Genesisi 10 - Siswati 1996 Bible Siswati 1996 Bible
Genesisi 10

¹ Nati-ke titukulwane temadvodzana aNowa, boShemi, naHhamu, naJafethi, batalelwa emadvodzana emvakwazamcolo.

² Emadvodzana aJafethi bekuboGomeri, naMagogi, naMadayi, naJavani, naThubali, naMesheki, naThirasi.

³ Emadvodzana aGomeri bekubo-Ashkenazi, naRifathi, naThogama.

⁴ Emadvodzana aJavani bekubo-Elisha, naThashishi, nemaKhithi, nemaRodani.

⁵ Bavela kulabo-ke labantfu labahamba bayawuhlala emaveni langaselwandle. Babehlala ngemindeni yabo etiveni tabo, bakhuluma tilimi tabo emaveni abo.

⁶ Emadvodzana aHhamu bekuboKushe, naGibhithe, naPhuthi, naKhenani.

⁷ Emadvodzana aKushe bekuboSeba, naHavila, naSabta, naRama, naSabtekha. Emadvodzana aRama bekuboSheba naDedani.

⁸ Kushe waba nguyise waNimrodi. LoNimrodi waba wekucala emhlabeni kutsi abe sichwaga lesinemandla lamakhulu.

⁹ Abengumtingeli lonemandla kakhulu embikwaSimakadze, ngako-ke kutsiwa: “NjengaNimrodi umtingeli labenemandla embikwaSimakadze.”

¹⁰ Umbuso wakhe wacala ngeBhabheli, nase-Ereki, nase-Akhadi, konkhe kwakuseveni laseShinari.

¹¹ Kusuka lapho umbuso wakhe waze wefika e-Asiriya. Nimrodi wakha iNineve, neRehobothi Iri, neKhala,

¹² neReseni, emkhatsini weNineve neKhala; lelo bekulidolobha lelikhulu.

¹³ Gibhithe watala emaLudi, nema-Anami, nemaLehabi, nemaNafethuhi,

¹⁴ nemaPhathrusi, nemaKhasuluhi, lapho kwadzabuka khona emaFilisti nemaKhaftori.

¹⁵ Khenani watubula ngaSidoni, welamisa ngaHethi,

¹⁶ waba nguyise wemaJebhusi, nema-Amori, nemaGirigashi,

¹⁷ nemaHivi, nema-Akhi, nemaSini,

¹⁸ nema-Avadi, nemaSemari, nemaHamathi. Emvakwaloko imindeni yemaKhenani yahlakateka yandza,

¹⁹ kangangekutsi umnyele welive lemaKhenani wawusuka eSidoni ushaye eGerari, naseGaza, naseSodoma, naseGomora, nase-Adma, naseSeboyimu uze ufike eLasha.

²⁰ Ngito leto-ke titukulwane taHhamu, ngemindeni yato, netilimi tato, emaveni ato, nasetiveni tato.

²¹ NaShemi futsi, uyise wabo bonkhe bantfwana ba-Ebheri, umnakaboJafethi lomkhulu, watala bantfwana.

²² Emadvodzana aShemi bekubo-Elamu, na-Ashuri, na-Aphakshadi, naLudi, na-Aramu.

²³ Emadvodzana a-Aramu bekubo-Use, naHuli, naGetheri, naMashe.

²⁴ Aphakshadi watala Shela; Shela watala Ebheri.

²⁵ Ebheri watala emadvodzana lamabili. Lomunye kwakunguPhelegi, ngobe ngesikhatsi sakhe live ladzatjulwa. Umnakabo kwakunguJokthane.

²⁶ Jokthane kwakunguyise wabo-Almodadi, naShelefi, naHasamavete, naJera,

²⁷ naHadoramu, na-Uzali, naDikila,

²⁸ na-Obali, na-Abimayeli, naSheba,

²⁹ na-Ofiri, naHavila, naJobabi. Bonkhe laba kwakungemadvodzana aJokthane.

³⁰ Live babehlala kulo lalisuka eMesha ngaseSefari, lize lifike eveni letintsaba ngasemphumalanga.

³¹ Ngiwo lawo-ke emadvodzana aShemi, ngemindeni yawo, nangetilimi tawo, emaveni awo, nasetiveni tawo.

³² Ngiyo-ke le imindeni yemadvodzana aNowa ngetitukulwane tawo nangetive tawo. Tive tesukela kuwo, emvakwazamcolo, tandza nemhlaba wonkhe.