Mark 5:29 - ASII LAKDAP Bible (BSI) Krai mren, apaiq raq Jesuq khea samtong jong samtlaq kiijaq, thansaq shamto. Krai mren, athatsi ka tiidoqra heakito. Kiimaq apaiq raq akhum na atsi hea wan kra sapto. Hawa Naga Bible 2001 Piq kuex Yesu khvy nuex kvtungc shauk rac dvyx tvguiy dung yaq kuex httuiz wvnc ruiux, piq mac hvlx wvnc tueq lvmx piq rueq helc lvp tueq. Muklom Kalo hun piq tahi jan aa tha tatáng ta; etho piq tak tha uqhal angta ta piq aa tho usam eq ta. |
“Ümtiikiiwa armung arjaq ram dongtlaq, riimakla thabi dongtlaq, riimakla rahai haike hai raüta tsam ka wak wa tiithen baiqtlaq, riimakla kupchi sawa long raüta tiithen baiqtlaq, riimakla, ümsenginok ka chiqse rewe raq longtlaq, riimakla, thatsitlaq, riimakla tsangshiq liipan na thuptsi thatsi saütlaq akhing na,
Apaiq raq aming kuqto raüta tsangshiq thatsi tiiheato raüta tsangshiq lumkükiq wa tiijangto.
Apaiq raq tsantsi mongtsiti thun ka, tiiheakuq wantlo, kiimaq tsangkhum wa ami atsi thun ka phum raüta job kuqto.
Ngi raq ümjaq wa khrum jaü hoqsiqkang, O Tatiwe lei, i Shiikeawe lei, krai mren ümniiraq ithatsi tiiheakuq laü;
Apaiq raq nguto, “Namshiq raq ibom ka kunli phaqchii nichii maq tai hanla, lanta Ngi raq jamlaiwa riikhaqli nguta thapthi tiikang kra klo hanla, kiimaq Ngi raq akuqha aming thun ka wiita lang hanla, Ngi raq namshiq ma mo ka tiiho mang mirha, Ejip mung khuthaq na thadong tiisaü kaü thun ka, namshiq khuthaq na ashi ra dongdii min tiisaü mang mirha. Ngi ka Tatiwe, namshiq thatsi tiiheaketi.”
Kiimaq ümtiikiiwa ramwe ka jam kra shri ra liiwa watlaq, kiitiikaq apaiq raq jam ka boq anye maq lojai thathaü ka longmak she jiila, apaiq raq kra jam ka asii she apii chang ahü she nguta bom ka mitoqtan. Jamkhano ngukla thathaü ka tiisiirai alambaiq kun she.
Kiimaq maiq weshi ra raq jechak nyung shi ra rai, apaiq jipi lü kheasam akhing na hainga raüla, tsangnai wiita hiqshong wa ajobaiq chang. Jamkhano ngukla tsangnai raq apii chang ashe ashi thungtri ka jinto.
Maiq nyung ashi ka akhing khing na tiijai dong tsi raq chamchao raitlo. Apaiq ka akha wiiroqshi ri wiinai she chamchaoto. Kra nyung ka Jesuq jai nü maq dongchhaq raüta, Jesuq raq samtlaq samtong jong kaü kiijaq ajaq ma shamsaq shamto.
Apaiq raq maiq atsiti ka pahea tiihea kuqto. Krai mren, maiq atsiti thun pahea raq, apaiq khum na jaq maq shamtlo haijaq nguta, riithu riiliiq, apaiq phana wa riitsap khatto.
Apaiq raq atsan mong na, “Ngi raq adü na asam kheani se kiijaq, i jaq maq shamlap hajiili, i thatsi arka mihiaki,” nguta tiima wanto.
Kiijiishe, Jesuq raq, “I se le! ümniiraq ngi ma kamwan laü kha maq, hea wan laü. Ahea, Ümchaü ka hansang miishe siwakiq. Ümthatsi ka heakito she” nguta chongkuqto.
Kra akhing bala, Jesuq raq maiq atsi asiti ka pahea tiihea kuqto. Apaiq raq, maiq ka thup atha raq arom wan wa kiimaq maiq achuk amiiti thun pahea kra tiihea kuqto.