Matthew 12:31 - ASII LAKDAP Bible (BSI) Arkha maq ngi raq chongtiikang. Maiqse raq ahin ngarai jamlai wa tang tlaq kra nai tsangshiq nübok maq ajiq jamlai wa bomtlaq kriika adii baiqke wan mimai. Shatmaq, jurwa Asii Wenyi ma riikhiq ashut bomtlaq, kra ngarai ka ümchaü pat niimin kiimaq jai na pattup pat-sa pat saühotlaq kiijiimin diikuq wan lot mak miraq. Hawa Naga Bible 2001 Kvkhoc rvtueq ngaz rueq nuimshiq muex vsuing jungx kuq ix, mvrax nuiyc honc vbac kvjaz phvnx ruip saz kuex miqsaz htauk wawc dawc kuy gay juing lvmx httax yaq, yuq muinz Vsawc Siyac muex vyaq kuq mvrax kuex dawc kuy juing lvmx vguez. Muklom Iri rangma nga nim ma batphang, thaji ngarey etho jashit raaq tangma tolchak eq na, etharin Asang Tsija ma jashit raaq tey eq tolchak kap moq angna. |
Tati raq ngutlo, “Riita ümchaü min bom ka riichong i. Ümkhum ka ngarai na tiitsam laüta maiq tiijai maq tlo laüta shiiroro she sitlaü. Shatmaq Ngi raq ümniika tsakhiiq ikha siirairaihea lüdiidii hea she mihekuqha. Ümkhum ka ngarai maq alorat kha maq, among tsaühea na saüli achhe wan kun she shiiroro ma she, li jiimin, Ngi raq ümniika umnirai railü tam ikha lüdiidiihea she mitlü kuqha.
Abi maiqsetiim raq tsangshiq lamphan kra mibaiqthülaq, raüta tsangshiq tiima tsantsii kra aklai mirwanlaq. Raüta tsangshiq ka Tatiwe, nashiq Shiikeawe wokhong na minyap wanlaq; apaiq tiihang mangchan jonghea kiimaq jaqloli mra midiikuq.
Tsangshiq ma chonglaq, Tengteng. Ngi, Tati Rakaü Hiqwe ka atra Shiikeawe. Ngi raq ngarai maiqse ashi tsai wan kra rosi mang. Ngi riika apaiq raq ngarai klo kra thaqbaiq raüta atra siwan kli rotiikang. Israil lei, ümniiraq abi kiimungtlaü kra thaqbaiq tlolaq. Ümniika jaram tsai wa rotlaü?
Kiimaq apaiq ka tseabaiq raa dongdii. Israilnok wa juli jiimin, riimakla wanshawe pong mungti Israilnok rai sidamti jurwa Tatiwe ma manson kiqsü bomtlaq, kriiti ka nokwe raq long maq tiiq raüta tseabaiq raa.
“Jurwa Maiq Se ma angeng bom bom tlaq, kra ngarai ka adiike wan mimai. Shatmaq, jurwa Asii Wenyi ma ngeng raüta, riikhiq ashut bom tlaq, kra ngarai ka diikuq mak miraq.
Krai mren, Stephen raq tsangshiq ma, “Riita ara chongtiikai arai mren, namshiq tsantsii ka pinthum wanshakshak! Namtsantsii ka thatsang maiqse tsantsii ikha thü tlan. Shiikeawe bomchong ka tai man phan! Namtitiim pat na jamkhiiwa lanlaqlaq siwantaq, kiikha ümchaü namshiq min lanlaqlaq sitlan. Namshiq riimin Asii Wenyi bomchong ka khiilataq maq khü tlan!
Nashiq raq, tengman tlaq bomtsi kra, saptsin wan jai niishe min, ngarai ka jaqla maq tang wan ruqruq miili la si hai jiila, nashiq ngarai tiisii miitu honglu na ataake chang ka ahü she.
Ikhiijiika, Shiikeawe Se ka ji maq nishishi raüta saisi tlaq, kriiti ma kiiha? Shiikeawe tongshong khamchong ram chang tiijai kok, apaiq maiqmii ngarai khum ka tiisii he chang tiijai ka, apii ashi min ngu mak, shishe tlaq, kriiti ma kiiha? Tiima rong liita, akhnok maiqse miika, Shiikeawe raq ümtinkhan heng mo tiihoke chang she wa miraq!
Juwa Shiikeawe wokhong wiishe kinphai na dongho nong tlaq, kriiti ka thongshi tiijang sheaki lot mai she. Tsangshiq tsantsii ka klai wan lot mak she. Tsangshiq ka Shiikeawe rawii li na si raüta, asum atei wishe. Tsangshiq raq sanseng ramungtan wa Shiikeawe raq akuq, kongphiq sum kra asap wishe. Kiimaq nanok rai adam maq, Asii Wenyi ka lapto.
Shatmaq, nashiq raq nashiq ngarai ka Shiikeawe man na troq hai jiika, apaiq raq nashiq ma jamlai wa khamkuq taq kra tengteng mikuq. Kiimaq tengman tlaq lam na mishun shea. Apaiq raq nashiq ngarai thun ka wiita midii kuq. Kiimaq nashiq tsan mong na ashe ashi tiima ümchuwa sitlaq thun kiimin wiita mitiisii hekuq.
Namshiq raq namphuno we ka ngarai tangrea michhihan. Kiitiina kra ngarai ka apaiq tsaili chang wiqwiq kla riimak miraq. Kra chhihan jiila, Shiikeawe jaq wa apaiq miitu achu jaükuq ronglaq. Kra riihan jiila, Shiikeawe raq apaiq mra ka adii mirkuq. Ara achu jaükuq ronglaq nguta chongtiikang arka, ju ngarai wa tsangshiq miisaq thumli chang ka riimak, kriiti miituli chongtiikang. Shatmaq jurwa apaiq miisaq thumli chang ngarai she tang tlaq, kriiti miitu ka namshiq raq Shiikeawe jaq wa achu jaüke ka raa mak she.