Matthew 28:19 - ASII LAKDAP Bible (BSI) Arkha maq, mangjong hiq na maiqphan ümchu wa sitlaq, kiijaq barap se na kirong laq. Lanta tsangshiq ka i jaqshisetiim ma tiija rong laq. Tsangshiq ma Awe mang na, Ase mang na kiimaq Asii Wenyi mang na kham lamkuq rong laq. Hawa Naga Bible 2001 Kvkhoc rvtueq nuimshiq kuex kaz wvnc vtueq miqphvnx ruip rawx kuex ngvy sangac muex tvyaungc shuinz, Vwaz, Vsaz, Vsawc Siyac muingc maq tsuingshiq muex yuix luip lvmz kuq shuinz; Muklom Ethirangma nim iriwang thaji haq náng ka inn etho thaji phan ajat miqtang ni ijiphantey tang ma sol inn, etho ning ma Iwa miing o, Usa miing o, etho Asang tsija miing o jungthalam inn. |
Kiijiishe Shiikeawe raq nguto, “Riita ümchaü ka nashiq raq maiqse thun she phansang rong i; tsangshiq ka nashiq ikha miraq kiimaq nashiq sham sham miraq. Tsangshiq raq ngiq, wushi thun, kiimaq ngamse tlotli, jam nyamse kiimaq rum ngam thun, ajong kiimaq aran phan wiita riim wan miitu arang miho.”
“Ümchaü min ana ithona warongra lantea Ngi raq jamlai wa chongtiikang kra taironglaq. Aphaji niiphü Ngi raq linham linhok chongkuqkang, kiimaq wranaiqtek ibomtsi ka khashkhaq tiiku piwan kang.” (Ümchaü Ajong Thaq Na Ajong Tatiwe raq ngi ma apaiq ningkun kuqto raüta ngi ka tiikito.)
Tatiwe raq ngi ma nguto, “Ngi raq ümniima jaqsham jonghea tiisham chang asi, Ijaqshi se lei. Ümniiraq Israilnok aso tiichongtaq ka, atiijonglu wan lam lam li ka riimak; shatmaq Ngi raq ümniika maiqphan thun ma walüli ashi ma mitiijaha; krai mren mangjong maiqse kunli mitiichhii wanlaq.”
Tatiwe raq apaiq asii ningkun kra milang, apaiq raq asenginok mitiichhii wan, kiimaq mangjong tlotli riishe kra jaqsham ka michhi wan.
Kiijiishe Jesuq raq treto, “Ikhiijiika Thungtri shrinketi phong wa, juwa Ramungtan na asengi ma tiija wan tlaq, kriiti ka maiq laopan weshi raq, apaiq jamkun mong na atsiiq anyam tum totlaq kra, tsiiq chü nai tsii nye thun kra lam raüta, damjong na raüphong tlaq ikhiishe chiithe jong she mija wan.”
kra akhing na mangjong maiqse angu kunli kra triichom raüta, apaiq man niishe mitiinga. Kra akhing na apaiq raq mangjong maiqse ka sku rümti we raq skukong ka chhechhi kong phong mong wa pong na triiphea tsea tlaq ikha phea nai na mitiikho baiq.
apaiq ka ramungtan na, Shiikeawe raq shea wantaq akhing ranaiq na saüli liipan na, apaiq raq ümtinkhan wa jaqsham wantaq kra, nai traho bom chongkuq wantaq jaqsham manphan thun kra, waiq kang. Apaiq ka ramungtan na mishea wan shaq na, Asii Wenyi ningkun maq, apaiq raq akiimwetiim ma nguta tsea wantaq thun kiima tsii ka aheawiq maq chongkuqto.
Shatmaq, ümtiikiiwa Asii Wenyi ka namshiq khum niishe saüki tlaq, kra akhing na, namshiq ka Asii Wenyi raq kunli arom mir wan. Krai mren, namshiq raq ningkun jonghea milap han. Kiimaq, kra ningkun lü miishetiq, namshiq ka i hakhi ma mija lot han. Lanta, namshiq raq Jerusalem na, Judia wang tlotli na, kiimaq Samaria wang na, kiimaq ra takiq na mangjong hiq sitlaq kriithun tlotli na, namshiq raq ngi rai jamkho mang riisap wan lan, kra hakhi she michong kuq han.”
