1 Corintios 3:10 - Qullan Arunaca

Nayajj uca utanjja mä uta luririmpi uñtatätwa, Diosaraquiw nayarojj uca utan kalltapjja uchayitu, ucjjarusti yakhanacaraquiw perkjja perkascaraqui. Ucampis sapa mayniw amuyasiñapa cunjämsa uca uta perkasqui ucjja.

Aymar Bibliia 1986

Nayajj uca utanjja mä uta luririmpi uñtatätwa, Diosaraquiw nayarojj uca utan kalltapjja uchayitu, ucjjarusti yakhanacaraquiw perkjja perkascaraqui. Ucampis sapa mayniw amuyasiñapa cunjämsa uca uta perkasqui ucjja.

Qullan Arunaka DC

Nayaw uta lurir jaqïtxa, nayaruw Diosax munasiñapan uta qalltañatak uchitu, ukatsti yaqhaw ukxarux pirqa sayt'ayaski. Ukampis sapa mayniw kunjämtix uka uta pirqa luraski uk amuyasiñapa,

1 Corintios 3:10 Jak'a apnaqawi uñst'ayäwi

2 Crónicas 2:12

Ucjjarusti sascaquïnwa: “¡Israelan Tatit Diosapajj bendicitäpan, jupaw alajjpachsa acapachsa luri, juparaquiw David reyirojj churaraqui mä wali yatiñan wawa, uqhamarac yatichata, ch'iqhiraqui, jupasti Tatitutaquejj mä templo lurayani, uqhamarac mä palacio jupa pachpataquisa lurayasiraquini!

Éxodo 36:4

Ucat qhitinacatejj uca kollana chekatac cunanacatejj munasqui ucanac lurapcäna ucanacasti lurañanacap apanucuniwayasinjja sarapjjänwa,

Proverbios 12:8

Yatiñan jakejj, yatiñapatjamajja jach'ar aptatäniwa, ucampis jan amuyt'ani ñankha jakejja jisc'achatäniwa.

Proverbios 9:1

Yatiñ cancañajj mä utwa lurasi, ucarusti pakallko pilaranacampiw c'achacht'i;

Eclesiastés 12:9

Yatiyirejj juc'amp yatiñanïsajja, juc'ampiraquiw yatiñjja jakenacar yaticharaqui. Uqhamaraquiw walja säwinaca yatjjatañaru uchasiraqui, ucatsti sapa maya chekaparu uscusa.

Daniel (hebreo) 12:3

Wali amuyt'ani jakenacasti, qhitinacatejj waljaniru cheka thaquinjam irpapcäna ucanacasti, alajjpach khanjamaw c'ajapjjaraquini; ¡warawaranacjamaw wiñayataqui c'ajapjjaraquini!

Zacarías 4:9

‘Zorobabelaw aca templon cimientopjj uchawayejja, jupa quipcaraquiw tucuyaraquinejja. Ucatwa jumanacajj uñt'apjjätajja nayar qhitanquitu ucajj take ch'amani Tatitütapa.

Mateo 24:45

“¿Qhitis suma uywatajja amuyuniraquejja, ucat utanipajj jupar jaytawayaspan take utancquis ucanacar horasapar mank'anacs churañapataqui?

Mateo 7:24

“Qhititejj ist'quitu ucat cuntejj siscta uc luraraquejja, ucajj mä suma amuyun jakempi sasiwa, utapsa mä karka pataru lurascaspa uqhama.

Lucas 11:35

Amuyasim, uca khanamajj jan ch'amacar tucuñapataqui.

Lucas 21:8

Jesusasti sänwa: —Amuyasipjjam, jan sallkjayasipjjamti. Waljaniw sutejjana jutapjjani: ‘Nayätwa Cristojja’ uqhamarac ‘Jichhaw tiempojj’ sasa. Ucampis jan ucanacarojj arcapjjamti.

Hechos 18:27

Ucatsti Apolos chachan Acay tokenacar sarañ munïpanjja, jilatanacajj ch'amacht'apjjewa sarañapataqui. Qhurinquir iyawsirinacataquisti mä cartwa kellkawayapjje jupar sum catokapjjañapataqui. Acayar purisinjja, Apolos chachajj walwa yanapt'äna, Diosan munasiñap laycu iyawsir jilatanacarojja.

Romanos 1:5

Uca quipca Jesucristo tokeraquiw Diosajj jiwasanacar suma luraña churistu, sutipan jiwasanacajj arunacap yatiyir sarañasataqui take acapachanquirinacar jupar arquiri tucuyañataqui.

