WEAWEA 19:21 - ASII LAKDAP Bible (BSI) Namshiq raq ara thungtri ka pattup pat-sa lang wan ratlo. Jurwa arewe khum na phumram kham maq bat kuqtlaq, kriiwe riimin, apaiq düwa akhu akhea thun kra kham maq heraatlo. Kiimaq jurwa kra kham ka ajaq maq shamtlaq, kriiwe kiimin raji na saüli apaiq khum ka ashe apii misi. Hawa Naga Bible 2001 Nuimshiq rueq tvrac vruex yix pat vjat nuex httuiuc laz phvnc rax. Kvsawc nawc lvmz nuex seng yaq yuix kuex buit kuy jix waz rueq muinz miqmac khoz vkhvy htenc kuex huy rax; yuix kvruex shuimc gay jix waz kuex raungyac kox nuex httuiuc laz sawc muq shauk dvyx httax tuex. |
Aron nai asetiim raq Ngi asi Tombutiip khok na tapmong khokti Tongshong Tek tochang kra tuk chang kheathum chantlaq kra maq kin phai na lem ka tochang. Raüta kiijaq iman na lem ka raji wan tlaq kiijaq tiinyai raüta ranap na tiisaüli tiinyai chaqlili riichang. Ara aming kuq tiikang arka Israilnok raq kiimaq tsangsaü tsangsetiim raq pattup pat-sa lang wan ruq lang chang.
Kiimaq maiq ashi ra raq kra ngam maa kiiwa phanshi ra chum raüta phaqsiq raüla, apaiq raq adü wa khu akhea ka kham maq ahechang. Shatmaq apaiq khum ka raji na saüli ashe miraq. Kiimaq jurwa ngam maa pitlaq kriiti raq adü wa khea ka kham maq heraatlo. Shatmaq apaiq khum ka raji na saüli ashe miraq.
Ümchaü armiiphat sanha Tombutiip liikoti ka Lewinok lam lam li she miraq. Kiimaq Tombutiip miitu sham akai kunli ka tsangshiq riili she arang miho. Ara thungtri arka pattup miitu she. Ümsaü ümsetiim riimin arthun tri ara lang raüta jaqsham chang. Israil mung na Lewinok miitu tachong hupsam ka ahü miraq.
Maiq ümriiti riiwa kra wabun kra riichomtaq kriiwe raq apaiq dü wa khea samtlaq thun kra kham maq hechang. Kiimaq apaiq ka raji na saüli akhum ka apii ashe miraq. Ara thungtri arka pattup pat-sa miitu. Israilnok miitu kiimaq pong mungti wanshawe Israilnok rai siti miitu min.
Kra lotjai, apaiq raq adü wa akhu akhea thun kra kham na hechang. Raüta kham ka akhum na nyuk chang. Kra lot jai she apaiq ka piitiip mong na minyap wa nong. Shatmaq apaiq khum ka apii ashe raji na saüli miraq.
Kiimaq minsaü kaü ka wa na chaqtiwe riimin apaiq khum wa khu akhea thun kriika kham maq hechang. Raüta adü na kham maq tiinyuk chang. Shatmaq apaiq kiimin raji na saüli, akhum ka ashe miraq.
Ara jamkhano chongtiikai ngukla, minsaü pongwetiim tiijai nai chhechhi kong tiijai riika, ümkha riita jiimin maiqse ngarai ka tiisii he lot mak.
Ara jamkhano shiithu baiqta ngukla, Mosheq raq akuq thü thungtri riika, maiqse rilung ka minhap ma tiija lot mak. Kiimaq ümchaü sanha, nashiq ma aran phan chang lam ka, samhea linlin she tankuqto. Ara lam tankuqtaq armaq, wawan laita nashiq ka Shiikeawe wokhong na misaü lot rong i.
Arthun honglu kuq tlaq arka, aphaq asea chang phan, raipo wonglo, anyang chang phan phaq asea, kiimaq alam alam na seng raüta khuliiq tsaichhin wan, mrochhi phaq wan chang sitlaq thun kra nangnga li chongtlo. Arthun arka rakhü-tsiri na lang wan chang thungtri li. Arthun arka Shiikeawe raq maiqse rilung lamphan lamjong anye kra mitan kuq shaq pat na lang chang li.