THARC TVLUINGC 9:11 - ASII LAKDAP Bible (BSI) Ngi raq bomtsi ashi hali sap wan nongkang. Ara mangjong hiq na phiqhea juti raq aju riilong akhingtek ka tang mak. Kiimahali, nolawe riimin rekhat ka tangruq ka tang mak. Taksu maiqse li jiimin, tsuq anyam ka lap wan ruq ka lap mak. Khutsai asiti maiqse kiimin chiithe ma jawan ruq ka ja mak. Kiimahali, asap atsin maiqse kiimin, akhingtek ajong ala miika jawan ruq jawan lot mak. Maiqse rilung na kiimhü ranaiq akhing ka wiitarü raq riihumtlo. Hawa Naga Bible 2001 Ngaz rueq khiz tuiuz tauk vganc yauk shuimc phvnx httax yaq: kvruex kuex mungkawx vyuq vyuz phaq hvlc jix htenc kuex vyuz rvlongx moalx nuex mkaq muinz taungx muq, shvrvyx nolaungx bix ralx lungc nuex mkaq muinz taungx hvt dvyx rvmuq; taksux httaz jix rueq phuiuz vsvy mkaq muinz lvp hvt dvyx rvyaq rvmuq; wvtharc jix kuex mkaq muinz rungwanx muq, vshuimc vkay thenc jix rueq piq yauk shuimc mkaq muinz yungx luz wvnc tuex rvmuq. Kamc vbac kuex miq pumz tek vtueq httax yaq. |
Kra tai raüta, Absalom nai Israilnok raq nguto, “Hushai raq achong tsii ka Ahithophel raq achong thaq na ahea lin.” Jamkhano ngukla, Ahithophel raq riikhaqli tsii achongkuq kriika tiilang raamak nguta Tatiwe raq tri ka atankun she riito. Arka Absalom ka tiithenbaiq miitu tiihongto.
Kiimaq Ahithophel raq apaiq raq tsü achongkuq kra langmak dea riikiita, apaiq ka akumtoq kaü raikhü na ngasaq raütiishe, apaiq sichang chela kiiniishe wawanto. Raüta ajamkun wa tachong wiira thun kra samheawiq tiihong tha raütiishe, apaiq ka ajaqliilü maq shakraito. Apaiq maa ka tsangta maalap chang chiim ba na lapto.
Jahajiel raq nguto, “Chaü lei, kiimaq Juda mungti lei kiimaq Jerusalemti lei, Tatiwe raq ngutlo, namshiq tsaiji tran raa mak, kiimaq ara ra ham hiq ham rephong kra khat kai ma naqhai rongkiq. Rekhatti ka Shiikeawe namshiq riimak.
Kiimaq Shiikeawe riishe brorii mang nguta thapthi hotaq jiika, juro apaiq ka mithuchopki lot.
Tsangshiq sreajongbi jaq wa hupsam ka wiita tsuq wanto kiimaq ümchaü tsangshiq ka amaaphong küram liira riiphong bumraqraq she; tsangshiq ningkun nai asap atsin phaqchi ka khanhü she jakito.
Ara taksu bomtsi arka taksmawe miimin, nyan phaqchi shrinketi, phaqchi pinja atsinti miimin, hon atsii chongketi.
Jamkhano ngukla, hokham riika, apaiq ma kongkhu na hokhambi raq jamlai wa klowantaq, kriili miklo. Kra ningkhan, ngi raq taksu tsii ka jamlai wa? Angi nola tsii ka jamlai wa? Kiimaq maiq jiqti tsii ka jamkhii wa? Kra sap wan miitu she thusi wan kang.
Ngi raq asapha Shiikeawe raq phanrap klotlaq kriika, pattup pat-sa mingang wan. Kriithaq na maiqse raq jamlai tiitsuqphiq kai chang ahü. Kiimaq atiikojo lambaiq wan chang min ahü. Nashiq wiitarü ka Shiikeawe jaqsham kra chhilaita amao laita sichangli.
Ngi nai ngi ka akha tiingo kang, “Shiikeawe raq kechu maiqse nai ashut maiqse ka kappe ashi maq shin raütli tsangshiq kha ka mipho. Jamkhano ngukla, jaqsham kaiwa aweatek ka, maiqmiimii akhing na kha ka miphoqkuq.”
Kiimahali ngi raq ara mangjong hiq na miitsan maiqsetiim ka ajong alabi raq ji maq nishishi haihiitlo chhitiikang. Tsangshiq ka aho anyi riichanchan, makphai sawali. Tsangshiq khrumketi jumin ahü. Jamkhano ngukla tsangshiq haihiitibi ka ajong alabi rai pongdamti siisaq.
Kiimahali maiqse ka ongwan hajaq nguta pinthum minshiiq shiichaqtlo chhitiikang. Arka tsangshiq raq nanok chiiti kra lümha jaq nguta amakshu tsi ma shiichaqtlo. Shatmaq armin atuli, rahai jaijoli.