Romanos 12:3

Diosajj munasiñapampi mä suma ewjja nayar churatap laycuw takeniru sapjjsma: jan maynis jupa quipcatjja lup'pati cuntejj lup'iñäqui ucat juc'ampjja. Ucampis sapa mayniw chekaparu lup'iñapa jupan Diosar iyawsañapa utjatapatjama.

Romanos 15:15

Ucampis aca cartjja kellkanipjjsmawa khanaqui jan jumanacan armapjjañamataqui. Ucsti luraractwa cunjämtejj Diosajj munasiñapanjja sisquitu,

Romanos 15:20

Uqhamwa khespiyasiñan utjatapjja nayajj khanañchañar uchasta, cawquintejj ni mä cuti Criston sutipajj arsutäcänsa uca chekanacana, uqhamat jan yakhan kalltatapjjaru lurañataqui.

1 Corintios 3:11

Janiraquiw jichhajj qhitis yakha cimiento kaljja uchcaspati. Uscutäjjewa, ucasti pachpa Jesucristowa.

1 Corintios 9:2

Mayninacajj: “Janiw jupajj apostolöquiti” sapjjaquitaspawa, ucampis jumanacataquejj mä apostolötwa. Nayasti jumanacarojj Tatituruw uñt'ayapjjsma, ucawa nayataquejj apóstol satäñajjataqui uñacht'äwejja.

2 Corintios 10:15

Janiraquiw mayninacan luratanacapatsa jach'a jach'a tucuñ munapcti nanacan luratanacajjäcaspas uqhama. Antisasa nanacajj suyt'asipctwa jumanacajj juc'ampi iyawsañanacamanjja jiltapjjañama, ucampis cawqhacamatejj waquisqui ucqhacamaquiraqui.

Efesios 2:20

Jumanacajj mä jach'a utjamäpjjtawa, apostolonacjjaru uqhamarac profetanacjjaru perkjjatatäpjjtawa. Pachpa Jesucristoraquiw kallta esquin kalajja.

Colosenses 1:29

Ucataquiraquiw nayajj irnakta ch'am tucusa, cuntï Tatitojj churquitu uca ch'amampi.

Colosenses 4:17

Arquipo jilatarusti aqham sapjjam: “Uñtam, cuna lurañtï Tatitojj churctam ucjja sum phokham” sasa.

1 Tesalonicenses 3:2

ucatsti Timoteo jilataruw qhitanipjjsma jumanacar uñjiri. Jupajj Diosan sirviripawa, Tatitun khespiyasiñ arunacap parlañanjja nanacamp chicaraquiw irnake. Ucatsti jupajj ch'amacht'apjjeristamwa, nayraruw irptapjjeristam iyawsäwinjja,

1 Timoteo 4:16

Jumapachpat imasim uqhamarac yatichäwimatsa, take cunansa ch'amani tucum. Uqhamtejj lurätajja jumapachpaw khespiyasïta, uqhamarac qhitinacatejj jumar ist'apctam ucanacarus khespiyaraquïtawa.

2 Timoteo 2:15

Cunäquipansa, mä suma irnakerjama Diosan nayrakataparu uñstam, jan cunatsa p'enkasiñani, chekaparu Tatitun arunacap parlasinaraqui.

Santiago 3:1

Jilatanacajja, jumanaca taypinjja janiw waljani yatichirinaca tucuñapäquiti, yatipjjtawa qhitinacatejj yatichapjjtan ucanacajj jan qhuyapt'ayasiñampi taripatäñäniwa.

1 Pedro 4:11

Maynitejj parlchejja, Diosan arunacaparjam parlpan. Maynitejj qhitirus mä asqui lurchejja, Diosan ch'amapampi ucjja lurpan. Take cuntejj lurapjjta ucajja Diosar yupaychañataquïpan Jesucristo toke, juparuraqui munañanïñasa, jach'a cancañasa churatäpan wiñayan wiñayapataqui. Uqhamäpan.

2 Pedro 3:15

Amuyasipjjaraquim, Jesucristo Tatitusti suma chuymapampi suyt'asqui ucajj jiwasan khespiyasiñasataquïtapa. Uqhamaracwa Pablo jilatasas jumanacarojj kellkt'anipjjtamjja Diosan amuyt'ayataparjama.

Apocalipsis 21:14

Uca marcan perkanacapasti tunca payani jach'a kalanacat cimientonïnwa, Corderon tunca payani apostolonacapan sutinacapampi kellkata.

Apocalipsis 21:19

Uca tunca payani cimiento jach'a kalanacasti cunayman casta yakha kalanacampi c'achachatänwa. Nayrïrejja jaspempi, payïristi zafirompi, quimsïristi agatampi, pusïristi esmeraldampi.