Usutanacarojj c'umaraptayapjjam, lepra usuninacarusti k'omachapjjam, jiwatanacarusti jactayapjjaraquim, ñankha ajayunacarusti alissupjjaraquim. Take acanacsti inaquiw lurapjjäta, ucanac lurañataqui ch'am inaqui catokapjjatam laycu.
1 Corintios 12:9 - Qullan Arunaca Yakhepanacajj iyawsañwa Ajayu toke catokapjje, yakhepanacasti ch'am catokapjjaraqui usutanacar waliptayañataqui. Aymar Bibliia 1986 Yakhepanacajj iyawsañwa Ajayu toke catokapjje, yakhepanacasti ch'am catokapjjaraqui usutanacar waliptayañataqui. Qullan Arunaka DC Yaqhipanakax pachpa Ajay tuqiw iyawsañ katuqapxi, yaqhipanakasti usutanakar qullañatakiw ch'am katuqapxi. |
Usutanacarojj c'umaraptayapjjam, lepra usuninacarusti k'omachapjjam, jiwatanacarusti jactayapjjaraquim, ñankha ajayunacarusti alissupjjaraquim. Take acanacsti inaquiw lurapjjäta, ucanac lurañataqui ch'am inaqui catokapjjatam laycu.
Jesusasti jupanacarojj sänwa: —Khanacwa sapjjsma, jumanacantejj iyawsañanacamajj utjapjjeristam, janirac pächasiñas utjapjjeristam ucajja, janiw nayajj lurcta ucac lurapcasmati, jan ucasti qhä kollur: ‘Sartam, ucatsti kotar mantam’ sapjjasma ucajja, lurasispawa.
amparanacaparusti catarinac wayjjarupjjani, venenonac umantasasa janiraquiw camachatäpcanisa. Usutanacarusti c'umaraptayapjjaraquiniwa, amparanacapamp lokjjatasa —sasa.
Uqhamaraquiw walja ajayunac jakenacatjj alissupjjäna, aceitempi jawt'asaraquiw walja usutanacarojj c'umaraptayapjjäna.
Ucan usutanacarusti c'umaraptayapjjam, ucatsti sapjjam: ‘Diosan reinopaw jumanacar jac'achasini’ sasa.
Jupanacarojj Diosan reinopat parlapjjañapataquiw qhitäna, uqhamarac usutanac waliptayapjjañapataqui.
Yatipjjaractawa cunjämtejj Diosajj Nazaretanquir Jesusar Kollan Ajaysa, uqhamarac ch'amsa churcäna ucjja. Uqhamaraquiw yatipjjtajja cunjämtï jupajj sarnakcäna, asquinac lurasa, usutanacar c'umarachasa, uqhamarac supayan munañapan t'akhesiyatäcän ucanac c'umarachasaraqui. Tatit Jesusajj Diosampïtap laycuw take ucanacjja luräna.
Callenacaruw usutanac iquiñanacaru apsupjjäna. “Pedrojj pascasin inach ch'iwipaquis yakhepanacarojj puriwayaspa” sasa.
Uqhamaraquipï Diosajj iglesiapanjja sapa maynirus lurañapa churejja: Nayrakatajja apostolonaca, ucjjarusti Diosat catokasina arunacap parlirinaca, ucjjarusti yatichirinaca, ucjjarusti milagro luririnaca, usutanacar c'umaraptayirinaca, yanapirinaca, irpirinaca, jan uñt'ata arunaca parlirinaca.
¿Takenicha ch'amanejja usutanacar c'umaraptayañataquejja? ¿Takeniraquicha jan uñt'at arunaca parlejja? ¿Takenicha uca jan uñt'ata arunacat parlatanacjja khanañchañ yatejja? Janiw takenïquiti.
Diosat catokat arunactejj parliristjja, uqhamarac Diosan amtatanacapsa k'al yatirista, take cuns yatiraquirista, iyawsañajjas jach'araquïspa kollunac onjjtayañcamajja, ucat janiraqui munasiñanïquiristjja, janiw nayajj cunäctsa.
Diosan Arupan kellkatasti saraquiwa: “Iyawstwa, ucatwa parlaractjja” sasa. Uqhamaraquiw nanacajj iyawsasina parlapjjaractjja.
Diosan munasiñapatwa jumanacajj khespiyatäpjjtajja iyawsañ laycu. Acasti janiw jumanacan luräwinacamäquiti, jan ucasti Diosaw jumanacar churapjjtam.
Iyawsäwi laycuw yakha marcanacarus jupanacajj atipapjjäna, suma apnakapjjaraquïna, uqhamarac Diosajj arscatayna uca yanapt'apsa catokapjjaraquïnwa. Leonanacan lacanacapsa jist'antapjjaraquïnwa,