Genesisi 5 - Siswati 1996 Bible Siswati 1996 Bible
Genesisi 5

¹ Lona ngumlandvo wentalelwane ya-Adamu. Nkulunkulu nakadala umuntfu, wamenta waba ngumfanekiso waNkulunkulu.

² Wabadala lomdvuna nalomsikati, wababusisa, wabanika libito mhlazana abadala watsi bantfu.

³ Kwatsi Adamu asaneminyaka leli-130, watala indvodzana leyamfuta, yafanana naye; wayetsa libito watsi nguSethi.

⁴ Emalanga a-Adamu emvakwekutalwa kwaSethi aba ngiminyaka lengema-800, asatele emadvodzana nemadvodzakati.

⁵ Adamu wafa asaneminyaka lengema-930.

⁶ Kwatsi Sethi nasaneminyaka leli-105, watala Enoshi.

⁷ Emvakwekutalwa kwa-Enoshi Sethi waphila iminyaka lengema-807, asatele emadvodzana nemadvodzakati.

⁸ Sethi wafa asaneminyaka lengema-912.

⁹ Kwatsi Enoshi nasaneminyaka lengema-90, watala Khenani.

¹⁰ Emvakwekutalwa kwaKhenani Enoshi waphila iminyaka lengema-815, asatele emadvodzana nemadvodzakati.

¹¹ Enoshi wafa asaneminyaka lengema-905.

¹² Kwatsi Khenani nasaneminyaka lengema-70, watala indvodzana lekwakunguMahalaleli.

¹³ Emvakwekutalwa kwaMahalaleli, Khenani waphila iminyaka lengema-840, asatele emadvodzana nemadvodzakati.

¹⁴ Khenani wafa asaneminyaka lengema-910.

¹⁵ Kwatsi Mahalaleli nasaneminyaka lengema-65, watala Jaredi.

¹⁶ Emvakwekutalwa kwaJaredi, Mahalaleli waphila iminyaka lengema-830, asatele emadvodzana nemadvodzakati.

¹⁷ Mahalaleli wafa asaneminyaka lengema-895.

¹⁸ Kwatsi Jaredi nasaneminyaka leli-162, watala Enoki.

¹⁹ Emvakwekutalwa kwa-Enoki, Jaredi waphila iminyaka lengema-800, asatele emadvodzana nemadvodzakati.

²⁰ Jaredi wafa asaneminyaka lengema-962.

²¹ Kwatsi Enoki nasaneminyaka lengema-65, watala Methusela.

²² Emvakwaloko Enoki wahamba anebudlelwane naNkulunkulu iminyaka lengema-300, watala emadvodzana nemadvodzakati.

²³ Enoki waphila iminyaka lengema-365.

²⁴ Enoki abehamba naNkulunkulu, wase uyanyamalala ngobe Nkulunkulu abesamtsatsile.

²⁵ Kwatsi Methusela nasaneminyaka leli-187, watala Lameki.

²⁶ Emvakwekutalwa kwaLameki, Methusela waphila iminyaka lengema-782, asatele emadvodzana nemadvodzakati.

²⁷ Methusela wafa asaneminyaka lengema-969.

²⁸ Lameki nasaneminyaka leli-182, watala indvodzana.

²⁹ Lendvodzana wayetsa libito, watsi nguNowa, atsi: “Lona-ke nguye lotasidvudvuta emsebentini wetfu nasekukhatsatekeni kwetfu kuwo lomhlabatsi lowacalekiswa nguSimakadze.”

³⁰ Emvakwekutalwa kwaNowa, Lameki waphila iminyaka lengema-595, asatele emadvodzana nemadvodzakati.

³¹ Lameki wafa asaneminyaka lengema-777.

³² Nowa wakhula waba neminyaka lengema-500 budzala, watala emadvodzana lamatsatfu: BoShemi, naHhamu, naJafethi.