WEAWEA 4:15 - ASII LAKDAP Bible (BSI) Ümtiikiiwa piitiip ka arun wan cho akhing she saüjiiq, Aron nai asetiim raq asii hupsam thun nai krai lang chang hupsam thun kra wiita apang chang maq pangbaiq lottoshe angu niitiq, Kohath weraü phan ka waraüta arthun asii ta awii thun kra mipi wan. Kohath weraü phan raq ara chongtiikai asii hupsam thun ka tsangshiq jaq maq shamwa maimak. Riimakla tsangshiq ka atsai miraq. Kohath weraü phan raq Tombutiip kra tiisot wantlaq akhing na jaqsham chang ka arthun ara. Hawa Naga Bible 2001 Jerak httak gay vkhing httuiuc ruiux yuq, Arun nac sahez rueq vshuimc vlvmc juing hup svmx lotlaz kuex puingc tvy lot yix jix Kohat taungx hez kuex kaz vtueq hup svmx htenc kvruex gurc pic juing. Kohat taungx hez rueq hup vsvmx htenc kuex yauk maq heq kay mvy muq, heq ruiux kuex vthueyc rvtuex. Tap kvruex tvhttot shuex ruip rawx Kohat taungx hez rueq kvkhoc yauk shuimc htenc kuex shuimc rax. |
Ramwe Jadok min kiijaq riito. Kiimaq apaiq rai Lewinok kriimin, asii Tongshong Tek kra piraü wato. Tsangshiq raq Tongshong Tek ka kiijaq tiibumto. Raüta maiqkong wiitarü raq chela ka mibaiqthü shaq wiiwii kriiba miili kheto. Kiimaq ramwe Abiathar kiimin kiijaq riito.
Tongshong Tek piti maiq thun ka kongkhu na kiimtrok wiiq jai she, Dawit raq tsangshiq ka atiichap riito. Raüta apaiq raq Tatiwe ma minsaü pongwe ashi kiima minsaü saüpongse arese phintsaqtsaq hea kra honglu na takuqto.
Riita mung welabi thun ka kunli she thungto angu na, ramwebi raq kra Tongshong Tek kaü kra doto.
Krai mren Tatiwe raq Mosheq ma aming kuqtaq kra phan phan Lewi phan raq Tongshong Tek ka kinrii na tiida raüta tsang phaq lam na piwanto.
Kra raütiishe apaiq raq akha nguto, “Lewi phan riili Tongshong Tek ka pichang. Jamkhano ngukla Tatiwe raq tsangshiq ka kra pishan miitu tseato, kiimaq pattup pat-sa apaiq shiililiike miitu shongto.”
Kra ningkhan ümchaü sanha Lewi phan raq Tatiwe asi Tombutiip nai noqku na langchang hupsam thun kra pirea ngomin rarai mak she.”
Pumji tro na hiq ka arai laüta thübaiqlaq. Kra hiqrai ka mungmaiqse raq jin wa maimak. Kiimaq tsangshiq ka pum kiina düwa maimak nguta chonglaq. Kiimaq kra pumji tho kiijiimin aje niika khumwa maimak. Maiq ashi ra raq kiijaq ji maq niwa raüla, kriiwe ka tiitsailaq atsea baiq ratlo.
Kiimaq Tatiwe raq apaiq ma nguto, “Kilaq satkikiq. Laüta mungmaiqse ma honlam bom chong kuq kikiq. Tsangshiq raq hiqrai ka jin mai mak kiimaq tsangshiq ka isham liiwa min maimak. Tsangshiq kra manhii raüla, tsangshiq phong wa maiq pahea mitsai.
Laüta kra pepum wiinai ka berong-wacha siimhap ri na awa komblai mong kriijaq relaq. Raüta piwan lili riichang.
Raüta apaiq raq kiijaq Tatiwe man na homseng honglu kra wa na michaq. Kiimaq kra homseng honglu wakhuk kriiraq Tongshong Tek pang chang kra wiita mipang baiq wan. Krai mren apaiq raq kra chhimak miraq kiimaq apaiq ka tsai mak miraq.
