Mark 14:54 - ASII LAKDAP Bible (BSI) Petar ka Jesuq jai na, jailu maq, phanho raüta, Ramwe Ajong Pinthum we jam, rukmong kiijaq saüli wawanto. Raüta kiijaq Shomjam khetibi hokranok rai wawo adam na nga damto. Hawa Naga Bible 2001 Peter kuex vluz maq dvyx raz tueq Shomc Wayungx yuimx wangx nuex httuiuc laz phvnx laq naungx tueq. Kvruex yuq vbvmc jix hez rulc vdvmz wvrkez hep nuex ngaungc vtueq wvr guiy naungx tueq. Muklom Alo wang, Peter ji jio thu eq ajong tingwa tang solwa himthal o langta. Ethina piq ralkoltey tang jamoq wal relnáng thalom ma tong kata. |
Riita ümtiikiiwa Elija raq kra maiqbom ka taitaq, apaiq raq atheaphi ka asamtongjong kaü samtlaq kriimaq pangto. Raüta kinphai na dongkito. Raüta kra longshaki kiijaq chapkito. Kiijiishe maiqbom ashi raq apaiq ma akha nguto, “Elija, ümniika arjaq jamlai wa riitlaü?”
Kiijaq apaiq ka longkhong bok na rawa na akon wa nyap wato. Tiihanghiiq miili Tatiwe raq apaiq ma akha bomto, “Elija ümniika arjaq jamlai wa riitlaü?”
Kra akhing na ramwe jongbi nai welabi thun ka Ramwe Ajong Pinthum we Kaiaphas jam na ngongthun ngato.
Petar riika jailu maq trü phan hoto. Raüta Ramwe Ajong Pinthum we jam rukmong kiina saüli wangmong na nyap wan damto. Apaiq ka jam rukmong kiina wawan dam raüta, phenlanok rai ngawa damto. Raüta tsangshiq raq apaiq ka jamkhiishe wa riijiiq, si liila nguta ngato.
Kiimaq apaiq raq tsangtsam ma, “Achu jaü shiichaq rong laq. Maitai kho na dea jiiq. Namshiq wenyi riika achu jaüro, shatmaq han-ngam raq tang mak,” nguta chongkuqto.
Petar ka jamkea sonruk mong niili riito. Kiijaq Ramwe Ajong Pinthum we jaqshisetiim jechaksere phong wa nyungshi ka Petar tho na kito.
Krai mren, atsan na tsihea maq hali, apaiq raq achu ka jaü nongto. Apaiq achu jaü na riilong wantaq kriikha maq, apaiq khum na ralam sa wa ka, tiijai da ikha hiq na sato.
Riita ija, tsangshiq raq Jesuq ka laphoto. Raüta, Ramwe Ajong Pinthum we jam na sheahoto. Kiimaq Petar riika jailu maq trü phanhoto.
Kra akhing ka rasonghea riito. Kriikha maq, Ramwe Ajong Pinthum we jaqshisetiim nai Shomjam kheti petanok raq wachan chaq raüta, tsangshiq ka wa tro na wawo riitam chapto. Kra chhi raütiishe, Petar min arasong tsi ma tsangshiq rai wawo chap wa damto.
Petar ka watho na wawo chapshat li riito. Kiijaq chapti nanok maiq ahinti raq hali, “Ümnaq armin la kriiwe jaqshisetiim phong wiidea riimak sha?” nguta Petar ma bom ka waito. Shatmaq Petar raq, “Riimak. Jambawo, ngi ka apaiq jaqshi riimak,” nguta tiidamki nongto.
Kiimaq maiq wiijam ka Jordan rai kra jin raüta, Gad phan wang nai Gilead wang binjü kiiniishe tiipaü jutrangto. Saul ka Gilgal chela niili riito. Kiimaq mungmaiqse apaiq rai sitlaq thun kriimin, haisitsi ma atiikhai rokrok she riito.