THARC TVLUINGC 6:12 - ASII LAKDAP Bible (BSI) Maiqse raq arilung ka ara mangjong hiq na jaqlose kiimaq thiihü sithü tlaq liipan na, apaiq ma ahea pinthum ka jamlai wa miraq, kra apaiq raq jamkho misap? Ara maiqse rilung ka rashekii na khum raüjaq, natsaiji dongtlaq ikhli. Maiqse raq apaiq tsaikai jai, ara mangjong hiq na jamlai mra wa mipin wan kra misap lot shea? Hawa Naga Bible 2001 Miqsaz rullungx kuex raungbuingc ikhoc lvy wvnc yaq ningkhvnc nuex khuec guez dvyx rvtueq, kvkhoc vtut saz baunglaung nuex naungshiq tvkoc vhvlx pinhtumc kuex yvmx lac rvtvnx uraq lac yvmx khoc maq lac tuiuz lot shvnx? Naungshiq thueyc kay yix mungkawx nuex yvmx lac yaungx wvnc tvnx kuex uraq lac yvmx khoc maq lac tuiuz lot shvnx? |
O Tatiwe lei, ümniiraq asap haü, naishiq rilung arka, naititiim pat na munglu shumwi rilung nai wanshawe rilung siwantaq ikhli, siwan tiikai. Naishiq rilung arka rashe kii na maiq tsaiji lea wan tlaq ikhli sitiikai. Kiimaq naishiq ka atsaikai changli sitiikai.
Nashiq ka pepü ikha jaqlolo li jong wan raüta shinki tlaq ikha shinki tiikai. Laita rashekii na maiq tsaiji moki tlaq ikha moki tiikai.
Asetiim ma shreng mantoke akhing misaü, shatmaq apaiq riika sapwa mak she, kiimaq tsangshiq ma jea tiingaü raü min apaiq ma jurmin chong mak she.
Nashiq rilung ka atoqse, nashiq riika jam min sap mai; nashiq rilung ka hiqraikhü na lairap tsaiji lea wan tlaq ikha.
Irilung ka raji rashe nyap na lairap tsaiji thun dongtlaq ikha; Ngi ka sangphii ashinki ikha,
Ngi ka raji rashe nyap wan na jamtsaiji mowan tlaq ikha amo wan miiqmiiq she; ngi ka ajongkaüse rahai raq pan wantlaq ikha pan wanto.
Tatiwe, ümniikli she kata ngi rii, kiimaq ngi ma phanrap rongraa tlaq kra ümniiraq kuqtlaü kata; rawiichii miitu iri lung ka ümjaqkhon mong na.
Shatmaq ngi riikla ümsham michhiha, jamkhano ngukla ngi raq ajiq klomang; kiimaq ümtiikiiwa ngi ka akon maq misamha, ümniirai mantut na peokhiq she misiha.
Maiq pahea raq akha achu jaütlo: “Naishiq ma apapa achu shiiman laq, O Tatiwe lei. Naishiq ka lungwiikhiq ma liilaq!”
Apaiq raq ümchaü shongtiikai mung ara nashiq miitu tseato, apaiq raq lungwiitlaq asenginok MITU tachong rahea.
Tsan na tiitsanglaq, irilung ka atoq se; ümtsan na tiitsanglaq ümniiraq naishiq kunli ka atsaiti siisaq tiiqlaü!
Shatmaq angiwe ka bom wan ruqli, atsaq min tsaq mak. Jam na sup chang wa kra jurmin sap mak. Kiimaq nashiq tsai kai jai rawiichii na jamlai wa misaü wan kra jurmin saplot mai.
Atiithum bomtsi ka arlishe: Shiikeawe kli she shrenglaq. Laüta apaiq aming thun kra langlaq. Shiikeawe raq maiqse phansang wantaq ka ara miituli riito.
Arningkhan, maiqse rilung na athuk pinthum ka, jamlaiwa najaq na lap wankai, kra nawok phetaktak, phaqsea khamnyang, peokhiq maq siwan changli. Shatmaq ara khoqriiq shishiiq maq siwan armin Shiikeawe raq akuq.
Nyan phaqchi kra saptsin wan ha jaq nguta, ngi raq che nyang lata polokhiq siwan kang. Ngi raq maiqse rilung mangjong hiq na atoqse sithü tiikai na, akha polokhiq maq rilung tiisung wan riiwe ka ahea nguta tiima wan kang.
Arningkhan, ngi raq akhli she tak wan kang, maiqse miika mangjong hiq na atra sitiikai bala, najaq maq jamlai minwa shiiqtiikai, kra tsingo ka phaqsiq laita, khoqriiq shishiiq maq siwan changli. Arthaq niika, nashiq raq klo kai chang laihin ahü. Nashiq tsaikai jai niika, jamlai miishe wa mija wan kriika nashiq raq sapmai.
Apa riikhiilea wan wan, thiihü ma jawan wan li miraq. Ümniima jamlai phan aliip apha dong chang min ahü. Atuli.
Irilung ka thiihü niili thum wanto. Shatmaq maiqse rilung na jamlai wa saüwan tlaq, kra ngi raq wiita chhiwan kang. Tingtingwe rilung ka rithiq mojakai li. Shatmaq ashutwe rilung ka aluwiq mosi li.
Shatmaq ajiq maiqse ka hangki mak miraq. Tsangshiq rilung ka rashe nyam tsaiji ikha. Raüta tsangshiq rilung ka atoq mirki. Tsangshiq ka jeroji niili mitsaiki. Jamkhano ngukla tsangshiq raq Shiikeawe aming lang mak.”
Nashiq raq anap jamlai wa misaü wan kriika saplot mai. Nashiq ma kra chongketi jumin ahü.
Tsangshiq lungwii tsantsii, tsangshiq makshu rashe tsantsii, tsangshiq jaq sham kaiwa miitu tsantsi tlaq thun ka tsangshiq miisaq thumtaq krai she thumto. Tsangshiq raq ara mangjong hiq na jaqsham kaiwa lom wan lot mak she. Thumtoshe.
Ümniiraq lungwii tlaü ümjamti nyung rai ümrilung ka khoqriiq shishiiq maq silaq. Ara mangjong hiq na siwan miitu Shiikeawe raq ara thiihü rilung kuqtaq kra tiisung wan laq. Ranaiqtek thiihü rilung ka ara mangjong hiq maq siwan chang kata. Jamkhano ngukla, chamchao litkot mong miili siwan chang rilung ka Shiikeawe raq maiqse ma phansang kuqto.
Riimak, kiikhiika. Tatiwe raq nashiq ma, tingting tri lamphan kra chongkuq wanto. Tri kappe ka tingting maq shamlaita sichang. Nanok ka mangchan laita sichang. Shiikeawe wokhong na tsannin woknin maq siwan chang.
Shatmaq, anap rawüho haü jaq üm rilung ka jamkho jajiiq, kiimin sapphaq maü sitlaü! Üm rilung ka büse jaq na bangkham pose ikhli. Ümchaü asi, shatmaq athi heashise sijai niika ahü she.