Shiikeawe raq jamlai wa klowantaq kra shiwea laq, Apaiq raq jamlai wa ako akat tiiq wantaq kriika juro mitrap ru wan lot?
Maiqse liipan na jamlai tiikhothiq chang min ahü. Wiitarü ma kharii ka ashi li saütlo. Kechu maiqse miimin kiimaq ngarai maiqse miimin, kharii ka adamli. Maiqshaqti miimin, kiimaq ngarai maiqse miimin, ajiq maiqse miimin, maiqshaqwe miimin, kiimaq abi ashutwe miimin, akam alam maiqse miimin, kiimaq kammak maiqse miimin, kiimaq honglu keti maiqse miimin, kiimaq honglu kuqmak maiqse miimin, adam li saütlo. Maiqshaqwe kiimin ngarai maiqse kra thaq na ahea lin ka riimak. Atiitumtiwe ka, tiitum makwe thaq na holi riimak.
Maiqse wiitarü ka kharii ashi na sup wa chang siisaq. Arka riikhaqli ka riimak. Tsangshiq ka atra si ruq wiiwii, tsang khutsai, ka abi ati tiima tsantsii riili ama sitlo. Kiimaq angi nola tsii riili ama sitlo. Raüta tiihanghiiq miili she tsangshiq ka tsai kitlo.
Pinthum phiqhea juiti kiimin julot mak she; phenlabi ka lunlot mak she. Shekhu nü na, Euphretis rai maq, tsangshiq ka tiithap rai raütli jiimto.
“Mob mungti lei, namshiq ka jam nguto srea nolabi nguta tiitsakitlan, rekhat na alankaiwi she nguta tiitsaki rai tlan nya?
Tatiwe raq ngutlo, “Taksu maiqse raq tsangshiq taksu tsü miitu shiikong raamak, kiimaq sreajongbi raq tsangshiq ningkun jong miitu shiikong raamak, kiimaq chiithe maiqse raq tsangshiq tsiiq tum miitu shiikong raamak.
Apaiq maklii na mangjong maiqse ka, hiqtilise ikhli liitlo; ramungtan na siti rasetiim nai, mangjong hiq na siti maiqse, apaiq jaqkhon mong na thütlo. Apaiq raq jamlai wa thapthi tlaq, juwe riimin tangta lot mak, kiimaq jurmin apaiq ma wailot mak.
Kiijiishe rase raq ngi ma Jerubabel ma Tatiwe raq atiichongho ara tsütsa ara chonglaq nguta thaüto: “Ümniiraq jaqsham ka phenlabi ningkun maq riimak. Kiimaq ümhan-ngam ningkun miimin riimak. Shatmaq ngi wenyi ningkun miitiq mitang haü.
Isenginok raq thongshi ri hali, kechu maiqse nai ashut maiqse, jurwa ngi shomnoq tlaq kiimaq jurwa ngi shomnoq mak, kra liipan na ahea abi trairii wan tlaq kra tsangshiq raq mak michhi wan,” nguta Tatiwe raq ngutlo.
Phanrap kiimung tlaq arka, Shiikeawe apaiq raq sürii tlaq nai thimi tlaq kra phanphan tiikutlo. Kiimaq Shiikeawe raq nashiq ka, Jesuq Khristo rai pumshi hanshi she tiija wantaq kra lümaq, asengi she nguta phumram kham maq bat wanto she. Arka apaiq raq man na rapha hiqwa niiphü athapthi wan wi she dongdii kra tiiku pi miitu she nashiq ara tsea wanto.
Arningkhan, namshiq ka maiqmii ningkun maq kiimaq maiqmii hong ala maq, chiithe lüwa jawan kai nguta tiima wan raa mak.
Tsan na tiitsang ronglaq, Tatiwe namshiq Shiikeawe raq, namshiq ka chiithe ma jawan miitu ningkun kuqtlo. Apaiq raq ara jamkhano klo kuqtlaq ngukla, apaiq raq namtitiim rai tongshong wantaq kra ümchaü ranaiq na saüli tsapkapkap maq rüm wantlo kra ningkhan namshiq ka chiithe ma tiijatlo.
Krai mren, Dawit raq Goliath ka nepja ahü miili tangto. Kiimaq apaiq ka liqkiip nai longtsi poshi miili tsatbaiqto!
Lanta kra awa wan ka tiitsang lii ronglaq. Riita kra Beth Shemesh chela lam nünü kiina wawan raüla, nashiq ma phiiptsi chang thawa tiisaütaq kriika Israilnok Shiikeawe riidea tiisaüto nguta sap ronglaq. Kra riimak jiika, apaiq raq thadong ka tiisaü mak dea ngushat. Kriika miinan joli thadongto nguta misap rong i.”