Kra rii na Lewi phan maiq thun miika, Ngi asi Tombutiip nai kra mong na sitlaq hupsam thun kra shiililii jaqsham arang kra kuqlaq. Tsangshiq raq tiip nai kiijaq sitlaq hupsam thun kra mihopi wan. Raüta kra tiip mong wa jaqsham thun kra misham laq. Raüta tsangshiq tiip thun ka tombutiip tro na mitei wan laq.
Ümtiikiiwa namshiq ka lamjap piitiip kiiwa laüwan nong tlan, Lewi phan raq Tombutiip kra arun miraq. Raüta piitiip anye kiijaq hali tiip ka mihai wan nong. Juwa kra Tombutiip tho na wajiiq, kriiti ka tiitsailaq atsea baiq chang.
Kiijiishetiq Lewi phan wa Kohath weraü phan ka asii hupsam thun athop kra pi raüta wawan lili riitlo. Tsangshiq ka lamjap chang piitiip kiiniishe saü wan raüla, Tombutiip ka achanlot wishe lowan lili riitlo.
Tsangshiq raq ümnaq choke wan jaqsham sitlaq kra nai Tombutiip miitu tsangshiq raq jaqsham chang sitlaq kriika sham raa dongdii. Shatmaq tsangshiq ka Asii Khok na sitlaq asii hupsam thun ka tsangshiq jaq maq sham maimak. Riimakla berong-wacha ka jaq ma shamwa maimak. Tsangshiq raq krii thun ka jaq miila sham raüla, tsangshiq nai ümniika khoshi na tsea baiq chang miraq.
Kiimaq Mosheq nai Aron nai asetiim riika Tombutiip khaki nü na shedong nü siim na tsangshiq piitiip ka tei wan chang riito. Tsangshiq ma jaqsham ka Asii Khok na Israilnok miitu jaqsham chang ümchuwa sitlaq kra liiwan chang riito. Maiq ahinti jurwa ara tsangshiq jaqsham kra sham lai nguta danjiiq, kriiti ka tiitsailaq atsea baiq chang riito.
Raüta tsangshiq raq arthaq na berong-wacha na lang chang hupsam thun: watso chang pinthun kra, khaiq thun kra, watso baiq chang belcha thun kra, kiimaq lairap hechang pin thun kra, wiita kriithaq na mithü. Kra raütiishe tsangshiq raq nintata ngamkhü diim miishe mipang. Kra raütiishe api chang pepum wiinai kriishe akom mong na mirei.
arthun asii pinthum hupsam phong tho na naq tiiwa rongkiq. Waraüla tsangshiq ka atsea mirbaiq. Akha tsangshiq ka tsai mak chang miitu, Aron nai asetiim ka ki raüta tsangshiq maiq loweatek ma apaiq raq jamlai phan hupsam piwan chang wa kra khaq khaq pumtek ma jaqsham kra chongke wan ratlo.
Shatmaq Kohath weraü phan wa maiq ka Tombutiip mong na nyap wa raüta, ramwebi raq kra asii hupsam thun kra api wan miitu thop jop tlaq kriila liiwa raüla, tsangshiq ka atsai miraq.”
Shatmaq Mosheq raq Kohathaiq phan miika hit-leng thun wa kiimaq minsaü pongwetiim kiiwa ashi min kuq mak dea, Jamkhano ngukla tsangshiq raq asii hupsam thun shiikum pantlaq thun kriika tsangshiq raq phaq na siisaq pi chang.
Krai mren, Mosheq raq Shiikeawe thungtri ka waiq thüto. Raüta Tatiwe Tongshong Tek liiti Lewi phan ramwebi nai Israilnok welabi jaq na kuqto.
Tatiwe raq Joshua ma kra jaqsham miitu aming kuqtaq kra phanphan, Israilnok raq jaqsham ka mingut wan shaq wiiwii, ramwebi ka kra Jordan raikok phii mong ba kiijaq chapshatli chapto. Arka Mosheq riimin akha klo wan chang nguta aming kethüje dongdii riito. Mungmaiqse riimin jürai ka jaqlo witwit jin wanto.
Tatiwe raq Beth Shemesh chelati maiqwere roqmiishi tsatbaiqto. Jamkhano ngukla tsangshiq raq Tongshong Tek mong kiijaq bum raüta liito. Nokmaiqse ka maaho manyi hoqsii trangto. Jamkhano ngukla, Tatiwe raq tsangshiq hiqti maiq pahea tsatbaiqto.