WEAWEA 8:14 - ASII LAKDAP Bible (BSI) Lewi phan ka Israilnok phong wa akha pong na tsea thülaq. Krai mren tsangshiq ka Ngi riishe miraq. Hawa Naga Bible 2001 Ekvkhoc maq tsuinghez kuex ngaz rueq guimz yaq miq muex yaungc tvkoc Israel miqsaz wawc thvl tvdung wvnc shuiuz. |
“Tsangshiq ka isengi miraq,” nguta Tati Ningkun Ajong Pinthumwe raq ngutlo. “Ngi raq ümra ranaiq wa kha pho wan tiikang, tsangshiq ka ise inoshaq miishe mija wan. Ngi raq tsangshiq ka, awe bomtaiti ase jamkho awe raq mangchan tlaq, ikhiishe mimangchan ha.
Ngi raq ümta ümwii Lewi phan ka Israilnok phong wa ümniima kongphiq akuq ikha tsangshiq ka tsea wan lata ümniima kuqkang. Tsangshiq ka Ngi ma akiinongke wan wishe. Krai mren, tsangshiq raq Tombutiip na jaqsham chang sitlaq kra sham miitu tseatsiiq wan kang.
“Lewi phan ka ümchaü Ngi rii she. Ümtiikiiwa Ngi raq Ejip mung wa maiq chhikhu setiim kra jiipbaiq kang, Ngi raq Israilnok phan wa maiq takitek wa chhikhusetiim ka ise chhikhu she nguta iramkham maq tiibok wan kang. Kiimaq tsangshiq nyamse chhikhu ümchuwa nyungtlaq kriimin Ngi rii she nguta ramkham maq tiibok wan kang. Riita ümchaü ka Ngi raq Israilnok sere chhikhu setiim ka Ngi rii she nguta lang wan la na, Ngi raq Lewi phan kriishe ise chhikhuse ma tsea wan kang. Tsangshiq ka Ngi riishe. Ngi ka Tatiwe.”
“Ümchaü Israilnok maiqwe chhi khusetiim kra rii na, Lewi phan ka Ngi riishe nguta Ngi ma kiinong kuqlaq. Kiimahali Israilnok nyamse chhikhu nyungtlaq kra rii na, Lewi phan raq rümtlaq nyamse ka wiita Ngi riishe nguta Ngi ma kiinong kuqlaq.
Lewi phan raq jaqsham chang akhek ka Aron nai asetiim kra shiikum panke ratlo kriili akhek.
Israilnok ma arthun thungtri ara chong kuqlaq nguta. Maiq weshi ra lo jechak nyung shi ra lo, ka Najiraiq phan ma jawan rotiikang nguta sin khamtlaq raüta akhum ka Tatiwe miishe kiinong kuq raüla,
“Lewi phan ka Ngi miitu akhek atiitsang kongphiq ma kiinong kuq laq. Kiimaq Aron nai asetiim ka tsangshiq khuthaq na asheati ma shong laq.
Ümtiikiiwa Ngi raq Ejip mungti chhikhu setiim maiqwe sere tsat baiq wankang akhing na, Ngi raq Israilnok takitek wa maiqwe sere chhikhuse thun kiimaq jam nyamse chhikhu setiim thun ka Ngi riishe nguta iram kham maq tiibok wan kang.
Ngi Paul, Khristo Jesuq dise, kiimaq kiimwe ma tingsang athiiq raüta atsea wan, kiimaq Shiikeawe raq apaiq Tsütsa Ahea trahoke miitu ashong wan we raq waiq tiikang.
Shatmaq, Shiikeawe raq ngi ka apaiq kaphap mangchan wokhong maq, i nyung wokmong maq rawü min michhi ha shaq niiphü li, apaiq jaqsham wan miitu, pong na thiiq raüta, tsea wanto. Krai mren, apaiq raq ngi ma ümtiikaq ranaiq wa,
Pumji maq Tatiwe raq Lewi phan maiqwere ma Tongshong Tek kra shiili jaqsham arang kuqto. Kiimaq apaiq ramwebi jaqsham miitu kiimaq apaiq mang na ram ramke wan miitu shongto. Riita ümchaü min arthun jaqsham arka tsangshiq arang na sitlo.
Riita, arningkhan, Jesuq ka nashiq miitu, Ramwe Ajong Pinthum we miishe thüto. Kiimaq, nashiq ma jamlai phan wa raa tlaq kra, apaiq raq wiita liikuq tlo. Apaiq ka Shiikeawe tiichochiti we. Apaiq khum na ashut aphit nguta jam min ahü, siirairai. Kiimaq, akhum na jamlai ngarai min ahü. Shiikeawe raq apaiq ka ngarai maiqse phong mong wa, pong na raithü wanto. Raüta ratsan ramong nyang na, tsaühea niishe tiinga wanto.