Paul nai Barnabas raq Tsütsa Ahea ka Darbi chela na chongkuqto. Krai mren, maiq pahea Jesuq puk na nyapto. Kra miishe tsangshiq ka Listra, Ikoniam, kiimaq Pisidia wang na Antiok chela niishe jang wan nongto.
Krai mren, Petar traho bomchong kra tai raüta, maiq pahea raq, Jesuq ma kamto. Kiimaq, tsangshiq ma kham lamkuqto. Krai mren, kra ranaiq liipan niili phungtu na maiqnye ka hingtsam tiitsuq shang wanto.
Kiimaq Paul raq abom ka, “Riita ümchaü sanha namshiq raq arshe sap wan ronglaq. Shiikeawe tiichhii wan tsütsa ahea kriika, Pongnok phan maiqse miishe michong kuq wan. Tsangshiq raq tsütsa ahea kra mitai!” ngutiishe abom chong kra shatto.
Kiijiishe, tiihanghiiq miili, amak wa ngiq saksetiim ikha hiq na dea kito. Kiimaq amak ka piiqsaqli she heakito. Krai mren, apaiq kiimin tiidopot she chapto. Raüta, kham lam wantlii riito.
Riita, bom ka akha hali wainong i na: Riita, tsangshiq raq tsütsa ahea kriika tai wan lap mak dea sha riita? Atai kla achan ana tai wan ngo li kha. Taimak dea ka riimak. Asii bomtsi na akha nguta chongtlo: “Tsangshiq traho bom chongke riinya raq, mangjong tlotli nyam wanto; Tsangshiq bomtsi ka mangjong hiq angu na, shokrap norii wiita na nyam wanto!”
Riita, ikhiijiika ümchaü, maiq wiijamti raq amaati mang na kham lam kuq tlaq kriiha? Riita maiq wiijamti raq, maiq ka amaa wa atra dong wan mak she nguta tiima tlaq jiika, tsangshiq raq, kra kham ka jaram li she wa lamkuq wan tliita?
Namshiq raq, Jesuq Khristo mang na kham lam wan lan krai mren, namshiq ka, apaiq rai pumshi hanshi she tiija wanto. Krai mren, ümchaü sanha, namshiq ka, Jesuq Khristo rilung maq akhup wong wan wishe nguta chongtlo.
Riita, ümchaü sanha, ara chongtiikai Khristo lümiishe, nashiq wiitarü, Jehudinok kiimaq Pongnok phan maiqse wiitarü ka, Asii Wenyi lümaq, pumshi hanshi miishe jawan laita, Awe Shiikeawe man niishe chapnga lot tiikai.
Krai mren ümchaü sanha, namshiq ka kamtsantsii tiipha chang Tsütsa Ahea bomtsi thaq na pharangrang maq jaq riiwiiq lanta sirong laq. Riita man na, namshiq raq Tsütsa Ahea tai wan lan akhing na, jamkhiiwa pharangrang maq kamwan lan, kriiwa akhiismin naq tiimeshi rongkiq maq sirong laq. Riita ngi Paul ka, ara Tsütsa Ahea, mangjong hiq wiita na chongkuq wantaq ara chongke miitu jaqshise miishe jawankang.
Kra rathup jüjang wantaq liichum ka, ümchaü namshiq raq kham lam tlan kra lümaq, namshiq khum tiichhii kuq tlaq kra tiiji shi kuqto. Kriika han-ngam khum wa ashe ashi maqraiq hebaiq riimak. Shatmaq Shiikeawe ma tsantsii siirairai maq kiqkham raüpot khake wan achu jaü bomtsi. Ara lümq namshiq ka Jesuq Khristo amaa wa dongwantaq ningkun maq chhiito.