Matthew 14:20 - ASII LAKDAP Bible (BSI)

Krai mren, maiq wiitarü raq wok phetak chhaq phaqsiqto. Nokwe raq phaqsea lot jai she, ajaqshisetiim raq seabung atiichong kra riichom kiita, tamlii roqshi ri anai tuptup mato.

Hawa Naga Bible 2001

Miq lotlaz rueq phoay laz rueq phauk saq wuez tueq. Kvruex yimaq vsangac hez rueq vphuinz vphux kvjungx yaq htenc kuex tvjomx koq tueq tvmtuiuc rokshiz rac vnueyc mvrc tueq.

Muklom

Thaji miqtang eq wok taphutla phaksat ta. Ethi jio, ujiphantey tang aa udak banlo pin tha asi ani qhong o thajota.

Matthew 14:20 Referencias Cruzadas

DUNGWVNC 16:12

“Israilnok bot-nyantrang ka Ngi raq taikang she. Tsangshiq ma chonglaq raji raban raprap na tsangshiq raq ngam aphaq chang milap. Kiimaq ranap na tsangshiq raq aphaq asea lot mak winsii ka milap. Kiijiishetiq tsangshiq raq Ngi, Tatiwe ardea tsangshiq Shiikeawe ngutiishe misap wan.”

DUNGWVNC 16:8

Kiijiishe Mosheq raq nguto, “Tatiwe raq namshiq ma raji ko phaq chang ka ngam mikuq kiimaq ranap ko na phaqsea chang ka winsii, namshiq raq alot lot kra mikuq. Jamkhano ngukla namshiq raq apaiq ngeng ma ümtinkhan wa bot nyan lan kra apaiq raq taito she. Namshiq raq nai nai ngeng bom ümchuwa bom lan kriika Tatiwe ngeng bom riito.”

TAKSU LAK 13:25

Kechu maiqse ka, rongboq sitlo. Shatmaq ngarai maiqse ka, asong aramtsi riili tsaitlo.

LEWI 26:26

Ngi raq namshiq phaqsea lun wan chang lam thun kra ashang mirbaiqha. Kra ningkhan ramtsi ma jechak nyung roqshi raq tsangshiq winsii lumchang wacha ka ashi kiijiili she milum. Ashong lumchang min ahü she miraq. Tsangshiq raq rai awong ka akhüse kli she mishong phaqsiq. Kra ningkhan namjaq na sitlaq kra phaqsea lot jai, namshiq ka ramtsi hot hot li misi han.

HAGAI 1:6

Namshiq raq wak jaqsham tlan kiiwa tü atsam ka ümtinkhan chhijang wan tlan, riishatmaq, atsi ango ka ahü. Tsam ka atsapse li jut tlan. Namshiq tsam ka asi laptlan. Shatmaq namwok ka phemak. Namshiq jaq na spiqtai ka asi. Shatmaq phetaktak nyang wan li chang ka ahü! Namkhum na asam han khea ka asi. Shatmaq ra lammak. Kiimahali ranaiq ningchang jaq sham wantibi riimin, awok pheli chang ningchang ka lap mak.

Matthew 14:21

Kra nokmaiqse tiiphaqsiq wantaq phong wa jechakre nai nosere thun ka weahü maq, maiqwere lamlam li, maiq ka hingbiingi tin khan riito.

Matthew 15:33

Kiijiishe, ajaqshisetiim raq, “Riita nashiq raq ara kumtsaiphii maq maiq achu kong arma tiiphaq sia wan chang tü adung ka jambawo mihum rong i?” nguta apaiq ma waito.

Matthew 5:6

“Jurwa Shiikeawe raq thapthi tlaq kra sham tsan tiitsitlaq kriiti ma chochi; Shiikeawe raq tsangshiq ma, tsan tiiheali mikuq!”

Luke 1:53

Apaiq raq amang ale maiqse angu kra, wok phetaktak hea tiiphaqsiq wan tlo, shatmaq chiithe maiqse kra jaqmii maq tiiwa baiqtlo.

Luke 9:17

Krai mren, tsangshiq tarü raq, wok phetak chaq phaqsiqto. Kiimaq ajaqshisetiim raq, phaqsea bung atiichong kriika riichom kiita, tamlii roqshi ri anai mali riito.

John 6:7

Kiijiishe, “Maiqphong achu armiika kamsii shinai maq winsii ri raüta pheakuq raü min, nü chhuq min kham mak khata miraq,” nguta Philip raq treto.