Apaiq raq arit wan akhing min tiihongto, kiimaq atiimobaiq akhing min tiihongto. Asaiqsam akhing min tiihongto, atiijobaiq akhing min tiihongto.
Matthew 19:29 - ASII LAKDAP Bible (BSI) Kiimaq maiq khumtek raq ngi miitu, maiqmii jam lo, aphu anotiim lo, ashea-nyungtiim lo, anyung nai awe lo, asetiim lo, awak ajam lo miimbaiq thütiiti thun miika, kra thaq niimin apa achan ana, ahing ashi maq mitliip kuq. Kiimaq tsangshiq ma pattup pat-sa rilung kra mikuq. Hawa Naga Bible 2001 Ekvmaq ngvy tvkoc nuex yuimx, ghaq, phuz vnox, vshvlx nyuiuz, vnyuiuz vwaz, suiuz vsaz hez wawc vshishiz gay shec jix waz rueq mvnz shashiz htauk nuex muinz vjvnc vjux lvp wvnc vtueq, pattup rullungx muinz lvp wvnc shuex. Muklom Etho utang eq tho, i rangma ning him sha tia uno nia upho tang sha tia unu nia uwa sha tia usa tang sha tia upik haq tang sha shing chak ajo, ning aa irináng eq juk shashey wang eq tho ahan kapna etho pattuk rollung kapna. |
Apaiq raq arit wan akhing min tiihongto, kiimaq atiimobaiq akhing min tiihongto. Asaiqsam akhing min tiihongto, atiijobaiq akhing min tiihongto.
Maiq wiitarü raq namshiq ka i mang na makshu rashe mingeng. Shatmaq jurwa atiithum ranaiq na saüli nin wan tlaq, kriiti kli mitiichhii.
Kiimaq tsamlai hiq win ba na arok kriika, maiq ümriiti riiwa Shiikeawe bomtsi ka tai raüta, atak riiwan tlaq, kriiti ka shiiton tlo. Raüta, kamasham rilung na atsi ango pahea dong man tlo. Raüta tsamnyam nyamshi niili tsamrai ka shishi shi, rairoq trok kiimaq rairoqtsam dong mantlo.”
Shatmaq tsamlai wiijam ka hiq awin wiq ba na rokto. Krai mren tsam ka aheawiq dong manto. Kiiwa tsamnyam wiijam na, nyamshi niili rai shishi shi dongto. Kiimaq tsamnyam wiijam niika, nyamshi niili rairoqtrok rok dongto. Kiimaq tsamnyam wiijam niika, nyamshi niili rairoqtsam tsam dongmanto.”
Ara jamkhano chongtiikang ngukla jurwa maiqmii rilung kra tiihang wan hajaq nguta tiima tlaq, kriiti raq maiqmii rilung ka atiimo mirbaiq. Shatmaq jurwa maiqmii rilung ka ngi miitu tiimo baiq wan tlaq, kriiti raq maiqmii rilung ka mihum wan.
Akhing ashi na maiq weshi ka Jesuq phana wato. Raüta Jesuq ma waito, “Shrinketi we ngi raq pattup pat-sa rilung kra lap miitu jamlai phan athuk atsom jaq sham chang wa miraq?”
Kra tiingalot raütiishe, Hokham we raq apaiq ma jaqtsi nü na ngati maiqse kiima akhiishe mingu, ‘I We raq akap-hap wanti tiim le! Warong ra. Warong ra, i We raq rapha hiqwa miiphü namshiq miitu atiije kra apaiq wokhong na silanta, apaiq achu shiiman kriishe lap lanta sironglaq.
Riita ümchaü sanha arthun arka pattup pat-sa thum mak miq mak chamchao wamungtan kiiniishe mitiidea baiq wan. Shatmaq, kechu maiqse thun arka pattup pat-sa rilung lap wan raütiishe misi wan.”
