Tihlabelelo 2 - Siswati 1996 Bible Siswati 1996 Bible
Tihlabelelo 2

¹ Kwentiwa yini kutsi tive tisuse lutfutfuva? Bantfu-ke bona balivungamelelani lite?

² Emakhosi emhlaba asukume phansi ahloma, nebabusi bahlangene bemelana naSimakadze, bemelana neMgcotjwa wakhe batsi:

³ “Asidzabule letibopho tabo labasibophe ngato, sitilahle phansi letintsambo lesiboshwe ngato.”

⁴ Losesihlalweni sebukhosi ezulwini ubahleka bulima; yebo, Simakadze ubenta inhlekisa.

⁵ Wase ukhuluma kubo ngentfukutselo yakhe, ubakhahla ngelulaka lwakhe, utsi:

⁶ “Ngimi loyibekile inkhosi eSiyoni, inkhosi lengiyikhetsile ngiyibeke eSiyoni, intsaba yami lengcwele.”

⁷ Angimemetele umyalo lowashiwo nguSimakadze kimi, nakatsi: “Wena uyindvodzana yami, lamuhla ngikutele.

⁸ Cela kimi, mine ngiyawukunika tive tibe lifa lakho, nemhlaba wonkhe ube yingcebo yakho;

⁹ ubaphahlate ngentfonga yensimbi, ubaphihlite njengeludziwo lwembumbi.”

¹⁰ Ngako-ke nine makhosi, hlakaniphani; nifundze sifundvo, nine babusi bemhlaba.

¹¹ Khontani Simakadze ngekwesaba, nijabule ngekutfutfumela.

¹² Khotsamani etinyaweni tendvodzana, ingadzimate initfukutselele, nifele endleleni, ngobe lulaka lwayo luvutsa masinyane. Babusisiwe bonkhe lababalekela kuyo.