsmajja, ninat apsut mä sanc'ar uñtataraquiw kheparapjjtajja, ¡ucampis jumanacajj janiw nayarojj cutt'anipctati!” Uqham siw Tatitojja.

Zacarías 3:2

Ucatsti Tatitun angelapajj supayarojj siwa: “¡Tatitu jumarojj juchañchpa! Jerusalenaru muniri Tatitu jumarojj juchañchpa. Aca jakesti mä akquir q'illima nina sanc'at apsutäcaspas uqhamawa” sasa.

Hechos 27:21

Walja urunacaw jan mank'atäpjjäyäta. Ucatwa Pablojj sayt'asisina barconquir jakenacaru säna: —Tatanaca, walïsapänwa nayar ist'apjjetasamäna ucajja, cunapachatejj sapjjäyäsmajja: ‘Janic aca Creta islat mistcañäniti’ sasajja. Iyawsapjjetasamäntejj janiw aqham t'akhescasänti, janiraquiw take yänacassa apt'ascasänti.

Hechos 27:44

Sascaquïnwa: Mayninacasti khepat mistupjjaraquim, tablanacjjata, jan ucajj barco c'ullunacjjatsa” sasa. Uqham lurasinwa takenis sumaqui waña oraker misturjjapjjäna.

1 Pedro 4:18

“Asqui jakenacatejj ch'ama tucuñampi khespiyaschi ucajja, ¿cunjämaraquïni jucharar jaketaquisti?”

2 Juan 1:8

Wal amuyasipjjam jumanacpacha, irnakatanacamajj jan chhakañapataqui, jan ucasti Diosan phokhat pagop catokapjjañamataqui.

Judas 1:23

Mayninacarojj khespiyapjjam ninat waysusa; mayninacatjja qhuyapayasipjjaraquim, ucampis amuyasisa uqhamarac ajjsart'asa, jan wali luräwinacapata k'añuchat isinacapatsa.

Apocalipsis 3:18

Ucatpï nayajj amtt'aysmajja ninar nacsuyata suma kori puro nayat alt'asiñamataqui, uqhamat chekpacha kamirïñamataqui, nayataraqui jank'o isi alasiñamataqui uca p'enka k'alal sarnakatamaru isjjatasiñamataqui, uqhamarac colirio sat kollsa nayramar ch'akt'ayasiñataqui, uqhamata uñjañamataqui.