“Namshiq ka isenginok ngo kha maq, maiqse raq namshiq ka shummii raüla, kiimaq tiichamchao raüla, kiimaq namshiq khuthaq phanrap phanrii abi arot akiq nyan raüla, chochi ronglaq.
Ara rii na, Shiikeawe mungtan nai kechu maiqse ma jawan riiwe kli rit rong laq. Raüla, arthun arka mikuq wan dongdii.
“Juwa i jaqshi ma jawan ro tlaq, kriiti raq ngi ka anyung nai awe, achak nai asetiim, aphu nai anotiim, ashea nyungtiim, kiimaq apaiq khum thaq niimin, ngi ka apa lungwii mak jiila, apaiq ka i jaqshise ma jawanlot mak.
Krai mren she, tsangshiq raq lai wiinai ka, takii niishe tatthüto. Raüta, phanrap ta awii thun ka kiijaq miimthü raütiishe, Jesuq jai phan phan she wawan damto.
“Namshiq ka ma chochi jonghea, ümtiikiiwa maiq raq namshiq ka Maiq Se miitu angeng miraq, kiimaq ashleq mirbaiq. Kiimaq ashummii miraq, kiimaq namshiq ka abi nguta mingu!
Namshiq ka phiijawa rii sitlan ngu raü ka, tsangshiq raq namshiq ka tsangshiq kongtisii nguta milungwii. Shatmaq, namshiq ka mangjong hiq wa, ngi rii she nguta, ngi raq tsea tsiiq wan kang. Namshiq ka mangjong hiq rii riimak she. Arkha miitiina, ümchaü mangjong maiqse raq namshiq ngeng tlaq.
Tsamjut ningchangti we riika, ningchang maq laptlo. Kiimaq tsam jut tlaq kriika, pattup pat-sa rilung tsam. Krai mren ajangti we nai ajutti we ka adam niishe michochi.
Kiimaq, apaiq ka ngi miitu, ümtinkhan chamchao chang wa, kra ngi raq apaiq ma mitiichhi kuqha.”
Shatmaq Asii bomtsi na akha chongtlo, “Maiqse angu wa jurmin jangshi ra min, akha mihong tha wan nguta tiima chhi tai lot mak. Kra riiwe ka Shiikeawe raq apaiq lungwiitibi ümchuwa sitlaq, kriiti miitu tiije kuqto she.”
Riita ümchaü ka naishiq Jesuq miishe kam tiikai. Krai mren, naishiq raq maiq jumin mangjong han-ngam tri maq shin mai she. Man na lea wantaq akhing na riiwe kla, naishiq riimin Jesuq Khristo ka han-ngam tri miili dea shin rat wankai. Shatmaq ümchaü sanha han-ngam tri miika shin mai she.
Arthun arli lamlam ka riimak: Ngi raq Tati Khristo Jesuq rai mang riisap thü tsinhea, kra miitu phanrap ka, thiihü hiqtili miili she tiijabaiq kang. Apaiq miitu, ngi raq phanrap phanrii hiq maq hutse raübaiq kang she. Ngi raq ara phanrap thun ara sinchiitsap ikhli she tsuqbaiq kang. Kriika, ngi raq Khristo ka lap wan miitu tsuqbaiq kang.
Namshiq ka Jesuq sengi ngo kha maq, maiq raq thophi riiqphi shummii kiiphan la, namshiq ka kopan jonghea maiqsetiim ngutli tak rong laq. Maiq raq akhiishe raüka, namshiq khum na, Shiikeawe Wenyi, achhai anyii jonghea ka asi dea nguta tak wan chang.
Tsangshiq raq trahoke khum tlaq kriika, Shiikeawe jaqsham miitu khum tlo. Kiimaq tsangshiq ma wanhiq khum miitu chiirit chiikha rong ra tlaq kriika thatsang maiqse jaq wa, raipo wonglo jam min jaü mak maq khumshiimtlo.