WEAWEA 16:13 - ASII LAKDAP Bible (BSI) Riita ümniiraq naishiq ka hiqpo hiq win hiq Ejip mung wa arjaq tsuq wan laüta, ara bintang jüngi mung arjaq tseabaiq ma tsuq wan laü armin hong mak dea ngutiisha tiima tlaü? Kriithaq niimin ümniika naishiq khuthaq na dü laüta naishiq ka kai jamshaha jaq ngutiisha tiima tlaü? Hawa Naga Bible 2001 Mnoz rueq nuiyshiq kuex yaruix tvnx nuex tvthueyc gay khvmc muex phuiuz vsvy rungwanx yaq Ejip mungx kvwawc tvdung shvlx laq phux rvmuq haz? Majuiuc mnoz kuex nuiyshiq htauk nuex jiyungx yaungc roc haz? |
Kra ningkhan she Ejip mungti raq tsangshiq tsaiji kra tiijom baiq ma nguta dikong rümtinok raq tsangshiq ma ningkun maq shiitep raüta jaqsham holai henghea she tiishamto. Israilnok raq Pithom chela nai Rameses chela hokhamwe ma rai awong thun lunke chang nyungchong chela kra teito.
Atiisup niishe hokhamwe raq asenginok tlotli ma aming ashi akha kuqto, “Hibrunok sere noshii setiim maiqwe sere chiitlaq kra doho lanta Nail Rai na baiqki rongkiq. Shatmaq jechaksere chiitlaq kriili atra misilaq.”
Kiimaq tsangshiq raq akha nguto, “Naishiq arka Tatiwe raq Ejip mung niili tsat baiq raüjaq ahea riichang wa. Kiijaq naishiq raq wok raq atang tang tolonglong nga laita ngam ka wok phetaktak phaqsiqkai kiimaq laihin phaq nai sea kiimin maiqmii raq aroro phetak phaqsiq tiikai arwa. Shatmaq ümchaütiq nya ümniiraq naishiq ka ara kumtsaiphii rumnyangkhi mung na tsuq wan laüta naishiq tarü ka ram ma tiihaü tlaü.”
Shatmaq mungmaiqse ka khamnyang tsihea riito. Kiimaq tsangshiq raq Mosheq ma bot wan ruqli riito. Tsangshiq raq nguto, “Ümniiraq naishiq ka Ejip mung wa jam nguto tsuq wan laü? Naishiq ka kiimaq naisetiim ka kiimaq nai nyamse kong ka kham nyangtsi ma tiijiim baiq miitu sha tsuq wan laü?”
Kriiwe raq treto, “Naishiq thaq na ümniika tuwe ma nai phowe ma juro shongta? Ümniiraq Ejip mungtiwe tsatbaiq laü kiikha ngi armin tsea baiq shea dantlaü?” Kiijiishe Mosheq ka ahai riito. Kiimaq apaiq nai apaiq she tiingoto, “Ngi raq jamlai wa klo kang kra maiq riishe sapto.”
Rawii luhea sijai she Ejip mung hokhamwe ka tsaito. Shatmaq Israilnok ka maiq dikong maiq jaqkhon mong na kai chamchao kharü mong na ahan anyi li sitlo. Kiimaq khrum jaü kai aho asii sito. Tsangshiq hoqsii trang ka Shiikeawe niki na saüto.
Namshiq phong wa wiijamti ka nyiimlung rü ahea pinthum kra phaq lan tiimin, namtsan ka heamak sitlan. Namshiq raq phaqlot man achan ana nyiimlung rü kriimin hok maq nishishi nilanta tiibibaiqtlan! Kiimaq namshiq raq khamchum khangriri hea kra nyangtlan. Shatmaq namshiq raq nyang man she kham ka hok maq nishishi lanta wiita atiingi riibaiq tlan!
Shatmaq jipi lüshi lütang nyasiq lanta, namshiq nilok mong maq ngamphu ka dong kili chang she, namshiq ka ngam raq ngiirai lanta namwok riim raq atsi tiibumhap she miraq. Akha namshiq ma misaü wan, jamkhano ngukla namshiq raq Tatiwe arjaq namshiq rai adam sitiwe ka weahü tiishaü baiqlan. Kiimaq namshiq ka Ejip mung wa laü wan manli riichang wa nguta bot nyan trang lan.’”
Israilnok rai pongmungti maiq min laü wan damto. Tsangshiq ka ngam phaq ro tsangsü tsi hea she riito. Kiimaq Israilnok tsangshiq phong wiimin ngam phaq ro ngutiishe bottrang wanto: “Aja naishiq ka ngam phaq ro sütsi riishe haü wan kai!
Ejip mung na siji na ngiq ka chamtraq siq wankai. Athii arii min ahü miili chamtraq ngiq ka siq wankai. Tsan na tiitsang ronglaq, kumchan thun, kham kumchan thun, siq khupo jaqlu lai, siqkhupo pojong lai, kiimaq khorotsang po thun phaqsiq wan kai ira ro dongtlo?
Raüta tsangshiq raq Mosheq ma akha nguto, “Naishiq raq mung ka liiwakai. Laita mung ka chiithe jong hiq kiimaq hiqpo hiq win mung chhiwakai. Arjaq lamhokai petsi wiq tsam tu thun arli liimanta.
Tsangshiq raq Mosheq nai Aron tiishaü bomto. Kiimaq akha nguto, “Nashiq ka Ejip mung niili tsai hai jaq riiwe ka ahea riichang wa. Riimakla ara rumnyangkhi binjü arjaq tsairai hai riiwe ka ahea riichang wa!
Tatiwe raq nashiq ka kra mung na jaram wa tsuq wantla? Nashiq ka re na mitsai rong i. Kiimaq nachaktiim nai nasetiim thun ka re raq shumwi kong ma mitsuq wan. Kra nam miika, Ejip mung na jangho nong riiwe khoti ahea lin miraq riimak sha?”
Kiijiishe Mosheq raq Dathan nai Abiram ka tiiheakito. Shatmaq tsangnai raq akha treto, “Nainai ka wamai!
Shatmaq, tsangmungti raq apaiq ka kai ngengto. Kriikha maq, tsangshiq raq apaiq jai na, tsütsa ka, ‘Naishiq raq arwe arka, naishiq khuthaq na hokham ma tiija wan romai!’ nguta kiimwebi tat raüta bom ka tiichongkito.
“Israilnok raq Mosheq ka, ‘Ümniika naishiq thaq na wela ma nai phowe ma juro shongta?’ nguta shipoqto. Shatmaq, Shiikeawe raq Mosheq ka tsangshiq nok rüm wan miitu wela ma, kiimaq tsangshiq ka kharü mong wa daa wan miitu, srea we ma ashong wan. Kra jaqsham ajong kriika Mosheq ma rumtam mong na walü ma jaraüta rase kitaq kra jaqkhong maq midaa wan nguta chongkuqto.