Mark 6:14 - ASII LAKDAP Bible (BSI) Kiimaq, Jesuq raq ümtinkhan wa jaqsham wantaq kra tsa ka, barap binrii niishe nyam wanto. Hokham we Herod riimin arthun tsütsa ka taito. Maiq wiijamti riika, “Apaiq ka Khamlamketi we Johan ira, ama wa powa nongto! Kriikha maq, apaiq raq atinkhan, awang chang jaqshamtlaq ara,” nguta riichongtlo. Hawa Naga Bible 2001 Yesu thaungc kuex baung ruip saz nuex nyvmc wvnc vtueq Herod hokhvmx rueq kvruex lvmz lotlaz tay tueq. Miq wvyvmc rueq Yesu ngoc, “Yuix Luip Yohan thueyc vtueq vyuing kvtenc wvnc waz rvtueq! Kvkhoc ningkhvnc nuex vpiq rueq vwangc juing luimc vkawc shuimx lot yaq,” ngoz tueq jungx wuez tueq. Muklom Etho lungwang Herod aa Jesu tung aa raaq tat ta chammatakoi thaji miqtang aa Jesu miing tha usam eq ta. Chamtey miqtang eq batta, “Jung thalamtey wa John weyjey angta! Ethi rangma piq aa daqhan patja jaksom kap somlo aa.” |
Jerusalem na siti apaiq senginok phaqchi phoqketi raq, liqsin hiip chang thun, kiimaq long ajong wiq thun kra kongmong chong thun nai chela tapshok ruk ba thun maq thong chang thun kloto. Apaiq mangjong tsaki ka barap se niishe nyam wanto. Kiimaq apaiq khushü nai ningkun jong ka henghea she jong wanto. Jamkhano ngukla apaiq raq Shiikeawe jaq wa khrum lapto.
Ammon mungti ka apaiq wanse ma jato Raüta tijong tsiiq apaiq ma kuqto. Apaiq ningkun jong nai apaiq mangchong tsaki ka ra tsa la ra tsa she jong wanto. Kra ningkhan apaiq tsa ka Ejip mung na taqtaq nyam wanto.
Shatmaq tsangnai ka kriiba kiiwa tiido wan raüta, Jesuq tsaki kra hong barap se niishe rinra wanto.
Krai mren she, Jesuq tsa ka, jaqlo thitthit li she, kra Gelili wang hamli niishe nyam rai wanto.
Shatmiitiq, apaiq ka wawan raüta, atsi tiihea kuqtaq tsütsa kra, barap binrii niishe tsaki wanto. Apaiq raq barap na, rin ra wan kha maq, Jesuq ka chela na, nokwe makki na, khumki lot mak she riito. Arkha maq Jesuq ka, maiq akaiq kaiq ba hiqshong niili she khum wanto. Kra taü maq dongdii min, mungmaiqse ka Gelili wang barap se wa, apaiq phana riitsap riikhat wato.
Tsangshiq raq, “Wiijamti riika, Khamlamketi we Johan nguta ngutlo. Kiimaq wiijam ngiika, Elija ngutlo. Kiimaq wiijamti riika, Shiikeawe shammibi phong wa weshi powato nguta riichongtlo,” nguta apaiq bom ka treto.
Kra akhing na Phorisinok wiijamti ka, Jesuq phana wa raüta, “Ümniika Gelili wa ümchiim jintlo laq. Herod raq ümniika atsea baiq tantlo,” nguta apaiq ma chongto.
Kra akhing ka, Roman Hokham we Tiberias raq Hokham jawan li maq, wiiroqshi ri wiibiingi she riito. Pontias Pilat ka Judia wang na Wanghupti we riito. Herod ka Gelili hong na hokham riito. Kiimaq ano Philip ka Iturea nai Trakhonitis hong lang wanti riito. Lisanias ka Abilene hong langti riito.
Ara chongtiikai, Jesuq mangjong tsütsa arka, kra mung tlotli na, kiimaq kra tro na mung ahin sitlaq thun kiina wiita phoi li she nyam wanto.
Tsangshiq raq treto, “Maiq wiijamti raq, ümniika Khamlamketiwe Johan,” nguta ngutlo. Kiimaq, “Wiijamti raq hali ka, ümniika Elija nguta ngutlo. Kiimaq wiijamti ngiijaq, ümniika man na rathup rapha pat wa, shammibi phong kiiwa weshi powato nguta ngutlo.”
Krai mren, namshiq lümaq, Tatiwe Tsütsa Ahea ka Mesidonia nai Akaia wang na wiita nyam wanto. Kra lamlam li min riimak na, namshiq raq Shiikeawe ma kam tlan tsütsa ka mang rap niishe nyam wanto. Riita, krai mren, ümchaü sanha, namshiq ma kamasham jaqsham thaq na, naishiq raq achan chongke kai chang min raa rai mak lishe.
Tsangshiq raq kuqtlaq hakhi thaq kiijaq hali, Shiikeawe raq kao raüta awang chang nai phiiptsi chang jaqsham ka pahea sham wan ruq miili, nashiq ma khangriri hea maq tiichhikuq nongtlo. Ara chongtiikai, Asii Wenyi kongphiq ningkun thun arka, Asii Wenyi raq maiqse loweatek ma jamkhii kewan wa lungwii tlaq, kra phanphan kuq tlo.