Números 1:3 - Aymar Bibliia 1986

pä tunca maranit amstaru, cawquïrinacatï guerrar sarirjamäpjje ucanaca, kellkantapjjam cunjämatejj ejercitot ordenajj mistunqui uqhamarjama, Aarón chachan yanapt'apampi,

Qullan Arunaca

pä tunca maranit amstaru, cawquïrinacatï guerrar sarirjamäpjje ucanaca, kellkantapjjam cunjämatejj ejercitot ordenajj mistunqui uqhamarjama, Aarón chachan yanapt'apampi,

Qullan Arunaka DC

pä tunka maranit amstaru, nuwasïwir sarirjamäpki ukanaka. Tamankiritjam qillqantapxäta, Aarón chachan yanapt'apampi,

Números 1:3 Jak'a apnaqawi uñst'ayäwi

2 Samuel 24:9

Joab chachasti reyiruw catuyjjaraquïna kawkhatejj censon aptatäcäna take ucanaca, ucatsti yatisiraquïnwa, Israel marcanjja quimsakallko patac waranka jakenaca utjatapa, jupanacasti guerraru sarirjamäpjjaraquïnwa, Judá orakensti pheska pataca waranka jakenacaw utjaraquïna.

1 Crónicas 5:18

Rubén, Gad ucanacan wawanacapasti, uqhamarac Manasés ucat chicat tribunquir wawanacapasa jan ajjsariri soldadonacänwa, jupanacasti escudonacani, espadanacani, uqhamarac flecht'añ arconacani, suma yatichsutäpjjaraquïnwa nuwasiñataqui. Jupanacasti pusi tunca pusini waranka pakallk pataca sojjta tuncanïpjjänwa, guerrataqui suma waquicht'ata chachanacäpjjaraquïnwa.

2 Crónicas 25:5

Amasías reyisti Judá, Benjamín orakenacanquir take chachanacaruwa tantachäna, ucatsti familiatcamwa waquicht'äna soldadonacan jilïrinacapamp irpata. Ucatjja jakenacwa jaqhuyäna pä tunca maranita amstaru, utjänwa quimsa pataca waranka chhijllata soldadonaca, guerrataqui waquichata, jupanacasti janc'aquïpjjänwa lanzanaca, escudonaca apnacañataqui.

Éxodo 12:17

Jumanacasti jan levaduran t'ant'a mank'añ fiestjja amtasipjjapunïtawa, uca uruwa nayajj jumanacarojj Egipto marcat irpsunipjjsma. Uca laycuwa jumanacasa, wawanacaman wawanacapasa aca camachi amtapjjañama.

Éxodo 30:14

Qhitinacatejj pä tunca maranit amstaru jact'atäpcani ucanacajja takeniw Tatiturojj cunatejj jacañapat churañäqui uca churapjjañapajja.

Éxodo 38:26

Pä tunca maranit amstaru take jaqhuta jakenacasti sojjta pataca quimsan waranca pheska pataca pheska tuncanïnwa, take jupanacasti sapa mayniw churapjjäna pheska chicatan gramo kollke, take uca carpa lurañatac tupojj churatäqui uqhamarjama.

Números 14:29

Take cawquïri jakenacatejj pä tunca maranit amstaru censon kellkantatäpqui, naya toke jan walinac parlapqui, ucanacajj jiwapjjaniwa; jiwat janchinacapajj aca wasarar jakonucutaraquïniwa.

Números 26:2

“Mä censo aptapjjam sapakat familiata take cawquïri israelitanacatejj pä tunca maranit amstaru phokhapqui, guerrarus sarirjamäpcaqui take ucanacaru.”

Números 3:15

“Levitanacar jacthapim jisc'a familiatjama jach'a familiatjama, ucatsti kellkantam take yokall wawanacaru, mä phajjsinit amstaru.”

Números 32:11

cawquïri jakenacatejj Egiptot mistunipqui pä tunca maranit amstaru, ucanacajj janiw uñjapcaniti, cawquïri oraktejj arupampi arsusin Abraham, Isaac, uqhamarac Jacob ucanacaru sisqui ucanacjja, jan jupanacan take iyawsañampi arcapjjatap laycu.

Números 33:1

Aca chekanacanwa israelitanacajj saräwipan sayt'apjjäna, cunapachatejj Egiptot mistunipcäna ejercitopampi formt'ata ucqhajja, Moisesampi, Aaronampi irpata.

Números 4:3

quimsa tunca maranita, pheska tunca marancama, ucatsti Tatitumpi Jiquisiñ Carpan lurañanacataquis waliraquïpjjpan.

Deuteronomio 24:5

“Mä jaketejj jichhaqui casaraschi, ucajj janiw guerrarojj sarañapäquiti ni cuna yakha luräwinacsa uca marpacha lurañapäquiti; uqhamatwa take uca urunacanjja utapan jacascañapa warmipan cusisiñapataqui.

Deuteronomio 3:18

“Uca urunjja nayajj yakha ewjja churapjjaraquïyäsmajja: ‘Jumanacan Diosamaw aca orake amparanacamar catuyapjjtam. Ucatsti cawquïri jakenacatï nuwasiñ yatipcta ucanacajj armanacam apjjarusisin israelit jilanacaman nayrap sarapjjam.